ဆီးရီးယားသို့ လေယာဉ်တင်သင်္ဘော စေလွှတ်ရန် စီစဉ်နေကြောင်း ရုရှားအတည်ပြု

ရုရှားသည် ဆီးရီးယား ပဋိပက္ခကို ပိုမို၍ ထဲထဲဝင်ဝင် ဖြေရှင်းနိုင်ရန်အတွက် ၎င်းတို့၏ လေယာဉ်တင် သင်္ဘောကို ဆီးရီးယား ရေပိုင်နက်သို့ ပို့ဆောင် စီစဉ်နေကြောင်း ကြေညာခဲ့သည်။

အမေရိကန်နှင့် ရုရှားတို့ ဦးဆောင် ဆွေးနွေးခဲ့သည့် အပစ်အခတ် ရပ်စဲရေး သဘောတူညီမှုမှာ ရက်အနည်းငယ်သာ သက်တမ်းခံခဲ့သည့်နောက် ကမ္ဘာ့အင်အားကြီး နှစ်နိုင်ငံမှ ကိုယ်စားလှယ်များသည် ကုလသမဂ္ဂ ညီလာခံတွင် ထိုကိစ္စကို ဦးတည် ဆွေးနွေးခဲ့ကြသည်။ ထိုအချိန်တွင် ရုရှားဘက်မှ ၎င်းတို့၏ တစ်စီးတည်းသော လေယာဉ်တင် သင်္ဘောကြီးကို ဆီးရီးယား ကမ်းခြေသို့ စေလွှတ်ရန် အစီအစဉ်ရှိကြောင်း ပြောကြားခဲ့သည်။

ရုရှား ကာကွယ်ရေး ဝန်ကြီး ဆာဂျီ ရှိုင်ဂူက Admiral Kuznetsov လေယာဉ်တင် သင်္ဘောကြီးကို မြေထဲပင်လယ် အရှေ့ပိုင်းသို့ စေလွှတ်ကာ ဆီးရီးယား ပြည်တွင်းစစ်တွင် ပါဝင်တိုက်ခိုက်နေသည့် ရုရှားရေတပ် သင်္ဘောများနှင့် သွားရောက် ပူးပေါင်းစေမည်ဟု အတည်ပြုခဲ့သည်။

မကြာသေးမီက ဆီးရီးယားတွင် ကုလသမဂ္ဂ ထောက်ပံ့ရေး ယာဉ်တန်းတစ်စီး လေကြောင်းမှ တိုက်ခိုက်ခံရပြီး ယင်းသည် ရုရှားလက်ချက်ဟု အမေရိကန်က စွပ်စွဲခဲ့သည့်နောက် ရုရှားက ယခုလို တုံ့ပြန်လာခြင်း ဖြစ်သည်။ လတ်တလောတွင် ကုလသမဂ္ဂသည် အပစ်အခတ် ရပ်စဲရေး ပြန်လည် ဖော်ဆောင်ရန်နှင့် လူသားချင်း စာနာမှု အထောက်အပံ့များ ပြန်လည်ပေးပို့နိုင်ရေး ပူးပေါင်း ကူညီကြရန် တိုက်တွန်းလျက် ရှိသည်။

အခြားသော သတင်းများအရ ဆီးရီးယား စစ်တပ်၏ တိုက်လေယာဉ် တစ်စီးကို စက်တင်ဘာ ၂၁ ရက်တွင် အိုင်အက်စ် စစ်သွေးကြွများက ပစ်ချခဲ့ကြောင်း သိရသည်။ သို့သော် စစ်ဆင်ရေး လုပ်ငန်းစဉ်အတွင်း ဒမတ်စကက် မြို့တော်အနီး၌ ပစ်ချခံရသည့် တိုက်လေယာဉ်မှ လေယာဉ်မှူးကို ကယ်ဆယ်နိုင်ခဲ့ကြောင်း ဆီးရီးယား အစိုးရ သတင်းဌာနများက ကြေညာခဲ့သည်။ အဆိုပါ စစ်သွေးကြွ အကြမ်းဖက် အဖွဲ့သည် ပြီးခဲ့သည့် သီတင်းပတ်ကုန် ကလည်း ဒီရာအက်ဇော အနီးတွင် အခြား ဆီးရီးယား လေတပ် တိုက်လေယာဉ် တစ်စီးကို ပစ်ချခဲ့ကြောင်း သတင်းများက ဖော်ပြခဲ့သည်။

Ref: CNN