ကြက်သွန်နီရဲ့ အလှအပဆိုင်ရာလျှို့ဝှက်ချက်
ကြက်သွန်နီဟာ ကျန်းမာရေးအတွက်သာမက အလှအပအတွက်ပါ ရတနာတစ်ပါးလို အကျိုးပြုတယ်ဆိုရင် ယုံကြည်နိုင်ပါ့မလား။ ကြက်သွန်နီဟာ အခွံနွှာတုန်းပဲ ဖြစ်ဖြစ်၊ လှီးတဲ့အခါပဲဖြစ်ဖြစ် မွှန်ထူပြီး မျက်ရည်ဝဲရသလို စားရင်လည်း ခံတွင်းအနံ့ဆိုးစေတာကြောင့် အလှအပနဲ့ ဆက်စပ်နေတယ်လို့ ဘယ်သူမှ ထင်ကြမှာမဟုတ်ပါဘူး။ ဒါကြောင့်မို့ အလှအပအတွက် ဘာတွေ အကျိုးပြုသလဲဆိုတာ လေ့လာ ကြည့်ရအောင်ပါ။
ကြက်သွန်နီကို ကြိတ်ခြေပြီး ရလာတဲ့အရည်နဲ့ ပျားရည်လက် ဖက်ရည်ဇွန်းတစ်ဇွန်း၊ လာဗန်ဒါ အမွှေးရည် သုံးစက်ရောပြီး ဦးရေပြားကို သုတ်လိမ်းပေးမယ်ဆိုရင် ဆံပင်ကျွတ်တာ သက်သာစေသလို ဆံပင်များများ ပေါက်ကာ သန်စွမ်းစေပါတယ်။
ကြက်သွန်နီက သွေးတွင်းသကြားဓာတ်ကို ပုံမှန်ဖြစ်စေတဲ့အတွက် ဆီးချိုဝေဒနာရှင်တွေဆိုရင် ကြက်သွန်နီ နေ့တိုင်း စားသုံးပေးဖို့ လိုအပ်ပါတယ်။ ကြက်သွန်နီစားလိုက်တာနဲ့ အဆုတ်၊ သားအိမ်၊ အစာအိမ်၊ ရင်သား၊ အသည်း၊ ခံတွင်းနဲ့ ဦးနှောက်ကင် ဆာစတဲ့ ကင်ဆာရောဂါအမျိုးမျိုးကို ကာကွယ်ပြီးသားဖြစ်စေပါ တယ်။
ဒါတင်မက ကြက်သွန်နီပုံ မှန်စားပေးတယ်ဆိုရင် သွေးကြောပိတ်၊ သွေးတိုး၊ လေဖြတ်၊ နှလုံးထိခိုက်ခံရတာတွေ မဖြစ်အောင် ကာကွယ်ပေးနိုင်ပြီး နှလုံးကျန်းမာရေးကောင်းစေပါတယ်။ နောက်ပြီး ကိုယ်ခံစွမ်းအား ကောင်းစေ ကာ အရိုးသန်မာဖို့အတွက်လည်း ကူညီပေးပါတယ်။ ကြက်သွန်နီဟာ ပန်းနာရင် ကျပ်နဲ့ အသက်ရှူလမ်းကြောင်း ဆိုင်ရာရောဂါတွေ သက်သာစေဖို့ ကောင်းကျိုးပြုပေမယ့် ကြက်သွန်နီနဲ့ ဓာတ်မတည့်သူတွေအ တွက်တော့ ဝေးဝေးရှောင်ရမှာပါ။
ကြက်သွန်နီကို အစိမ်းလိုက်စားရင် ခံတွင်းကို နံစေတယ်ဆိုပေမယ့် ခံတွင်းထဲက ရောဂါ ပိုးမွှားတွေကို သေစေကာ သွားနာ၊ သွားကိုက်ဝေဒနာတွေကို ပျောက်ကင်းစေပါတယ်။
ကြက်သွန်နီနည်း နည်းကို နေ့စဉ် နှစ်မိနစ်၊ သုံးမိနစ် လောက်ဝါးပေးရင်းနဲ့ ခံတွင်းထဲကဘက်တီးရီးယားတွေကို ဖယ်ရှားသန့်စင်လို့ရပါတယ်။
အသားအရေလှပချင်ရင်လည်း ကြက်သွန်နီကြိတ်ခြေထားတဲ့အရည်ကို ဒိန်ချဉ်နဲ့ရောပြီး အရေပြားအနှံ့သုတ်လိမ်း ပြီး ၁၀ မိနစ်လောက်ကြာရင် ရေခပ်နွေးနွေးလေးနဲ့ ဆေးကြောလိုက်တဲ့အခါ ချောမွတ်ဖြူစင်တဲ့ အသားအရည်ကို ရရှိစေမှာပါ။ နောက်ပြီး ခေါင်းထဲမှာ သန်းတွေရှိလို့ ရှင်းပစ်ချင်ရင် ကြက်သွန်နီသုံးလုံးလောက်ကို အရည်ညှစ်ပြီး ဦးရေပြားအနှံ့ သုတ်လိမ်းကာ သုံးနာရီလောက်ကြာအောင် ခေါင်းကိုပေါင်းထုပ်ထားပြီး ခေါင်းလျှော်ရည်၊ ရေနွေး နွေးနဲ့ လျှော်ပေးတဲ့အခါ သန်းတွေသာမက ဦးရေပြားပေါ်က အညစ်အကြေးနဲ့ သန်းဥ၊ သန်းဖျတွေပါ သန့်စင်ပြီး သားဖြစ်စေပါတယ်။ # ဖိုးသူတော်
