ဖမ်းဆီးထားသော နော်ဝေးနိုင်ငံသားကို ဖိလစ်ပိုင်သူပုန်များ ပြန်လွှတ်ပေး

ဆူလူးပြည်နယ် အင်ဒါနန်မြို့တွင် အစ္စလာမ်အစွန်းရောက်များ လွှတ်ပေးလိုက်သော နော်ဝေးနိုင်ငံသား ကေဂျာတန် ဆက်ကင်စတက်ကို မိုရိုအမျိုးသားလွတ်မြောက်ရေးတပ်ဦး (MNLF)အဖွဲ့ ဥက္ကဋ္ဌ နော်မီဆွာရီက ခေါ်ဆောင်လာစဉ် (NICKEE BUTLANGAN/AFP)

ဖိလစ်ပိုင်နိုင်ငံ တောင်ပိုင်းတွင် ပြီးခဲ့သည့်နှစ် စက်တင်ဘာက အယ်လ်ကိုင်ဒါအဖွဲ့နှင့် ဆက်နွှယ်သော အဘူဆေယက် အဖွဲ့၏ ဓားစာခံအဖြစ် ဖမ်းဆီးခံထားရသည့် နော်ဝေးနိုင်ငံသား တစ်ဦး စနေနေ့က ပြန်လွတ်လာကြောင်း ဖိလစ်ပိုင် အရာရှိများက ပြောသည်။ အခြား ကနေဒါနိုင်ငံသားနှစ်ဦး၊ ဖိလစ်ပိုင်အမျိုးသမီး တစ်ဦးတို့နှင့်အတူ အဘူဆေယက် အဖွဲ့က ဖမ်းဆီးခဲ့သည်။

ဖိလစ်ပိုင်နိုင်ငံသူကို ယင်း အဖွဲ့က ပြန်လွှတ်ပေးထားပြီးဖြစ်ကာ အခြားကနေဒါနိုင်ငံသားနှစ်ဦးကို နောက်ပိုင်းတွင် စစ်သွေးကြွများက သတ်ပစ်ခဲ့သည်။

ရိုမန်ကက်သလစ် ဘာသာဝင် အများစုနေထိုင်သော ဖိလစ်ပိုင်နိုင်ငံ တောင်ပိုင်းတွင် အခြေစိုက်သည့် အဘူဆေယက်အဖွဲ့သည် ပြန်ပေးဆွဲခြင်း၊ ငွေညှစ် တောင်းခံခြင်း နှင့် ခေါင်းဖြတ်သတ်ခြင်းများကြောင့် လူသိများသော အဖွဲ့ဖြစ်သည်။

ယင်းအဖွဲ့က ၎င်းတို့ ဖမ်းဆီးထားသူ တစ်ဦးစီအတွက် ကနဦးတွင် ပီဆို ၁ ဘီလီယံ (ကန်ဒေါ် လာ ၂၁ သန်း) တောင်းဆိုခဲ့သော်လည်း နောက်ပိုင်း၌ တစ်ဦးစီအတွက် ပီဆို သန်း ၃၀၀ သို့ လျှော့၍ တောင်းဆိုခဲ့သည်။

ယင်းအဖွဲ့က ကေဂျာတန် ဆက်ကင်စတက်ကို ဆူလူးကျွန်းရှိ ပါတီကူလ်မြို့တွင် လွှတ်ပေးလိုက်ပြီး ၎င်းကို ဒေသဆိုင်ရာ မြို့တော် ဂျိုလိုရှိ မိုရိုအမျိုးသား လွတ်မြောက်ရေးတပ်ဦး MNLF တည် ထောင်သူ နော်မီဆွာရီက ခေါ်ယူ စောင့်ရှောက်ထားကြောင်း ဖိလစ်ပိုင်သမ္မတ၏ ငြိမ်းချမ်းရေးအကြံပေးအရာရှိ ဂျေးဆပ်ဒူရီဇာ က ပြောသည်။

ဆက်ကင်စတက်သည် စနေ ညပိုင်းက သမ္မတဒူတာတီနှင့် တွေ့ဆုံရန် စီစဉ်ထားခဲ့သော်လည်း ရာသီဥတုအခြေအနေ ဆိုးရွားနေသောကြောင့် ယင်းအစီအစဉ်ကို ဖျက်သိမ်းခဲ့သည်။ အဘူဆေယက်အဖွဲ့ကို စစ်ဘက်ဆိုင်ရာက ပြင်းထန်သော စစ်ဆင်ရေးများဖြင့် တိုက်ခိုက်နေခြင်းကြောင့် ဆက်ကင် စတက် လွတ်မြောက်လာခြင်း ဖြစ်သည် ဟု အနောက်မင်ဒါနာအိုဒေသ တပ်မှူး၏ ပြောရေးဆိုခွင့်ရှိသူ ဗိုလ်မှူးကြီး ဖိုင်းလ်မွန်တန်က ပြောကြားသည်။

၎င်းလွတ်မြောက်ရေး၌ အစိုးရကို ကူညီပေးခဲ့သည့် MNLF အဖွဲ့ကိုလည်း ဗိုလ်မှူးကြီးတန် က ချီးကျူးခဲ့သည်။

—Ref: Reuters