မူဆယ်တွင် ပရဟိတအဖွဲ့များအားပစ်ခတ်ခဲ့မှုအပေါ် ဟင်္သာတခရိုင် နာရေးနှင့် သဘာဝဘေးကူညီမှု ပရဟိတ အဖွဲ့များကွန်ရက်က ကန့်ကွက်စာထုတ်
ဟင်္သာတခရိုင် လူနာတင်ယာဉ် နာရေးနှင့် သဘာဝဘေးကူညီမှု ပရဟိတအဖွဲ့များကွန်ရက်က မူဆယ် ၁၀၅ မိုင်တွင် လက်နက်ကိုင်အဖွဲ့မှာ ပရဟိတအဖွဲ့အား ပစ်ခတ်လိုက်မှုနှင့် ပတ်သက်ပြီး အချက် ၆ ချက်ပါ ကြေညာချက်အား နိုဝင်ဘာလ (၂၂) ရက်နေ့တွင် ထုတ်ပြန်တောင်းဆိုလိုက်သည်။
“စစ်ပွဲများဖြစ်နေသ၍ စစ်ဘေးရှောင်ပြည်သူများလည်း ရှိနေမည်ဖြစ်ရာ ပရဟိတအဖွဲ့များအနေဖြင့်လည်း ကူညီ ကယ်ဆယ်မှုလုပ်ငန်းများ ဆောင်ရွက်နေကြရမည်သာဖြစ်သည်။ ထို့အတွက်ကြောင့် လက်နက်ကိုင်အဖွဲ့များ အနေ ဖြင့် နောက်နောင်တွင် ယခုဖြစ်စဉ်ကဲ့သို့ ပြုမူဆောင်ရွက်ခြင်းမျိုး လုံးဝ (လုံးဝ) ထပ်မံမပြုလုပ်ရန် အလေးအနက် တောင်းဆိုသည်” ဟု ကြေငြာချက်တွင် ဖော်ပြထားသည်။
” ပရဟိတသမားဆိုတာ ဘယ်သူဒုက္ခဖြစ်ဖြစ်ကူညီမှာပဲ။ ကျွန်တော်တို့မှာ တံဆိပ်တွေပါတယ်။ သူတို့ ပစ်ခတ်မှုကြောင့် ကူညီကယ်ဆယ်ရေးသမား ထိခိုက်သွားရတာ၊ စိတ် အနှောင့်အယှက်ဖြစ်ရတယ်။ တနိုင်ငံလုံးက ပရဟိတ သမားတွေ သူနည်းသူဟန်နဲ့ ကယ်ဆယ်ရေးလုပ်ကြတာပဲ။ အခုလိုဆို နောက်ဘယ်လိုလုပ်မလည်း၊ နောက်ကို အခုလို ထိခိုက်မှုမျိုးမဖြစ်စေချင်လို့ ကျွန်တော်တို့ ကြေငြာချက်ထုတ်ပြန်တာ” ဟု ဟင်္သာတခရိုင် လူနာတင်ယာဉ် နာရေးနှင့် သဘာဝဘေးကူညီမျိုး ပရဟိတအဖွဲ့များကွန်ရက်က ဦးအောင်နိုင်ဦးက မဇ္ဈိမသို့ ပြောသည်။
လက်နက်ကိုင်အဖွဲ့များ၏ တိုက်ခိုက်မှုဖြစ်စဉ်ကြောင့် မူဆယ် ၁၀၅ မိုင် ကုန်သွယ်ရေးဇုန်အတွင်း စစ်ဘေးရှောင် ပြည်သူများ ပိတ်မိနေသည့်အတွက် ကူညီကယ်ဆယ်ရေး ဆောင်ရွက်ရန် မူဆယ်မြို့မှ မေတ္တာမွန်လူမှုကူညီရေးအသင်းနှင့် ၁၀၅ မိုင် ပါရမီလူမှုကူညီရေးအသင်းတို့ သွားရောက်စဉ် လက်နက်ကိုင်တပ်ဖွဲ့များ၏ ပစ်ခတ်မှုနှင့် ကြုံတွေ့ ရင်ဆိုင်ခဲ့ရပြီး မေတ္တာမွန် လူမှုကူညီရေးအသင်းယာဉ်ပေါ်တွင် လိုက်ပါလာသည့် ရွှေလီမြို့နေ ကြင်နာ နွေးထွေး ပရဟိတလူငယ်အသင်းမှ ကိုရဲမင်းအောင်၏ ၀ဲဘက် ရင်ဘတ်ဘေး၌ ဖောက်ထွက် ဒဏ်ရာရရှိခဲ့ပြီး မူဆယ်ဆေးရုံကြီးတွင် ဆေးကုသမှုခံယူနေရကြောင်း သိရသည်။
“အပြစ်မဲ့ စစ်ဘေးရှောင်ပြည်သူများကို ကူညီကယ်ဆယ်ရန်သွားရောက်ခဲ့ခြင်းအပေါ် လက်နက်ကိုင်အဖွဲ့၏ မဆင် မခြင်ပစ်ခတ်တိုက်ခိုက်ခဲ့ခြင်းအား ပြင်းထန်စွာ (ပြင်းထန်စွာ) ကန့်ကွက်ရူတ်ချသည်” ဟု ဟင်္သာတခရိုင် လူနာတင် ယာဉ် နာရေးနှင့် သဘာဝဘေးကူညီမှု ပရဟိတအဖွဲ့များ ကွန်ရက်ကကြေငြာချက်တွင် ထည့်သွင်းဖော်ပြ ထားသည်။
ညီနောင်ပရဟိတအဖွဲ့များအနေဖြင့် မိမိတို့၏အသက်ကို ပဓာနမထားဘဲ ကိုယ်ကျိုးစွန့်သွားရောက်ကူညီခဲ့မှုအပေါ် အသိအမှတ်ပြု လေးစားဂုဏ်ယူပါကြောင်းနှင့် ထိခိုက်ဒဏ်ရာ ရရှိခဲ့မှုကိုလည်း စိတ်မကောင်းဖြစ်မိပါကြောင်း လည်း ရေးသားထားသည်။
စစ်ပွဲများဖြစ်နေသရွေ့ စစ်ဘေးရှောင်ပြည်သူများလည်း ရှိနေမည်ဖြစ်ရာ ပရဟိတအဖွဲ့များအနေဖြင့်လည်း ကူညီကယ်ဆယ်ရေးလုပ်ငန်းများ ဆောင်ရွက်နေကြရမည်သာ ဖြစ်သည့်အတွက် လက်နက်ကိုင်အဖွဲ့များအနေဖြင့် နောက်နောင်တွင် ယခုဖြစ်စဉ်ကဲ့သို့ ပြုမူဆောင်ရွက်ခြင်းမျိုး လုံးဝ (လုံးဝ) ထပ်မံမပြုလုပ်ရန် အလေးအနက် တောင်းဆို ကြောင်း ရေးသားတောင်းဆိုထားသည်။
# Mizzima
