NCA လက်မှတ်မထိုးဘဲ နိုင်ငံရေးဆွေးနွေးမှုများတွင် ပါဝင်ရန် ကြိုးစားခြင်းက နိုင်ငံရေးအရမမျှတမှုဖြစ်စေကြောင်း တပ်ချုပ်ပြော
တစ်နိုင်ငံလုံးပစ်ခတ် တိုက်ခိုက်မှုရပ်စဲရေးသဘောတူစာချုပ် (NCA) ကို လက်မှတ်ရေး ထိုးခြင်းမပြုဘဲ နိုင်ငံရေး ဆွေးနွေးမှုများတွင် ပါဝင်ရန် ကြိုးစားနေခြင်းသည် နိုင်ငံရေးအရ မမျှတမှုဖြစ်စေကြောင်း တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောကြားသည်။
တပ်မတော်ကာကွယ်ရေးဦး စီးချုပ်က ဘယ်လ်ဂျီယံနိုင်ငံတွင် ပြုလုပ်ခဲ့သည့် ဥရောပသမဂ္ဂ စစ်ဘက်ရေးရာ ကော်မတီ၊ ကာကွယ် ရေးဦးစီးချုပ်များ အစည်းအဝေးတွင် “The Military’s Role in a Democratic Myanmar” နှင့် ပတ်သက်၍ ဆွေးနွေးရာ၌ ယင်းကဲ့သို့ ထည့်သွင်းပြောကြားခဲ့သည်။
ဗိုလ်ချုပ်မှူးကြီး မင်းအောင်လှိုင်က NCA ကို တိုင်းရင်းသားလက်နက်ကိုင်အဖွဲ့ ရှစ်ဖွဲ့နှင့် လက်မှတ်ရေးထိုးနိုင် ခဲ့သည်မှာ တစ်နှစ်ကျော်ကြာမြင့်ခဲ့ပြီဖြစ်ပြီး NCA လက်မှတ်ရေးထိုးထားသည့်အဖွဲ့များ၏ နေရာဒေသများတွင် ပစ်ခတ်တိုက်ခိုက်မှုများမရှိတော့ဘဲ နယ်မြေအေးချမ်းမှုနှင့် နှစ်ဖက်ယုံကြည်မှု တည်ဆောက်နိုင်သည့် အကျိုး ရလဒ်များခံစားနေရပြီ ဖြစ်ကြောင်း ပြောသည်။
လက်မှတ်ရေးထိုးရန်ကျန်ရှိသည့် အဖွဲ့များတွင် တရုတ်-မြန်မာနယ်စပ်ရှိ အင်အားကြီးမားသည့် ‘၀’ အဖွဲ့ (UWSA) နှင့် ကေအိုင်အို (ကချင်) အဖွဲ့များလည်း ပါဝင်ကြောင်း တပ်မတော်ကာ ကွယ်ရေးဦးစီးချုပ်က ပြောသည်။
အစိုးရအနေဖြင့် NCA မရေးထိုးရသေးသည့် အဖွဲ့များအတွက် ငြိမ်းချမ်းရေးတံခါးကို အမြဲဖွင့်လှစ်ထားကြောင်း ဗိုလ်ချုပ်မှူးကြီး မင်းအောင်လှိုင်က ပြောသည်။
NCA ကို အစိုးရနှင့် ကေအင်န်ယူ၊ ရှမ်းပြည်ပြန်လည်ထူထောင်ရေးကောင်စီ (RCSS) ၊ ရခိုင်လွတ်မြောက်ရေးပါတီ (ALP) ၊ ပအို့ဝ်အမျိုးသားလွတ်မြောက်ရေးအဖွဲ့ချုပ်၊ ချင်းအမျိုးသားတပ်ဦး၊ ABSDF ၊ ဒီကေဘီအေနှင့် ငြိမ်း ချမ်းရေးကောင်စီ (KNLA/PC) စသည့် တိုင်းရင်းသားလက်နက်ကိုင်ရှစ်ဖွဲ့က ၂၀၁၅ အောက်တိုဘာ ၁၅ ရက်၌ လက်မှတ်ရေးထိုးထားသည်။
ကေအိုင်အိုအပါအ၀င် ကျန်အဖွဲ့များနှင့်မူ လက်မှတ်ရေးထိုးနိုင်ခြင်းမရှိသေးဘဲ ဆွေးနွေးညှိနှိုင်းမှုများ ဆက်လက် ပြုလုပ်နေဆဲ ဖြစ်သည်။ တပ်မတော်နှင့် NCAရေးထိုးထားသည့် အဖွဲ့များကြား တိုက်ပွဲဖြစ်ပွားမှုမှာ လက်မှတ်ရေး ထိုးပြီးနောက်ပိုင်း ၁၂ ဆခန့်လျော့နည်းကြောင်း အစိုးရဘက်က ပြောကြားသည်။ # 7 Day Daily
