ပိုလန်နိုင်ငံတွင် လူထောင်ပေါင်းများစွာ အစိုးရကို ဆန့်ကျင်ဆန္ဒပြ
ပိုလန်နိုင်ငံသား ထောင်ပေါင်းများစွာသည် လက်ယာယိမ်းအစိုးရကြောင့် ဒီမိုကရေစီကို ထိခိုက်မှုများ ရှိနေသည်ဟု စွပ်စွဲပြီး ကွန်မြူနစ်ခေတ်ညမထွက်ရဥပဒေကို ရုတ်သိမ်းခြင်း ၃၅ နှစ်ပြည့် အထိမ်းအမှတ်အဖြစ် အင်္ဂါနေ့တွင် လမ်းမပေါ်ထွက် ဆန္ဒပြခဲ့ကြောင်း သိရသည်။
ဝါဆောမြို့တွင် ဆန္ဒပြသူများတွင် ကွန်မြူနစ်ပိုလန် ယူနိုက်တက် အလုပ်သမားပါတီ ယခင်ဌာနချုပ်ဟောင်း ရှေ့တွင် စုဝေးခဲ့ကြပြီးနောက် လက်ရှိအာဏာရ တရားဥပဒေ ပါတီအဆောက်အအုံရှေ့သို့ ချီတက်ခဲ့ကြသည်။
KOD ဒီမိုကရေစီလှုပ်ရှားမှုခေါင်းဆောင် မာတီယု ကီချောစကီက “လွန်ခဲ့တဲ့ ၃၅ နှစ်တုန်းကလိုပဲ ဒီနေ့မှာ အစိုးရ ဟာ ကျွန်တော်တို့ကို တိုက်ခိုက်နေဆဲဖြစ်ပြီး ကျွန်တော်တို့ရဲ့လွတ်လပ်မှုတွေကို လုယူနေဆဲပါ၊ ဒီနေ့မှာ ကျွန်တော်တို့အားလုံးအတူတကွ ရပ်တည်ကြရပါမယ်၊ အရင်တုန်းက လုပ်ခဲ့သလိုပဲ စည်းလုံးညီညွတ်မှုနဲ့ ကြံ့ခိုင်မှု ရှိတာကို ပြသရပါမယ်” ဟု ပြောကြားသည်။
ဆန္ဒပြသူများသည် ၁၉၈၁ ခုနှစ် ဒီဇင်ဘာ ၁၃ ရက်က ဗိုလ်ချုပ်ကြီး ဝိုစီအက်ဂျူရက်စကီ အနေဖြင့် ညမထွက်ရ ဥပဒေကို ဆန့်ကျင်ဆန္ဒပြသူများအား ဖြိုခွင်းခဲ့ပြီးနောက် သေကျေခဲ့ကြသူများအတွက် ဆုတောင်းပေးခဲ့ကြသည်။ ပိုလန်သတင်းမီဒီယာများ၏ အဆိုအရ ဆန္ဒပြမှုများကို အင်္ဂါနေ့တွင် တစ်နိုင်ငံလုံးရှိ မြို့ပေါင်း ၈၀ ကျော်တွင် ကျင်းပခဲ့သည်ဟုသိရသည်။
Ref:AFP
