အိန္ဒိယ နိုင်ငံရေးလောက၏ ဩဇာအကြီးဆုံး အမျိုးသမီး တစ်ဦးဖြစ်သူ ဂျာယာလာလီသာ ကွယ်လွန်

အိန္ဒိယ၏ဩဇာအကြီးဆုံး နိုင်ငံရေးသမားများအနက် တစ်ဦးအပါအဝင်ဖြစ်သည့် တမီလ်နာဒူ ပြည်နယ်ဝန်ကြီးချုပ်အဖြစ် တာဝန်ယူထားသော အသက် ၆၈ နှစ်အရွယ် ဂျေဂျာယာလာလီသာ သည် ဒီဇင်ဘာ ၄ ရက်တွင် နှလုံးဖောက်ပြန် မှုကြောင့် ဆေးရုံတက်ရောက် ကုသမှုခံယူခဲ့ပြီး နောက်တစ်ရက်တွင် ကွယ်လွန်သွားခြင်းဖြစ်သည်။ ချန်နိုင်းရှိ အပိုလို ဆေးရုံက ဒီဇင်ဘာ ၅ ရက်၊ ဒေသစံတော်ချိန် ည ၁၁း၃၀ နာရီ၌ ဂျာယာလာလီသာ ကွယ်လွန်ကြောင်းသတင်းကို အတည်ပြုကြေညာခဲ့သည်။

သူမကွယ်လွန်ပြီးနောက် ရုပ်အလောင်းကို အိန္ဒိယအလံဖြင့်လွှမ်းခြုံကာ ပြည်သူအများ လာရောက်နှုတ်ဆက် ဂါရဝ ပြုနိုင်စေရန်အတွက် ခန်းမကျယ်ကြီးတစ်ခုတွင် ထားရှိခဲ့သည်။ ဂျာယာလာလီသာ သေဆုံးပြီးနောက် လူစုလူဝေး ဖြစ်ပေါ်မှုနှင့်ဆက်စပ်၍ မငြိမ်သက်မှုများဖြစ်ပေါ်လာနိုင်သောကြောင့် အိန္ဒိယတောင်ပိုင်းဒေသ ပြည်နယ်အတွင်း တွင် လုံခြုံရေးကိုလည်း တိုးမြှင့်ထားသည်။

ဂျာယာလာလီသာသည် အိန္ဒိယနိုင်ငံရေး နယ်ပယ်တွင် ဩဇာလွှမ်းမိုးမှု အကြီးမားဆုံးနှင့် နိုင်ငံရေးစာမျက်နှာ ဖြတ်သန်းမှု အစုံလင်ဆုံးသူ တစ်ဦးဖြစ်သည်။ သူမကို လေးစားသူများက လွန်လွန်ကျွံကျွံ ယုံကြည်ထောက်ခံမှုများ ရှိနေရာ ဂျာယာလာလီသာ ကွယ်လွန်ခြင်းကြောင့် မိမိကိုယ်ကို ထိခိုက်စေမှုများ၊ ရမ်းကားဆူပူမှုများ ဖြစ်လာမည်ကို အာဏာပိုင်များက စိုးရိမ်နေသည်။

အစောပိုင်းက ဂျာယာလာလီသာ ကွယ်လွန်ကြောင်း သတင်းထုတ်ပြန်ပြီး ချက်ချင်းလိုလို ပြန်လည်ရုပ်သိမ်းမှု တစ်ကြိမ် ရှိခဲ့ရာ ပုဂ္ဂလိက ဆေးရုံရှေ့တွင် ရဲများနှင့် သူမကိုယုံကြည်လေးစားသူများကြား ပဋိပက္ခအချို့ ဖြစ်ပွားခဲ့သည်။ ထို့နောက်တွင်မှ အပိုလို ဆေးရုံက သတင်းဆိုးကို ထပ်မံအတည်ပြု ကြေညာခဲ့ခြင်းဟု သိရသည်။

တမီလ်နာဒူတွင် နာရေးအတွက် ၇ ရက်ကြာ ဝမ်းနည်းကြေကွဲမှု ကာလသတ်မှတ်ထားပြီး အိန္ဒိယဗဟိုအစိုးရကလည်း ဂျာယာလာလီသာကွယ်လွန်ခြင်းအတွက် အလေးအမြတ်ပြုသည့်အနေဖြင့် ဒီဇင်ဘာ ၆ ရက်ကို ပြည်သူ့ရုံးပိတ်ရက် သတ်မှတ်ကြောင်းကြေညာသည်။ သို့မှသာ အစိုးရဝန်ထမ်းများပါ သူမကို နောက်ဆုံးအကြိမ် သွားရောက်နှုတ်ဆက် နိုင်စေရန် ဖြစ်သည်။

ချန်နိုင်းတွင် ပြုလုပ်မည့် ဂျာယာလာလီသာ၏ ဈာပနအခမ်းအနားကို အိန္ဒိယဝန်ကြီးချုပ် နာယန်ဒရာ မိုဒီကိုယ်တိုင် တက်ရောက်ရန် စီစဉ်ထားသည်။ ဂျာယာလာလီသာသည် ယခင်က ဘောလိဝုဒ် ရုပ်ရှင်ကြယ်ပွင့်တစ်ဦးလည်း ဖြစ်ခဲ့ပြီး တမီလ်နာဒူပြည်နယ် ဝန်ကြီးချုပ်တာဝန်ကို သက်တမ်းလေးကြိမ် ထမ်းဆောင်ခဲ့သည်။ သူမသည် ကျန်းမာရေးယိုယွင်း မှုကြောင့် ဆေးဝါးကုသခြင်းများကို လအတန်ကြာ ခံယူနေခဲ့ရပြီးဖြစ်သည်။ သူမသည် အိန္ဒိယနိုင်ငံရေးနယ်ပယ်တွင် သံမဏိ အမျိုးသမီးဆိုသော ဂုဏ်ပုဒ်ဖြင့် ထင်ရှားသည်။

သူမ၏ နိုင်ငံရေးပါတီ AIADMKက ဂျာယာလာလီသာ ကွယ်လွန်မှုသတင်းကို အတည်ပြုကြေညာပြီးနောက် ပါတီအလံ များကို တိုင်တစ်ဝက်လွှင့်ထူပြီး ဝမ်းနည်းခြင်း အထိမ်းအမှတ်ကို ပြသခဲ့သည်။ သူမသည် ရုပ်ရှင်နယ်ပယ်တွင်ရော၊ နိုင်ငံရေးနယ်ပယ်တွင်ပါ အနိမ့်အမြင့် အတက်အကျပေါင်းစုံကို ဖြတ်သန်းခဲ့သူဖြစ်သည်။ ၁၉၈၀ ပြည့်လွန်နှစ်များအတွင်း ဂျာယာလာလီသာ အနေဖြင့် ရုပ်ရှင်ဇာတ်ကား ၁၀၀ ကျော်မျှတွင် ပါဝင် သရုပ်ဆောင်ခဲ့ဖူးကြောင်းလည်း သိရှိရသည်။