လာမည့်ကြားဖြတ်ရွေးကောက်ပွဲမှစ၍ ကြိုတင်မဲပေးရာတွင် လေ့လာသူများအား စောင့်ကြည့်ခွင့်ပေးမည်
လာမည့်ဧပြီတွင်ကျင်းပမည့် ကြားဖြတ်ရွေးကောက်ပွဲကစတင်၍ ပွင့်လင်းမြင်သာမှုရှိစေရန် ကြိုတင်မဲပေးရာ၌ ပြည်တွင်း၊ ပြည်ပ ရွေးကောက်ပွဲလေ့လာသူများကို စောင့်ကြည့် လေ့လာခွင့် ပြုမည်ဖြစ်ကြောင်း ပြည်ထောင်စု ရွေးကောက်ပွဲကော်မရှင်မှ သတင်းရရှိသည်။
၂၀၁၀ ရွေးကောက်ပွဲတွင် ကြိုတင်မဲကိစ္စကြောင့် ဝေဖန်ခံရမှုများရှိခဲ့သကဲ့သို့ ရွေးကောက်ပွဲကော်မရှင်သည် ပွင့်လင်းမြင်သာစွာ ဆောင်ရွက်နေသည်ကို ပြသလို၍ ကြိုတင်မဲပေးရာ၌ ရွေးကောက်ပွဲ စောင့်ကြည့်သူများအား လေ့လာခွင့်ပြုရန် စီစဉ်ခြင်းဖြစ်သည်ဟု ပြည်ထောင်စုရွေးကောက်ပွဲကော်မရှင် အတွင်းရေးမှူး ဦးတင်ထွန်းက ပြောသည်။
‘‘အခုလာမယ့် ကြားဖြတ်ရွေးကောက်ပွဲကနေစပြီး နောင်လာမယ့် ရွေးကောက်ပွဲတွေမှာ ကြိုတင်မဲပေးရာမှာပါ Observer တွေကို လေ့လာစောင့်ကြည့်ခွင့် ပေးမှာဖြစ်ပါတယ်’’ ဟု ဦးတင် ထွန်းက ပြောသည်။
ပြည်ထောင်စုရွေးကောက်ပွဲ ဥပဒေများအရ ပြည်ပရောက်မဲ ဆန္ဒရှင်များ၊ မဲဆန္ဒနယ်ပြင်ပရောက် မဲဆန္ဒရှင်များနှင့် ရွေးကောက်ပွဲနေ့တွင် မဲရုံသို့ မလာရောက်နိုင်သည့် မဲဆန္ဒနယ်မြေရှိ မဲဆန္ဒရှင်များဟူ၍ ကြိုတင်မဲ သုံးမျိုးရှိမည် ဖြစ်သည်။
နိုင်ငံရပ်ခြားသို့ ရောက်ရှိနေသည့် မဲဆန္ဒရှင်များအပြင် ရွေးကောက်ပွဲနေ့တွင် မဲဆန္ဒနယ် ပြင်ပရောက်ရှိနေမည့် တပ်မတော်သားများနှင့် အတူနေအိမ်ထောင်စုဝင်များ၊ မဲဆန္ဒနယ် ပြင်ပရောက် နိုင်ငံ့ဝန်ထမ်းများ၊ သင်တန်း သားများ၊ ကျောင်းသားများ၊ အချုပ်ခံနေရသူများ၊ ဆေးရုံတက်ရောက်နေရသော အတွင်းလူနာများ စသည် တို့သည် ရွေးကောက်ပွဲနေ့မတိုင်မီ ကြိုတင်မဲပေးခွင့်ရမည်ဖြစ်သည်။
ကြိုတင်မဲပေးရာတွင် ပြည်တွင်း၊ ပြည်ပမှ ရွေးကောက်ပွဲ စောင့်ကြည့်သူများ လေ့လာစောင့်ကြည့်နိုင်ရန် သက်ဆိုင်ရာ တာဝန်ရှိသူ၊ ကျောင်းတာဝန်ခံ၊ ဆေးရုံတာဝန်ခံ စသည်တို့နှင့် ညှိ နှိုင်းကာ လေ့လာစောင့်ကြည့်ခွင့် ပြုမည်ဟု ဦးတင်ထွန်းက ပြော ကြားသည်။
ပြည်ထောင်စုရွေးကောက်ပွဲ ကော်မရှင်သည် တိုင်းဒေသကြီး နှင့် ပြည်နယ် ရှစ်ခုမှ လစ်လပ်မဲ ဆန္ဒနယ်မြေ ၁၉ နေရာအတွက် ကြားဖြတ် ရွေးကောက်ပွဲကို ၂၀၁၇ ဧပြီ ၁ ရက်တွင် ကျင်းပမည်ဖြစ်သည်။ ကြားဖြတ်ရွေးကောက်ပွဲ လေ့လာစောင့်ကြည့် လိုသည့် ပြည်တွင်းနှင့် နိုင်ငံတကာမှ အဖွဲ့များအနေဖြင့် ၂၀၁၇ မေလ ၁၅ ရက်အထိ ရွေးကောက်ပွဲကော်မရှင်ထံ လျှောက်ထားနိုင်ကြောင်း ပြည်ထောင်စု ရွေးကောက်ပွဲကော်မရှင်က ထုတ်ပြန် ကြေညာထားသည်။
လက်ရှိတွင် ပြည်တွင်းရွေးကောက်ပွဲ လေ့လာစောင့်ကြည့်ရေးအဖွဲ့လေးဖွဲ့က ၂၀၁၇ ကြားဖြတ်ရွေးကောက်ပွဲကို လေ့လာစောင့်ကြည့်ရန် လျာထားပြီးဖြစ်သည်ဟု ပြည်ထောင်စုရွေးကောက်ပွဲကော်မရှင်မှသိရသည်။
၂၀၁၅ အထွေထွေရွေးကောက်ပွဲတွင် ပြည်တွင်းရွေးကောက်ပွဲ လေ့လာစောင့်ကြည့်သူ ၁၀,၀၀၀ ကျော်နှင့် နိုင်ငံ တကာ ရွေးကောက်ပွဲလေ့လာစောင့်ကြည့်သူ ၁,၀၀၀ ကျော်ရှိသည်။ # 7 Day Daily
