အီရန်သမ္မတဟောင်း ၂၀၁၇ ရွေးကောက်ပွဲ ၀င်မည်မဟုတ်
အီရန်သမ္မတဟောင်း Mahmoud Ahmadinejad က နောက်နှစ်ပြုလုပ်မယ့် သမ္မတရွေးကောက်ပွဲမှာ ပါဝင် ယှဉ်ပြိုင်မှာ မဟုတ်ဘူးလို့ ပြောဆိုလိုက်ပါတယ်။ ရွေးကောက်ပွဲမှာ ယှဉ်ပြိုင်မယ်ဆိုရင် သဘောထားကွဲပြားမှုတွေ ကြီးထွားလာလိမ့်မယ်လို့ နိုင်ငံ့ဥသျှောင် Ayatollah Ali Khamenei က သတိပေးခဲ့တာကြောင့် ဖြစ်တယ်လို့ ပြောဆိုခဲ့ပါတယ်။
သမ္မတဟောင်း အမာဒီနီဂျတ်ရဲ့ ယှဉ်ပြိုင်မှုက အီရန်လူ့အသိုင်းအ၀ိုင်းကြား တဘက်စွန်း ရောက်စေနိုင်သလို၊ တိုင်းပြည်မှာ ကွဲလွဲမှုတွေဖြစ်အောင် ဖန်တီးရာ ရောက်လိမ့်မယ်လို့ နိုင်ငံ့ရေးရာကိစ္စရပ်အားလုံးမှာ နောက်ဆုံး ဆုံးဖြတ်ချက်ချသူ ခါမေနီ က ပြောဆိုထားတဲ့အကြောင်း တနင်္လာနေ့က ကိုးကားပြောဆိုခဲ့တာပါ။
အီရန်သမ္မတဟောင်း မာမွတ် အမာဒီနီဂျတ်ဟာ ၂၀၀၅ ခုနှစ်ကနေ ၂၀၁၃ ခုနှစ်အထိ ၄ နှစ် သမ္မတသက်တမ်းကို ၂ ကြိမ်ဆက်တိုက် ထမ်းဆောင်ခဲ့သူ ဖြစ်ပါတယ်။
အမာဒီနီဂျတ် နှုတ်ထွက်လိုက်တဲ့အတွက် – မေလရွေးကောက်ပွဲမှာ ဒုတိယအကြိမ် သမ္မတသက်တမ်း ပြန်လည် အရွေးခံဖို့ ကြိုးပမ်းနေတဲ့ သမ္မတ ဟာဆန်ရဟာနီအတွက်တော့ အဓိက စိန်ခေါ်မှုတခု လျော့ပါးသွားပါတယ်။
ဒါပေမဲ့လည်း သမ္မတ ရဟာနီ အနေနဲ့ကတော့ အနောက်နိုင်ငံတွေနဲ့ ပြေပြေလည်လည် ဆက်ဆံနေတဲ့ သူ့ရဲ့ မူဝါဒအပေါ် ဆန့်ကျင်တဲ့ စိန်ခေါ်သူတယောက်နဲ့ ရင်ဆိုင်ရမယ့် အလားအလာတွေလည်း ရှိနေတယ်လို့ သိရ ပါတယ်။
ဗွီအိုအေ (မြန်မာပိုင်း)
