ရှမ်းပြည်နယ် နိုင်ငံရေးပါတီများအဖွဲ့ချုပ်ကို ၁၃ ပါတီဖြင့် ဖွဲ့စည်း
ရှမ်းပြည်နယ်ရှိ နိုင်ငံရေးပါတီများ စုစည်းနိုင်ရန် ရှမ်းပြည်နယ်နိုင်ငံရေးပါတီများအဖွဲ့ချုပ်ကို အဖွဲ့ဝင် ၁၃ ပါတီဖြင့် အတည်ပြု ဖွဲ့စည်းလိုက်ကြောင်း ယင်းအဖွဲ့ဝင်ပါတီများထံမှ သိရသည်။
‘‘အခုလောလောဆယ်တော့ ၁၃ ပါတီနဲ့ စဖွဲ့လိုက်ပါပြီ။ နောက်ထပ်ဝင်မယ့်ပါတီတွေက မိခင်ပါတီရဲ့ အတည်ပြုချက်ကို တောင်းထားကြတယ်’’ ဟု ရှမ်းပြည်နိုင်ငံရေးပါတီများအဖွဲ့ချုပ် ဖွဲ့စည်းနိုင်ရေး ဦးဆောင်ပါတီဖြစ်သည့် ရှမ်းတိုင်းရင်းသားများ ဒီမိုကရက်တစ်ပါတီဥက္ကဋ္ဌ ဦးစိုင်းအိုက်ပေါင်းကဆိုသည်။
ရှမ်းပြည်နယ်ရှိ နိုင်ငံရေးပါတီများစုစည်းကာ ရှမ်းပြည်တိုင်းရင်းသားနိုင်ငံရေးပါတီများအဖွဲ့ချုပ် ဖွဲ့စည်းတည်ထောင်ရန် ပြီးခဲ့သည့်မေလအတွင်းက ရန်ကုန်မြို့တွင် ပထမအကြိမ်တွေ့ဆုံကာ သဘောတူညီမှုများရှိခဲ့သည်။
အဆိုပါတွေ့ဆုံမှုတွင် ရှမ်းပြည်နယ်အတွင်းရှိ နိုင်ငံရေးပါတီ ၁၈ ပါတီကို ဖိတ်ကြားထားပြီး ၁၃ ပါတီ တက်ရောက်ကာ သဘောတူညီခဲ့ပြီး နိုဝင်ဘာ ၄ ရက် တောင်ကြီးမြို့၌ အစည်းအဝေးထပ်မံပြုလုပ်ရာ ပါတီ ရှစ်ပါတီ တက်ရောက်ခဲ့ပြီး အဖွဲ့ချုပ်တည်ထောင်ခြင်းကို အတည်ပြုခဲ့သည်။
‘‘ရှမ်းပြည်နိုင်ငံရေးပါတီများအဖွဲ့ချုပ် ဖွဲ့ဖို့ကို သဘောတူထားတဲ့ ပါတီတွေထဲမှာ ကျန်တဲ့ပါတီတွေကလည်း မကြာမီ မှာ အဖွဲ့ဝင်တွေဖြစ်လာမှာပါ။ သူတို့တွေက မိခင်ပါတီရဲ့ သဘောထားကို သိအောင် တောင်းထားတယ်ပေါ့။ ပြီးရင် အဖွဲ့ဝင်ဖြစ်ဖို့ အဆိုပြုချက်တွေ ပေးလာမှာပါ’’ ဟု ဦးစိုင်းအိုက်ပေါင်းကဆိုသည်။
လက်ရှိအဖွဲ့ဝင် ၁၃ ပါတီတွင် ရှမ်းတိုင်းရင်းသားများ ဒီမိုကရက်တစ်ပါတီ၊ အင်းအမျိုးသား ဖွံ့ဖြိုးတိုးတက်ရေးပါတီ၊ ဖက်ဒရယ်ပြည်ထောင်စုပါတီ၊ ဓနုတိုင်းရင်းသားလူမျိုးများဒီမိုကရေစီပါတီ တို့ပါဝင်ကြသည်။
ပြည်နယ်အတွင်းရှိ နိုင်ငံရေးပါတီများ စုစည်းမှုရှိစေရေး ရှမ်းပြည်နိုင်ငံရေးပါတီများအဖွဲ့ချုပ်ကို တည်ထောင်ဖွဲ့စည်း ခြင်းဖြစ်ကာ ပထမဆုံးစုစည်းမှုအနေဖြင့် လာမည့်ကြားဖြတ်ရွေးကောက်ပွဲတွင် ပြည်နယ်အတွင်းရှိ လစ်လပ်မဲဆန္ဒ နယ်များကို အဖွဲ့ဝင်ပါတီများကြား ညှိနှိုင်းကာ ၀င်ပြိုင်ကြမည်ဖြစ်ကြောင်း ရှမ်းတိုင်းရင်းသားများ ဒီမိုကရက်တစ် ပါတီ အထွေထွေအတွင်းရေးမှူး ဦးစိုင်းဘိုးအောင်ထံမှ သိရသည်။
လစ်လပ်မဲဆန္ဒနယ် ၁၉ နေရာအတွက် ကျင်းပမည့် ၂၀၁၇ ဧပြီ ၁ ရက် ကြားဖြတ်ရွေးကောက်ပွဲတွင် ရှမ်းပြည်နယ်တစ်ခုတည်း၌ လစ်လပ်မဲဆန္ဒနယ် ထက်ဝက်ခန့်ရှိနေသည်။
ရှမ်းတိုင်းရင်းသားများဒီမိုကရက်တစ်ပါတီ ဦးဆောင်တည်ထောင်သော ရှမ်းပြည်နိုင်ငံရေးပါတီများအဖွဲ့ချုပ်တွင် ပြည်နယ်အတွင်း အင်အားကြီးပါတီဖြစ်သည့် ရှမ်းတိုင်းရင်းသားများ ဒီမိုကရေစီအဖွဲ့ချုပ် မပါဝင်ကြောင်း သိရသည်။
# 7 Day Daily
