မန်ယူအသင်း သုံးပွဲဆက် ရှုံးပွဲကြုံ

လန်ဒန်− ယမန်နေ့ညက ကစားခဲ့သော ပရီးမီးယားလိဂ်ပွဲစဉ်များတွင် ၀က်ဖို့ဒ်က မန်ယူကို ၃-၁ ဂိုး ဖြင့် အနိုင်ယူပြီး မန်ယူအတွက် သုံးပွဲဆက်တိုက်ရှုံးနိမ့်မှုကို အပ်နှင်းခဲ့သည်။

ဝက်ဖို့ဒ်အတွက် ဂျူအန်ဇူနီဂါနှင့် ထရိုင်ဒီနီတို့က ၈၄ မိနစ်နှင့် မိနစ် ၉၀ တွင် အနိုင်ဂိုးများ ရယူခဲ့ပြီး ထိုက်တန်စွာ အနိုင်ယူသွားခဲ့သည်။ ဒီနီ၏ ဂိုးမှာ ပင်နယ်တီမှ ရရှိခြင်းဖြစ်သည်။

အစောပိုင်းတွင် ၀က်ဖို့ဒ်မှ အီတီယန်ကာပိုး၏ ဦးဆောင်ဂိုး ကို မန်ယူမှ ရက်ရ်ှဖို့ဒ်က ၆၂ မိနစ် တွင် ချေပခဲ့သည်။ ပြီးခဲ့သည့် သီတင်းပတ်ကုန် က မန်စီးတီးကို ဒါဘီပွဲရှုံးနိမ့်ပြီး နောက် ယူရိုပါလိဂ်တွင် ဖီယင်နု ကို ထပ်မံရှုံးနိမ့်ခဲ့သဖြင့် မန်ယူမှာ ရှစ်ရက်အတွင်း တတိယအကြိမ် ရှုံးပွဲကြုံသွားခြင်းဖြစ်သည်။

၂၀၀၂ ဖေဖော်ဝါရီက ပေါ်တိုကို ကိုင်တွယ်စဉ် သုံးပွဲရှုံးပြီးနောက်ပိုင်း မော်ရင်ဟိုကိုင်တွယ်သော အသင်းတစ်သင်း သုံးပွဲဆက်တိုက် ထပ်မံရှုံးနိမ့်ခြင်းလည်းဖြစ်သည်။ မော်ရင်ဟိုသည် ဖီယင်နုသို့ သွားရောက်ယှဉ်ပြိုင်ခဲ့သော အသင်းကို အပြောင်းအလဲ ငါးနေရာပြုလုပ်ခဲ့ပြီး ရွန်းနေနှင့် အီဗရာဟီမိုဗစ်တို့ကို အသင်းတွင် ပြန်လည် ထည့်သွင်းခဲ့သည်။ သို့သော် မန်ယူသည် စုစည်းမှု အားနည်းနေပြီး ထိရောက်မှုလည်း မရှိခဲ့ပေ။ အထူးသဖြင့် ပထမပိုင်းတွင် အလွန်သိသာခဲ့သည်။ ရွန်းနေ၊ မိုဗစ်နှင့် ပေါ့ဂ်ဘာတို့မှာလည်း ပွဲအပေါ်ထိထိရောက်ရောက် ပံ့ပိုးမှု မပြုလုပ်နိုင်ခဲ့ပေ။

ပရီးမီးယားလိဂ်ငါးပွဲ ကစားပြီးချိန်တွင် မန်ယူက ထိပ်ဆုံးမှ မန်စီးတီးနောက်ခြောက် မှတ်ပြတ်နေပြီး နံပါတ် (၆) နေရာ ရောက်ရှိနေသည်။ ၀က်ဖို့ဒ်က နံပါတ် (၉) နေရာ၌ ရပ်တည်နေသည်။

အသင်း၏ ရှုံးပွဲနှင့် ပတ်သက်၍ မော်ရင်ဟိုက သုံးပိုင်းခွဲ ပြောသွားသည်။

‘‘ပထမအကြောင်းအရာက ကျွန်တော်တို့အပေါ် မူတည်ပါတယ်။ ဒါဟာ တစ်ဦးချင်းအမှားတွေ၊ စုပေါင်းအမှားတွေနဲ့ သက်ဆိုင်ပါတယ်။ ကျွန်တော်တုိ့ တိုးတက်အောင် လုပ်ရပါမယ်။ အဲဒါ ကျွန်တော်တို့ လက်ထဲမှာ ရှိပါတယ်။ ဒုတိယ အကြောင်းအရာက ကွင်းလယ်ဒိုင်ဖြစ်ပြီး သူတို့ရဲ့ အမှားတွေကို ကျွန်တော်ထိန်းချုပ်လို့ မရပါဘူး။ တတိယအပိုင်းက ကံပဲ ဖြစ်ပါတယ်။ ကျွန်တော်တို့ ကံမကောင်းခဲ့ဘူး။ ရှုံးတဲ့အချိန်မှာ ကျွန်တော်တို့ဟာ အကောင်းဆုံး အသင်းပါ’’ဟု ဒုတိယပိုင်းတွင် အသင်း၏ ကစားပုံကောင်းလာခြင်းကို ရည်ညွှန်း၍ မော်ရင်ဟိုက ပြောကြားသည်။

ကျန်ပွဲစဉ်များတွင် ခရစ္စတယ်ပဲလေ့စ်က စတုတ်ကို ၄-၁ ဂိုးဖြင့် အနိုင်ယူခဲ့ပြီး ဆောက်သမ်တန်က ဆွမ်ဆီးကို ၁-၀ ဂိုးဖြင့် အနိုင်ရရှိခဲ့သည်။

—Ref:BBC