မဲစာရင်းမှတ်ပုံတင်စက်ကို စမ်းသပ်အသုံးပြု
နိုင်ငံတကာတွင် အသုံးပြုနေသော ကိုရီးယားနိုင်ငံထုတ် မဲစာရင်းမှတ်ပုံတင်သည့်စက်ကို ပြည်ထောင်စုရွေးကောက်ပွဲကော်မရှင်က ရန်ကုန်တိုင်းရှိ မြို့နယ်သုံးခုတွင်စမ်းသပ်အသုံးပြုခဲ့သည်။ ဓာတ်ပုံရိုက်၍ရခြင်း၊ လက်ဗွေနှိပ်စက်ပါရှိခြင်းနှင့် မဲဆန္ဒရှင်၏ အချက်အလက်များကို ရိုက်နှိပ်၍ရခြင်း စသည့် အားသာချက်များရှိကြောင်း ကော်မရှင်မှသိရသည်။
‘‘ဒီစက်ကို မဲပေးတဲ့နေ့မှာ မဲရုံမှာထားရင်၊ မဲလာပေးတဲ့သူက လက်ဗွေရိုက်လိုက်ရင် မှန်၊ မမှန်စက်က စစ်လိမ့်မယ်။ နောက်တစ်ခေါက် မဲလာပေးလို့ လက်ဗွေနှိပ်ရင် စက်က သူမဲပေးပြီးကြောင်း အချက်ပြလိမ့်မယ်။ နှစ်ခါမဲပေးလို့ မရတော့ဘူးပေါ့’’ ဟု ကော်မရှင်အတွင်းရေးမှူး ဦးတင်ထွန်းကပြောသည်။
၂၀၁၅ ရွေးကောက်ပွဲတွင်မူ နှစ်ခါမဲမပေးနိုင်ရန် လက်သန်းကို တာရှည်ခံသည့် မင်တို့ကာ မှတ်သား ခဲ့သည်။ စက်ကြောင့် မဲပေးခြင်းကို မထိခိုက်နိုင်ကြောင်း ၎င်းကဆက်လက်ပြောသည်။ အဆိုပါစက်ကို လှိုင်မြို့နယ်၊ ကော့မှူးမြို့နယ်နှင့် လှိုင်သာယာ မြို့နယ်တို့တွင် စမ်းသပ်ခဲ့ကြောင်း ကော်မရှင်မှသိရသည်။
၂၀၁၅ ရွေးကောက်ပွဲ မဲစာရင်းမှားယွင်းမှုကြောင့် ဝေဖန်ခံခဲ့ရသည့် ကော်မရှင်သည် ကြားဖြတ်ရွေးကောက်ပွဲတွင် မဲစာရင်းမှန်ကန်မှုရှိစေရန် နည်းမျိုးစုံဖြင့် ကြိုးပမ်းဆောင်ရွက်လျက်ရှိသည်။ တစ်အိမ်တက်ဆင်းမဲစာရင်း ကောက်ခံခြင်းကို ဆောင်ရွက်ခဲ့သည့်အပြင် ယခုကဲ့သို့ စက်ဖြင့် အသုံးပြုခြင်းကိုပါ စမ်းသပ်ခဲ့ခြင်း ဖြစ်သည်။
ကောက်ခံရရှိသည့် အခြေခံမဲစာရင်းကို ဖေဖော်ဝါရီ ၁၄ ရက်အထိ ကော်မရှင်အဖွဲ့ခွဲရုံးများတွင် ကပ်ထားမည်ဖြစ်ပြီး တစ်အိမ်တစ်ယောက် လာကြည့်ရန် ကော်မရှင်က မေတ္တာရပ်ခံထားသည်။
မဲစာရင်းတွင် အမည်အချက်အလက် မှားယွင်းလျှင် ပြင်ဆင်ရန်၊ မပါသင့်သူများပါလျှင် ကန့် ကွက်ရန်နှင့် အမည်မပါသေးလျှင် ထည့်သွင်းပေးရန် တောင်းဆိုနိုင်ကြောင်း ကော်မရှင်က ကြေညာထားသည်။ မဲစာရင်းတွင် မိမိအမည်ပါမှသာ မဲပေးခွင့်ရမည်ဖြစ်သည်။
ကြားဖြတ်ရွေးကောက်ပွဲကို လာမည့် ဧပြီ ၁ ရက်တွင် ကျင်းပမည်ဖြစ်ပြီး မဲဆန္ဒနယ် ၁၉ နေရာအတွက် ကိုယ်စားလှယ် ၉၄ ဦး ယှဉ်ပြိုင်ကြမည်ဖြစ်သည်။
# 7 Day Daily