ပြည်ရွှေဆံတော်စေတီတော် ဗုဒ္ဓပူဇနိယပွဲတော်နှင့် ဆွမ်းဆန်စိမ်းလောင်းလှူပွဲသို့ တိုင်းပါတီဒုတိယဥက္ကဋ္ဌနှင့်အဖွဲ့ ပါဝင်လောင်းလှူပူဇော်
ပဲခူးတိုင်းဒေသကြီး ပြည်မြို့ လေးဆူဓာတ်ပျော်ရွှေဆံတော် စေတီတော်မြတ်ကြီး (၂၆ဝ၅)ကြိမ်မြောက် ဗုဒ္ဓပူဇနိယ ပွဲတော်ဖွင့်ပွဲ အခမ်းအနားနှင့် ဆွမ်းဆန်စိမ်းလောင်းလှူပူဇော်ပွဲကို နိုဝင်ဘာ (၇) ရက်နံနက် ၆ နာရီတွင် ကျင်းပ ခဲ့ကြောင်း သိရသည်။
အခမ်းအနားသို့ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ ပဲခူးတိုင်းဒေသကြီး(အနောက်) ဒုတိယဥက္ကဋ္ဌ ဦးအောင်ချိုဦး၊ တိုင်းပါတီအတွင်းရေးမှူး ဦးကျော်ကျော်လင်း၊ တိုင်းစီမံရေးရာ ဦးမျိုးအောင်၊ ခရိုင်ပါတီဥက္ကဋ္ဌ ဦးအောင်ဇော်ဌေးနှင့်ဇနီး ခရိုင်ပါတီအတွင်းရေးမှူး ဒေါ်ဆွေဆွေသင်း၊ မြို့နယ်ဥက္ကဋ္ဌ ဦးအောင်တိုးနှင့် မြို့နယ်ပါတီ ကော်မတီများ၊ ပါတီဝင်များအင်အား ၇ဝ ကျော် တက်ရောက်ခဲ့ပြီး ပင့်သံဃာ ၁ဝ၈ ပါးတို့အား လှူဖွယ်ပစ္စည်းများ လောင်းလှူခဲ့ကြကြောင်း သိရသည်။
