ဆမ်အလာဒွိုက်စ်နှင့် အက်ဖ်အေတို့ နှစ်ဦးသဘောတူ လမ်းခွဲ

အင်္ဂလန်လက်ရွေးစင်အသင်းနည်းပြ ဆမ်အလာဒွိုက်စ်သည် ၎င်း၏ရာထူးဂုဏ်ပုဒ်ကို မလျော်ကန်စွာ အသုံးချ ခဲ့ခြင်း၊ အက်ဖ်အေက ထုတ်ပြန်ချမှတ်ထားသည့် ဥပဒေကို မည်သို့မည်ပုံ လက်တစ်လုံးခြားလုပ်၍ ရနိုင်ကြောင်း နည်းပေးလမ်းပြခဲ့ခြင်းများအတွက် အရေးယူခံလိုက်ရပြီဖြစ်ကာ အက်ဖ်အေတာဝန်ရှိသူများက ဆမ်အလာဒွိုက်စ် ကို ခေါ်ယူတွေ့ဆုံအပြီးတွင် နှစ်ဦးနှစ်ဖက် သဘောတူညီမှုရယူ၍ လမ်းခွဲရန် ဆုံးဖြတ်ချက် ချမှတ်လိုက်ကြောင်း BBC က ဖော်ပြထားသည်။

ဆမ်အလာဒွိုက်စ်သည် အင်္ဂလန်လက်ရွေးစင် ဘောလုံးအသင်းနည်းပြဟူသည့် ရာထူးအရှိန်အဝါကို အသုံးချ၍ ပေါင်လေးသိန်းပမာဏရှိ ငွေကြေးတစ်ရပ်ကို လက်ခံရယူကာ စီးပွားရေးလုပ်ငန်းစုတစ်ခု၏ ကိုယ်စားပြုပုဂ္ဂိုလ် အဖြစ် ရပ်တည်ပေးခဲ့ပြီး အက်ဖ်အေတာဝန်ရှိသူများက ၎င်းကို သည်းမခံနိုင်ဖြစ်သွားခဲ့ကြသည်မှာ အင်တာဗျူး တစ်ခုတွင် အက်ဖ်အေက တားမြစ်ထားသည့် ကစားသမားအပြောင်းအရွှေ့များတွင် တတိယအဖွဲ့အစည်း ပါဝင် ပတ်သက်ခြင်းမရှိစေရဥပဒေကို မည်သည့်နည်းလမ်းဖြင့် လက်တစ်လုံးခြားလုပ်၍ ရနိုင်သည်ဟု နှပ်ကြောင်းပေး ပြောကြားသွားခဲ့သည့် စကားရပ်များပင်ဖြစ်သည်။

ဆမ်အလာဒွိုက်စ်က တတိယအဖွဲ့အစည်း၏ထိန်းချုပ်မှုအောက်တွင်ရှိနေသော ကစားသမားကို မည့်သည့် နည်းလမ်းဖြင့်ခေါ်ယူပါက အဆင်ပြေစွာ ရရှိနိုင်ကြောင်း ရှင်းလင်းပြောကြားထားသည့် ဗီဒီယိုဖိုင်သည် တယ်လီဂရပ်ဖ်သတင်းစာက အင်တာနက်စာမျက်နှာများထက်သို့ လွှင့်တင်လိုက်ရာကတစ်ဆင့် ပျံ့နှံ့သွားခဲ့ခြင်း ဖြစ်ကာ အဆုံးသတ်တွင် ရာထူးနှင့်မလျော်ညီသည့် လုပ်ရပ်များကို လုပ်ဆောင်ခဲ့သည်ဟူသော အကြောင်းပြချက် ဖြင့် အက်ဖ်အေက ဆမ်အလာဒွိုက်စ်ကို နှစ်ဦး သဘောတူညီမှု ရယူပြီး ရာထူးက ဖယ်ရှားပစ်လိုက်ခြင်းဖြစ်သည်။

အသက် ၆၁ နှစ်အရွယ်ရှိ ဆမ်အလာဒွိုက်စ်သည် လွန်ခဲ့သည့် ဇူလိုင်လ၌ အင်္ဂလန်လက်ရွေးစင်အသင်း နည်းပြ အဖြစ် စတင်ခန့်အပ်ခြင်းခံခဲ့ရကာ ရာထူးသက်တမ်း ၆၇ ရက်အကြာတွင် နှစ်ဦးနှစ်ဖက် သဘောတူညီချက်ဖြင့် ရာထူးပြန်လည် စွန့်လွှတ်လိုက်ရခြင်းဖြစ်သည်။

# The Voice