ကြားဖြတ်ရွေးကောက်ပွဲတွင် ကိုယ်စားလှယ်လောင်း ၉၅ ဦး ဝင်ရောက်ယှဉ်ပြိုင်မည်
ဧပြီ ၁ ရက်တွင် ကျင်းပမည့် ကြားဖြတ်ရွေးကောက်ပွဲကို နိုင်ငံရေးပါတီ ၂၄ ပါတီမှ ကိုယ်စားလှယ်လောင်းများနှင့် တစ်သီးပုဂ္ဂလကိုယ်စားလှယ်လောင်းများ စုစုပေါင်း လွှတ်တော်ကိုယ်စားလှယ်လောင်း ၉၅ ဦး ဝင်ရောက် ယှဉ်ပြိုင် မည်ဖြစ်ကြောင်း ပြည်ထောင်စုရွေးကောက်ပွဲ ကော် ရှင်က ဇန်နဝါရီ ၂ ရက်၌ ထုတ်ပြန်သည်။
လွှတ်တော်ကိုယ်စားလှယ်လောင်းများစာရင်းကို ကြားဖြတ်ရွေးကောက်ပွဲကျင်းပရန် သုံးလအလိုတွင် ထုတ်ပြန် ကြေညာခြင်းဖြစ်ကာ အမျိုးသားဒီမိုကရေစီအဖွဲ့ချုပ်နှင့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီတို့သည် လွှတ်တော် ကိုယ်စားလှယ်လောင်း အများဆုံးဝင်ပြိုင်သည့် ပါတီများဖြစ်သည်။
ကြားဖြတ်ရွေးကောက်ပွဲကို နိုင်ငံရေးပါတီ ၂၄ ပါတီမှ လွှတ်တော်ကိုယ်စားလှယ်လောင်း ၈၈ ဦးနှင့် တစ်သီး ပုဂ္ဂလလွှတ်တော်ကိုယ်စားလှယ်လောင်း ခုနစ်ဦး ဝင်ပြိုင်မည်ဖြစ်ပြီး အမျိုးသား ၇၉ ဦးနှင့် အမျိုးသမီး ၁၆ ဦး ပါဝင် နေကြောင်း ပြည်ထောင်စုရွေးကောက်ပွဲကော်မရှင်၏ ထုတ်ပြန်ချက်တွင် တွေ့ရသည်။
ပြည်သူ့လွှတ်တော်တွင် တစ်သီးပုဂ္ဂလလွှတ်တော်ကိုယ်စားလှယ်လောင်းခြောက်ဦး အပါအဝင် လွှတ်တော် ကိုယ်စားလှယ်လောင်း ၄၉ ဦး၊ အမျိုးသားလွှတ်တော်တွင် တစ်သီးပုဂ္ဂလ လွှတ်တော်ကိုယ်စားလှယ်လောင်း တစ်ဦးအပါအဝင် လွှတ်တော်ကိုယ်စားလှယ်လောင်း ၁၅ ဦး၊ တိုင်းဒေသကြီးနှင့် ပြည်နယ်လွှတ်တော်တွင် လွှတ်တော်ကိုယ်စားလှယ်လောင်း ၃၁ ဦး ဝင်ရောက် ယှဉ်ပြိုင်ကြမည်ဖြစ်သည်။
ဧပြီ ၁ ရက်တွင်ကျင်းပမည့် ကြားဖြတ်ရွေးကောက်ပွဲသည် လစ်လပ်မဲဆန္ဒနယ် ၁၉ နေရာအတွက် ကျင်းပပေး ခြင်းဖြစ်ကာ ပြည်ခိုင်ဖြိုးသည် လစ်လပ်မဲဆန္ဒနယ်အပြည့် ဝင်ပြိုင်ပြီး ဒီချုပ်သည် ပြည်နယ်လွှတ်တော် မဲဆန္ဒနယ် ဖြစ်သည့် ကယားပြည်နယ်၊ ဖရူဆိုမဲဆန္ဒနယ် အမှတ် (၁)မှလွဲ၍ ကျန်သည့် လစ်လပ်မဲဆန္ဒနယ် ၁၈ နေရာတွင် ဝင်ပြိုင်ထားသည်။
ဒီချုပ်သည် လစ်လပ်မဲဆန္ဒနယ်အပြည့် ဝင်ပြိုင်ရန် မူလက စီစဉ်ထားသော်လည်း အဆိုပါ ကယားပြည်နယ် မဲဆန္ဒနယ်တွင် ဝင်ပြိုင်မည့် ပါတီကိုယ်စားပြုကိုယ်စားလှယ်လောင်းသည် လွှတ်တော်ကိုယ်စားလှယ်လောင်းအဖြစ် အမည်စာရင်းပေးသွင်းရာ၌ ပြည်ထောင်စုရွေးကောက်ပွဲ ကော်မရှင်က သတ်မှတ်ထားသည့်ရက်ကို ကျော်လွန် သွားခြင်းဖြစ်ကြောင်း ဒီချုပ်ပါတီမှ သတင်းရရှိသည်။
လစ်လပ်မဲဆန္ဒနယ် ၁၉ နေရာသည် တိုင်းဒေသကြီးနှင့် ပြည်နယ် ရှစ်ခုရှိ မြို့နယ် ၂၂ မြို့နယ်တွင်ရှိနေကာ ပြည်သူ့လွှတ်တော် ကိုးနေရာ၊ အမျိုးသားလွှတ်တော်သုံးနေရာနှင့် ပြည်နယ်လွှတ်တော် ခုနစ်နေရာ လစ်လပ်နေ ခြင်းဖြစ်သည်။
လစ်လပ်မဲဆန္ဒနယ်များတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ မဲဆန္ဒနယ် ကော့မှူးလည်း ပါဝင်ပြီး ယင်းမဲဆန္ဒနယ်သည် ကြားဖြတ်ရွေးကောက်ပွဲတွင် လွှတ်တော်ကိုယ်စားလှယ်လောင်း အများဆုံး ဝင်ပြိုင် သည့် မဲဆန္ဒနယ်ဖြစ်နေသည်။
ကော့မှူးမဲဆန္ဒနယ်တွင် ဒီချုပ်၊ ပြည်ခိုင်ဖြိုး၊ မြန်မာနိုင်ငံ တောင်သူလယ်သမား ဖွံ့ဖြိုးတိုးတက်ရေးပါတီ၊ ဖလုံ-စဝေါ် ဒီမိုကရက်တစ်ပါတီ၊ မြန်မာအမျိုးသားကွန်ဂရက်ပါတီ၊ အမျိုးသားတိုးတက်ရေးပါတီ၊ ဒီမိုကရက် တစ်ပါတီ(မြန်မာ) တို့၏ လွှတ်တော်ကိုယ်စားလှယ်လောင်းများနှင့် တစ်သီးပုဂ္ဂလ လွှတ်တော်ကိုယ်စားလှယ်လောင်းနှစ်ဦး အပါအဝင် စုစုပေါင်း လွှတ်တော်ကိုယ်စားလှယ်လောင်း ကိုးဦး ဝင်ပြိုင်မည်ဖြစ်သည်။
ကြားဖြတ်ရွေးကောက်ပွဲတွင် လွှတ်တော်ကိုယ်စားလှယ်ဟောင်းအချို့ တစ်ကျော့ပြန် ယှဉ်ပြိုင်မည်ဖြစ်ရာ ရခိုင် အမျိုးသားပါတီဥက္ကဋ္ဌ ပြည်သူ့လွှတ်တော် ကိုယ်စားလှယ်ဟောင်း ဒေါက်တာအေးမောင်သည် အမ်းမြို့နယ် ပြည်သူ့ လွှတ်တော်ကိုယ်စား လှယ်လောင်းအဖြစ်လည်းကောင်း၊ အမျိုးသားဒီမိုကရေစီ အင်အားစုပါတီ (NDF)မှ ပြည်သူ့ လွှတ်တော်ကိုယ်စားလှယ်ဟောင်း ဦးခိုင်မောင်ရည်သည် ရန်ကုန်တိုင်းဒေသကြီး မဲဆန္ဒနယ်အမှတ် (၆) တွင် အမျိုးသားလွှတ်တော် ကိုယ်စားလှယ်လောင်းအဖြစ် လည်းကောင်း အသီးသီးဝင်ရောက် ယှဉ်ပြိုင်လာသည်။
ထို့အတူ ဒုတိယသမ္မတ ဦးဟင်နရီဗန်ထီးယူ၏ မဲဆန္ဒနယ် ချင်းပြည်နယ် အမျိုးသားလွှတ်တော် မဲဆန္ဒနယ် အမှတ် (၃)တွင် ပြည်သူ့လွှတ်တော်ကိုယ်စား လှယ်ဟောင်း ဒေါ်ဇာတလဲမ်က ချင်းအမျိုးသား ဒီမိုကရက်တစ်ပါတီကို ကိုယ်စားပြုကာ အမျိုးသားလွှတ်တော် ကိုယ်စားလှယ်လောင်းအဖြစ် ပြန်လည်ယှဉ်ပြိုင် လာသည်။
ကြားဖြတ်ရွေးကောက်ပွဲ ကျင်းပမည့် တိုင်းဒေသကြီးနှင့် ပြည်နယ်များတွင် လစ်လပ်မဲဆန္ဒနယ် အများဆုံးရှိနေ သည့် ရှမ်းပြည်နယ်၌ တစ်သီးပုဂ္ဂလိက လွှတ်တော်ကိုယ်စားလှယ်လောင်းများ ဝင်ရောက်ယှဉ်ပြိုင်ခြင်းမရှိဘဲ အင်အားကြီးပါတီများနှင့် ဒေသခံပါတီ စုစုပေါင်း နိုင်ငံရေး ရှစ်ပါတီသာ ပြိုင်ဆိုင်မည်ဖြစ်သည်။
ရှမ်းပြည်နယ်တွင် ပြည်သူ့လွှတ်တော်မဲဆန္ဒနယ် နှစ်နေရာနှင့် ပြည်နယ်လွှတ်တော် မဲဆန္ဒနယ် ခုနစ်နေရာ လစ်လပ်နေပြီး ဒီချုပ်၊ ပြည်ခိုင်ဖြိုး၊ ရှမ်းတိုင်းရင်းသားများ ဒီမိုကရေစီအဖွဲ့ချုပ်၊ ရှမ်းတိုင်းရင်းသားများ ဒီမိုကရက် တစ်ပါတီ၊ ‘ဝ’ လစ်ဘရယ်ဒီမို ကရက်တစ် တိုးတက်ဖွံ့ဖြိုးရေးပါတီ၊ လားဟူအမျိုးသားဖွံ့ဖြိုးတိုးတက်ရေးပါတီ၊ အင်းအမျိုးသား ဖွံ့ဖြိုးတိုးတက်ရေးပါတီ၊ အာခါအမျိုးသား ဖွံ့ဖြိုးတိုးတက်ရေးပါတီတို့မှ လွှတ်တော်ကိုယ်စားလှယ် လောင်းများ ယှဉ်ပြိုင်မည်ဖြစ်သည်။
ကြားဖြတ်ရွေးကောက်ပွဲအတွက် မဲပေးနိုင်မည့် မဲဆန္ဒရှင်အရေအတွက်သည် ၂ ဒသမ ၂ သန်းခန့် ရှိကာ မဲဆန္ဒရှင် စာရင်းများကို ပြည်ထောင်စုရွေးကောက်ပွဲကော်မရှင်က ဖေဖော်ဝါရီတွင် ကြေညာမည်ဖြစ်သည်။
လစ်လပ်မဲဆန္ဒနယ် ၁၉ နေရာရှိသည့် ကြားဖြတ်ရွေးကောက်ပွဲကို မုံရွာ၊ ချောင်းဆုံ၊ အမ်း၊ လှိုင်သာယာ၊ ဒဂုံမြို့သစ် (ဆိပ်ကမ်း)၊ ဒဂုံမြို့သစ် (အရှေ့ ပိုင်း)၊ ကော့မှူး၊ ကျေးသီး၊ မိုင်း ရှူး၊ ထန်တလန်၊ ကျောက်တံခါး၊ ညောင်လေးပင်၊ ကမာရွတ်၊ ကြည့်မြင်တိုင်၊ဆိပ်ကမ်း၊ လသာ၊ လှိုင်၊ လမ်းမတော်၊ အလုံ၊ ဖရူဆို၊ကျိုင်းတုံနှင့် ညောင်ရွှေမြို့နယ်တို့ တွင် ကျင်းပမည်ဖြစ်သည်။
# 7 Day Daily
