ပြည်တွင်း စက်သုံးဆီဈေး တစ်ကျော့ပြန် မြင့်တက်

ကမ္ဘာ့ရေနံစိမ်းဈေးနှင့် နိုင်ငံတကာငွေလဲဈေးမြင့်တက် လာခြင်းကြောင့် ပြည်တွင်းစက် သုံးဆီဈေးမှာ ရက်ပိုင်း အတွင်း တစ်ကျော့ပြန် မြင့်တက်လာကြောင်း သတင်းရရှိသည်။

ကမ္ဘာ့ရေနံစိမ်း ဈေးမှာ စက်တင်ဘာကစ၍ တဖြည်းဖြည်းတက်လာရာ တစ်စည်လျှင် ၅၄ ဒေါ်လာသို့ ရောက်ရှိ လာခဲ့၍ ဒေါ်လာ ၅၀ အောက်တွင် တစ်နှစ်ကျော်ကြာ ရှိနေရာမှ ပြန်လည်မြင့်တက်လာခြင်းဖြစ်သည်။

ကမ္ဘာ့ရေနံစိမ်းဈေးသည် ၂၀၁၅ စက်တင်ဘာလကုန်က တစ်စည်လျှင် ၄၃ ဒေါ်လာဖြင့် အရောင်းအဝယ်ဖြစ်နေပြီး ယခု နှစ် စက်တင်ဘာ မတိုင်မီအထိ ဒေါ်လာ ၅၀ အောက်တွင် ရှိနေခဲ့ ကြောင်း သိရသည်။

နိုင်ငံခြားငွေလဲနှုန်းမှာလည်း ယခုလဆန်းက ဗဟိုဘဏ် ရည်ညွှန်းနှုန်း အမေရိကန်တစ်ဒေါ်လာလျှင် ၁,၂၀၈ ကျပ်မှ စက်တင်ဘာ ၂၄ ရက်တွင် ၁,၂၃၂ ကျပ် အထိ မြင့်တက်လာသည်။

ရေနံစိမ်းဈေးနှင့် ငွေလဲဈေး မြင့်တက်လာခြင်းနှင့် ဆက်စပ်၍ ပြည်တွင်းစက်သုံးဆီ ဈေးနှုန်းများပါ လှုပ်ခတ်လာ သည်ဟု စက်သုံးဆီရောင်းဝယ်ရေးလုပ်ငန်းများက ဆိုသည်။

ပြည်တွင်း စက်သုံးဆီဈေး ကွက်တွင် စက်တင်ဘာက ဒီဇယ်တစ်လီတာ ကျပ် ၅၃၀ ခန့်၊ အဆင့်မြင့် ဒီဇယ် တစ်လီတာ ၅၅၀ ခန့်၊ အောက်တိန်း-92 တစ်လီတာ ကျပ် ၅၁၀ ခန့်၊ အောက်တိန်း-95 တစ်လီတာ ကျပ် ၆၀၀ ခန့်ရှိခဲ့ရာမှ စက်တင်ဘာ ၂၄ ရက်တွင် ဒီဇယ်တစ်လီတာ ကျပ် ၅၇၀ ခန့်၊ အဆင့်မြင့်ဒီဇယ်တစ်လီတာ ကျပ် ၆၀၀ ခန့်၊ အောက်တိန်း-92 တစ်လီတာ ကျပ် ၅၇၀ ခန့်နှင့် အောက်တိန်း- 95 တစ်လီတာ ကျပ် ၆၄၀ ခန့်သို့ ဈေးနှုန်း ပြောင်းလဲလာခဲ့သည်။

‘‘ကမ္ဘာ့ရေနံစိမ်းဈေးနဲ့ ငွေလဲဈေးတွေ ထပ်တက်ရင်တော့ ပြည်တွင်းစက်သုံးဆီဈေးက အပြောင်းအလဲ ထပ်ရှိနိုင် သေးတယ်။ အခုအချိန်ကတော့ ဘယ်လောက် ပြောင်းလဲမှု ရှိမလဲဆိုတာ ခန့်မှန်းဖို့ခက်နေသေးတယ်’’ ဟု စက်သုံးဆီဈေးကွက် ကျွမ်းကျင်သူတစ်ဦးက မှတ်ချက်ပြု သည်။

၂၀၁၅ စက်တင်ဘာလကုန် က ပြည်တွင်း ဈေးကွက်တွင် အောက်တိန်း-92 တစ်လီတာ ကျပ် ၇၀၀ ခန့်၊ အောက်တိန်း-95 တစ်လီတာ ကျပ်၈၀၀ ခန့်၊ ဒီဇယ် တစ်လီတာ ကျပ် ၆၆၀ ခန့်နှင့် အဆင့်မြင့်ဒီဇယ်တစ်လီတာ ကျပ် ၇၀၀ ခန့် ရှိခဲ့ရာ ယခုတက်လာသည့် စက်သုံးဆီဈေးမှာ သက်သာနေသေးသည်ဟု စက်သုံးဆီ ရောင်းဝယ်ရေး လုပ်ငန်းများက ဆိုသည်။

# Myawady Daily