ရခိုင်ပြည်နယ်အရေးကိစ္စနှင့်ပတ်သက်၍ နိုင်ငံရေးပါတီ (၁၁)ပါတီ၏ ပူးတွဲ သဘောထားကြေညာချက်
ရန်ကုန်မြို့ သံလွင်လမ်း ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီရုံးတွင် ပါတီဥက္ကဌ ဦးသန်းဌေးနှင့် နိုင်ငံရေးပါတီ (၁၁)ပါတီမှ တာဝန်ရှိသူများ စက်တင်ဘာ (၁၆) ရက်က တွေ့ဆုံပြီး သဘောထားကြေညာချက် တစ်စောင် ထုတ်ပြန်ခဲ့ပါသည်။ ထိုကြေညာချက် အပြည်အစုံမှာ –
၂ဝ၁၆ ခုနှစ် စက်တင်ဘာလ ၁၆ ရက် (၁၃၇၈ခုနှစ်တော်သလင်းလပြည့်)
၁။ ရခိုင်ပြည်နယ်အရေးကိစ္စအတွက် ကုလသမဂ္ဂ အထွေထွေအတွင်းရေးမှူးချုပ်ဟောင်း မစ္စတာကိုဖီအာနန် ဦးဆောင်သည့် ရခိုင်ပြည်နယ်ဆိုင်ရာ အကြံပေး ကော်မရှင်အား ၂၄-၈-၂ဝ၁၆ နေ့တွင် တရားဝင် ဖွဲ့စည်း၍ လုပ်ငန်းတာဝန်များ စတင်ဆောင်ရွက်နေကြောင်း သိရှိရပါသည်။
၂။ ကော်မရှင်စတင်ဖွဲ့စည်းစဉ်ကပင် ဒေသခံတိုင်းရင်းသား ရခိုင်လူမျိုးများနှင့် နိုင်ငံရေးပါတီများ၊ အသင်းအဖွဲ့များမှ စိုးရိမ်ပူပန်မှုဖြင့် ကန့်ကွက်ခြင်း၊ ပြည်သူ့ လွှတ်တော်တွင် အရေးကြီးအဆို တင်သွင်းကန့်ကွက်ခြင်း များပြုလုပ်ခဲ့သည့်အပြင် ၁၄-၉-၂၀၁၆ ရက်နေ့တွင် ရခိုင်ပြည်နယ်လွှတ်တော်၌ အထူးအစည်းအဝေး ခေါ်ယူပြီး ကိုဖီအာနန် ဦးဆောင်သည့် ရခိုင်ပြည်နယ်ဆိုင်ရာ အကြံပေးကော်မရှင်အား အသိအမှတ်မပြုသင့်ကြောင်း အဆိုတင်သွင်းပြီး ကန့်ကွက်သူမရှိ အတည်ပြု ခဲ့ပါသည်။ ရခိုင်ပြည်နယ်လွှတ်တော်၏ ဆုံးဖြတ်ဆောင်ရွက်ချက်အား အလေးအနက် ထောက်ခံပါသည်။ နိုင်ငံတော်၏အတိုင်ပင်ခံပုဂ္ဂိုလ်ဥပဒေသည် ဖွဲ့စည်းပုံ အခြေခံဥပဒေနှင့် ညီညွှတ်ခြင်း မရှိကြောင်း၊ တပ်မတော်သားလွှတ်တော်ကိုယ်စားလှယ်များ အပါအ၀င် လွှတ်တော်ကိုယ်စားလှယ်အချို့က ကန့်ကွက်ခဲ့ပါသည်။ ထို့ကြောင့် ဥပဒေ၏လုပ်ပိုင်ခွင့်တွင် မပါဝင်သော ကိုဖီအာနန် ဦးဆောင်သည့်ရခိုင်ပြည်နယ်ဆိုင်ရာ အကြံပေးကော်မရှင်ကို ထပ်ဆင့်ဖွဲ့စည်းခဲ့သည့် အမိန့်မှာ မူလကပင် တရားမ၀င်ကြောင်း မိမိတို့က အလေးအနက် ခံယူထားပါသည်။
၃။ မိမိတို့ပါတီများသို့ အသိပေးအကြောင်းကြားလာမှုများအရ တိုင်းရင်းသား ပြည်သူလူထုအပေါင်းတို့က အောက်ပါအချက်များအပေါ် အထူးစိုးရိမ်မှုများ ရှိနေ ကြောင်းသိရှိရပါသည်-
(က) ဥပဒေနှင့်အညီ နိုင်ငံသားစိစစ်ရေးလုပ်ငန်း၊ မှတ်တမ်းများတွင်မရှိဘဲ နိုင်ငံတော်က အသိအမှတ်မပြုသည့် ”ရိုဟင်ဂျာ” လူမျိုးအမည်ဖြင့် တိုင်းရင်းသား ဖြစ်ရေး တောင်းဆိုမှုများအပေါ် လိုက်လျော ခွင့်ပြုသွားမည်ကို စိုးရိမ်ပူပန်လျှက်ရှိခြင်း။
( ခ) ဆူပူအကြမ်းဖက်ခြင်း၊ လုယက်သတ်ဖြတ်ခြင်း၊ သီးခြားနယ်မြေတောင်းဆိုခြင်းများ အပါအဝင် ၂ဝ၁၂ခုနှစ် ရခိုင်ပြည်နယ်အတွင်း လူအများသေကြေ ပျက်စီးခဲ့ ရသည့် သမိုင်းနောက်ခံ ဖြစ်ရပ်များကြောင့် နိုင်ငံတော်မှ တရားဝင်ကန့်ကွက်ထားသည့် ‘ရိုဟင်ဂျာ’ လူမျိုးအမည် သုံးစွဲခြင်း၊ ခွင့်ပြုခြင်းကို ရှောင်ကြဉ်ရန်သာမက ဒေသခံ ပြည်သူများ လက်မခံသည့် ကြားအမည် တစ်မျိုးမျိုးကို အစားထိုးအသုံးပြုလာစေခြင်းဖြင့် နောက်ဆက်တွဲဆိုးကျိုးများ ပေါ်ပေါက်လာမည်ကို စိုးရိမ်လျှက ရှိခြင်း။
( ဂ) ကချင်တိုင်းရင်းသား လက်နက်ကိုင်အဖွဲ့အစည်း၏ အဆင့်မြင့် တာဝန်ရှိသူတစ်ဦးက ”KIO နယ်မြေ အတွင်း ‘ရိုဟင်ဂျာ’ အမည်ခံ လက်နက်ကိုင်အဖွဲ့အစည်း အခြေစိုက်နေထိုင်ခွင့်ရရန် တောင်းဆိုမှုရှိသည်” ဟု မီဒီယာတွင် ထုတ်ဖော်ပြောကြားခဲ့ခြင်းကြောင့် လက်နက်ကိုင်အဖွဲ့ အစည်းနှင့် လူမျိုးအမည်ခံသူတို့ ပေါင်းစပ်၍ ရခိုင်ပြည်နယ်အတွင်း “သီးခြားနယ်မြေ ထူထောင်ရန် ကြိုးပမ်းလာနိုင်ခြင်း၊ ၎င်းဖြစ်ရပ်မှတစ်ဆင့် ကမ္ဘာ့နိုင်ငံအသီးသီးတွင် တရား မဝင် ပျံ့နှံ့ရောက်ရှိနေကြသော ‘ရိုဟင်ဂျာ’ အမည်ခံသူများက ၎င်းတို့အတွက် သီးခြားနယ်မြေ ထူထောင်ခွင့်ရပြီ ဟူသောယူဆချက်ဖြင့် မိမိနိုင်ငံအတွင်းသို့ တရားဝင်လာရောက် ပူးပေါင်း နေထိုင်ခွင့်များ ဖန်တီးလာခြင်းဖြင့် မြန်မာနိုင်ငံ နယ်နိမိတ်ကောက်ကြောင်း ယိုယွင်းပျက်စီး ရတော့မည့် အခြေအနေဆိုးကို တွေးတောပူပန် စိုးရိမ်လျှက်ရှိခြင်း။
(ဃ) (၁၂)လကြာဆောင်ရွက်ရမည့် ကော်မရှင်အသုံးစရိတ်ငွေများကို မည်ကဲ့သို့ ရရှိနေသည်/ အထူး သဖြင့် OIC အဖွဲ့အစည်းအကူအညီဖြင့် ရယူ ဆောင်ရွက် မည်ကို သံသယစိတ်များဖြင့် စိုးရိမ်ပူပန် မှုများရှိနေခြင်း။
(င) ရခိုင်ပြည်နယ်အတွင်း ပေါ်ပေါက်ခဲ့သည့်ဖြစ်ရပ်များအပေါ် လူ့အခွင့်အရေး စံနှုန်းများဖြင့်သာ တိုင်းတာစိစစ်မှုများကို ပြုလုပ်ရုံမဟုတ်ဘဲ ဒေသခံ တိုင်းရင်းသား များ၏ ခံစားချက်များနှင့် နိုင်ငံတော်၏ အမျိုးသားရေးနှင့် နိုင်ငံတော်လုံခြုံရေးကိုပါ အဓိကထည့်သွင်း စဉ်းစားရမည့် အချက်အား လျစ်လျူ ရှုသွားမည်ကို စိုးရိမ်လျှက် ရှိခြင်း။
(စ) အင်အားကြီးနိုင်ငံအချို့နှင့် နိုင်ငံတကာအဖွဲ့အစည်းအချို့တို့က တစ်ဖက်သတ် အခြေအမြစ်မရှိ လုပ်ကြံဖန်တီး စွပ်စွဲချက်များအပေါ် အခြေပြု တုံ့ပြန်မှုများ ရှိခဲ့သဖြင့် ဤကော်မရှင်က ထပ်မံတင်ပြ ချက်များကြောင့် နိုင်ငံတော်မှ အကာအကွယ်ပေးရန် ပျက်ကွက်မှု (Responsible to Protection = R to P) Doctrine နှင့် လူသားချင်းစာနာမှု အကြောင်းပြ ၀င်ရောက်စွက်ဖက်မှု (Humanitarian Intervention) ကို ကိုင်စွဲကျင့်သုံးလာမည့် အလား အလာကို စိုးရိမ်လျှက်ရှိခြင်း။
၎။ ဒီမိုကရေစီအစိုးရဟူသည် ပြည်သူ့ဆန္ဒ၊ ပြည်သူ့အသံကို အလေးထားရပြီး ရခိုင်ပြည်နယ်နှင့် ပတ်သက်၍ ရခိုင်ပြည်နယ်လွှတ်တော်က တခဲနက် အတည်ပြု ခဲ့သော ဆုံးဖြတ်ချက်ကို အလေးထား တုံ့ပြန်ရန်လိုအပ်ပါသည်။ အကယ်၍ ရခိုင်တိုင်းရင်းသားများအပါအ၀င် ပြည်ထောင်စုတိုင်းရင်းသား အားလုံးတို့၏ ဆန္ဒနှင့် စိုးရိမ် ပူပန်မှုများကို လျစ်လျူရှုပြီး ဆောင်ရွက်ခြင်းကြောင့် ပြည်ထောင်စုတစ်ခုလုံး အန္တရာယ် ကျရောက်မည့် အခြေအနေမျိုးဖြစ်ပေါ်လာပါက လက်ရှိအစိုးရအနေဖြင့် ပေါ်ပေါက်လာမည့် အကျိုးဆက်များအတွက် တာဝန်ကျရောက်မည်ဖြစ်ကြောင်း ကြေညာအပ်ပါသည်။
