သင်သတိမထားမိဘဲ ကျောက်ကပ်ပျက်စီးရခြင်း အကြောင်းများ
ကျောက်ကပ်ပျက်စီးခြင်းကြောင့် မလိုအပ်ဘဲ အသက်အန္တရာယ် ဆုံးရှုံးမှု ဖြစ်စေပါတယ်။ ကျောက်ကပ်ပျက်စီး ခြင်းကြောင့် မလိုအပ်ပဲ အသက်အန္တရာယ်ဆုံးရှုံးမှုဟာ နှစ်စဉ်နှစ်တိုင်း ဆရာဝန်တွေ၊ သမားတော်တွေ ရင်ဆိုင် နေရတဲ့ အရာဖြစ်တယ်လို့ သိရပါတယ်။
တစ်ဦးချင်းစီက မိမိရဲ့ခန္ဓကိုယ်ကို ကောင်းစွာဂရုမစိုက်ခြင်းကြောင့် မလိုအပ်ဘဲ ကျောက်ကပ်တွေ ပျက်စီးကြရလေ့ ရှိတယ်လို့ ဆိုပါတယ်။ ကျောက်ကပ်ပျက်စီးတဲ့ အကြောင်းအရင်းဟာ တစ်မျိုးထက်မနည်း ရှိပါတယ်။ အဖြစ် အများဆုံးကတော့ ခန္ဓာကိုယ်အတွင်း ရေဓာတ်ခမ်းခြောက်လေ့ရှိလို့ ဖြစ်ကြောင်းသိရပါတယ်။ လုံလောက်တဲ့ ရေပမာဏကို ခန္ဓာကိုယ်က မရတဲ့အခါ ကျောက်ကပ်ရဲ့ အလုပ်လုပ်နိုင်စွမ်းလည်း လျော့ပါးသွားရာကစလို့ ပျက်စီး သွားတဲ့အထိ ဖြစ်လာကြရတယ်လို့ အင်္ဂလန်က အမျိုးသားကျန်းမာရေး စောင့်ရှောက်မှုစင်တာက သုတေသီ တွေက ဆိုပါတယ်။
ရေဓာတ်လျော့နည်းလေ့ရှိတဲ့ ခန္ဓာကိုယ်က ကျောက်ကပ်ဟာ ဆီးနဲ့ သွေးအတွင်းမှာရှိတဲ့ အဆိပ်အတောက်တွေကို စစ်ထုတ်ဖယ်ရှားနိုင်စွမ်း အားနည်းသွားတယ်လို့ သိရပါတယ်။ အဲဒီကစလို့ ကျောက်ကပ်ပျက်စီးခြင်းဖြစ်လာတာပါ။ အနာတခြား၊ ဆေးတခြား ဖြစ်တဲ့အခါမျိုးမှာလည်း ကျောက်ကပ်ပျက်စီးလေ့ရှိပါတယ်။
ကျောက်ကပ်ကို ဂရုစိုက်ဖို့အတွက် ရေဆာတယ်လို့ထင်တိုင်း ရေသောက်ပေးဖို့လိုပါတယ်။ လူရဲ့ခန္ဓာကိုယ်ဟာ ရေဓာတ် ၆၀ ရာခိုင်နှုန်း ပါဝင်တာကြောင့် တစ်နေ့ကို ၂ လီတာလောက် ပုံမှန်သောက်ပေးသွားဖို့ လိုကြောင်း ဆရာဝန်တွေက ညွှန်ကြားထားပါတယ်။
Source : Daily Mail
Duwun