ရန်ကုန်နှင့် နေပြည်တော် နေရာခုနစ်ခုတွင် အမ်ပီတီ 4G အင်တာနက်စတင်သုံးစွဲနိုင်
မြန်မာ့ဆက်သွယ်ရေး လုပ်ငန်း(MPT)သည် မြန်နှုန်းမြင့် အင်တာနက်လိုင်း 4G ဝန်ဆောင် မှုမိတ်ဆက်ခြင်း အကြိုကာလအ ဖြစ် ရန်ကုန်နှင့်နေပြည်တော်တို့ရှိ သတ်မှတ်ထားသည့် နေရာခုနစ်ခု ၌ စတင်သုံးစွဲနိုင်ကြောင်း အောက်တိုဘာ ၁၄ ရက်တွင် ကြေညာသည်။ MPT သည် 4G ဝန်ဆောင်မှု ပေးရန် ပိုမိုသင့်လျော်သည့် လှိုင်း နှုန်းစဉ် 1800MHz ကို အစိုးရက ရောင်းချမည့် ၂၀၁၇ နှစ်ဦးပိုင်း တွင် မြန်နှုန်းမြင့် အင်တာနက် လိုင်းကို တရားဝင်မိတ်ဆက်မည် ဖြစ်ကြောင်း MPT-KSGM Joint Operation ၏စီးပွားရေးဆိုင်ရာ အရာရှိချုပ် မစ္စတာ Koichi Kawase က ပြောကြားသည်။
‘‘အစိုးရက ၂၀၁၇ မှာ 1.8 MHz ရှိတဲ့ လှိုင်းနှုန်းစဉ်ကို ထုတ် ပြန်လိုက်ပြီဆိုတာနဲ့ တစ်ပြိုင်နက် အဲဒီလှိုင်းနှုန်းစဉ်ကို အသုံးပြုပြီး တော့ ကြီးမားကျယ်ပြန့်တဲ့ 4G ကွန်ရက် ကို တည်ဆောက်သွားဖို့ အရင်ကတည်းက ကျွန်တော်တို့ စောင့်ကြိုနေခဲ့တာပါ’’ဟု ၎င်းက ဆိုသည်။ လက်ရှိတွင် MPT သုံးစွဲသူ များအနေဖြင့် 4G ဝန်ဆောင်မှု ကို ရန်ကုန်မြို့တွင် ဆူးလေ Branded Store ၊ ဂျန်းရှင်းမော် တင်၊ ဂျန်းရှင်းစကွဲ၊ တော်ဝင်စင် တာ၊ ရန်ကုန် အပြည်ပြည်ဆိုင်ရာ လေဆိပ်တို့၌ လည်းကောင်း၊ နေ ပြည်တော်တွင် ဂျန်းရှင်းစင်တာ နှင့် Capital Hyper Market တို့၌ လည်းကောင်း အသုံးပြုနိုင်မည် ဖြစ်ကြောင်း သတင်းထုတ်ပြန်သည်။ အဆိုပါ 4G ဝန်ဆောင်မှု ကို အသုံးပြုနိုင်ရန် ဆွေသဟာ အစီအစဉ်ရယူထားရန် လိုအပ် ပြီး 4G စနစ်သုံးစွဲမရသည့် ယခင် ဆင်းမ်ကတ်များကို ရန်ကုန်၊ မန္တလေးနှင့် နေပြည်တော်တို့ရှိ MPT Branded Store များ၌ လက်ရှိ နံပါတ်အတိုင်း အခမဲ့လဲလှယ်နိုင် ကြောင်း သိရသည်။
မြန်မာ့ဆက်သွယ်ရေးလုပ် ငန်းသည် ယခုလ ၁၇ ရက်တွင် ဆက်သွယ်ရေးညွှန်ကြားမှုဦးစီး ဌာနက ပြုလုပ်မည့် လှိုင်းနှုန်းစဉ် 2100MHz လေလံပွဲသို့ ဝင် ရောက်ယှဉ်ပြိုင်ခြင်းမရှိဘဲ ၂၀၁၇ တွင် ပြုလုပ်မည့် လှိုင်းနှုန်းစဉ် 1800MHz လေလံပွဲသို့ဝင်ရောက်ယှဉ်ပြိုင်ရန် စီစဉ်ထားခြင်း ဖြစ်သည်။
