အိန္ဒိယမှာ ကျောင်းဘတ်စ်ကားတစ်စီး မြောင်းထဲကျသွားလို့ ကလေးငယ် (၇) ဦးသေဆုံး၊ (၁၃) ဦး ဒဏ်ရာရ
(ဓာတ်ပုံ – အီးပီအေ)
အင်္ဂါနေ့က အိန္ဒိယနိုင်ငံ မြောက်ပိုင်းမှာ ကျောင်းဘတ်စ်ကားတစ်စီး တူးမြောင်းထဲ ထိုးကျသွားတာကြောင့် အနည်းဆုံး ကလေး ခုနှစ်ဦး သေဆုံးခဲ့ကြောင်း ရဲတပ်ဖွဲ့က ပြောပါတယ်။
ပန်ဂျပ်ပြည်နယ်၊ Amritsar မြို့အနီး မူဟာဝါကျေးရွာမှာ ဒေသစံတော်ချိန် နေ့လည် ၁ နာရီဝန်းကျင်းက မတော်တဆမှု ဖြစ်ပွားခဲ့ပါတယ်။ အသက် ၇ နှစ်နှင့် ၁၄ ကြား ကလေးငယ် ၃၇ ဦး သယ်ဆောင်လာတဲ့ ဘတ်စ်ကားဟာ မြောင်းထဲ ထိုးကျခဲ့တယ်လို့ ကျေးလက်ဒေသရဲတပ်ဖွဲ့ကြီးကြပ်ရေးမှူး Harkamalpreet Singh က ပြောပါတယ်။
ဒဏ်ရာရရှိခဲ့တဲ့ ကလေးငယ် ၁၃ ဦးရဲ့ အခြေအနေကောင်းနေပေမယ့် Arora ဆေးရုံးတင်ခဲ့တဲ့ ကလေးငယ် နှစ်ဦးမှာ စိုးရိမ်ဖွယ် အနေအထား ရှိတယ်လို့ အဆိုပါရဲက ပြောပါတယ်။
အဆိုပါ မတော်တမှုဖြစ်မှုကို အာဏာပိုင်တွေက စုံစမ်းနေပါတယ်။
တရားဝင်စာရင်းဇယားများအရ ၂၀၁၅ ခုနှစ်အတွင်း အိန္ဒိယမှာ လမ်းပေါ် မတော်မတ ဖြစ်ပွားမှုကြောင့် လူ (၁၄၆,၀၀၀) ဦး သေဆုံးခဲ့ပြီး အများစုမှာ ယာဉ်စည်းမျဉ်းစည်းကမ်းတွေ မလေးစားခြင်းနှင့် လမ်းတွေ ဆိုးရွားခြင်းကြောင့် သေဆုံးရတယ်လို့ သိရပါတယ်။
