ယခုရာသီတွင် လာလီဂါဖလားရရှိရေးသာ အဓိကဟု ရီးရဲလ်နည်းပြဇီဒန်းပြော
ဖေဖော်ဝါရီလကုန် က ဒါဘီပွဲတွင် အိမ်ကွင်း၌ အက်သလက်တီကိုကို ရှုံးနိမ့်ခဲ့ပြီး နောက် ၁၅ ပွဲဆက်တိုက် အနိုင်ရရှိ ထားသော ရီးရဲလ်အသင်းသည် စပိန်လာလီဂါဖလားရရှိရေး အဓိကဦးစားပေးကြိုးပမ်းမည်ဟု နည်းပြ ဇီဒန်းက ပြောကြားသည်။
ရီးရဲလ်သည် ၂၀၁၁-၁၂ ရာသီနောက်ပိုင်း လာလီဂါဖလား ရရှိခြင်းမရှိသေးပေ။ ယင်းရာသီ က ရီးရဲလ်ကို မော်ရင်ဟို ကိုင်တွယ်စဉ် ဖလားရရှိခဲ့သော်လည်း ယင်းနောက်ပိုင်း ဘာကာက သုံးကြိမ်၊ အက်သလက်တီကိုက တစ်ကြိမ် ရရှိခဲ့သည်။
ယခုရာသီတွင် သုံးပွဲစလုံး အနိုင်ရထားသော ရီးရဲလ်အသင်း သည် အိုဆာဆူနာအသင်းကို စနေနေ့က ၅-၂ ဂိုးဖြင့် အနိုင်ရသော ပွဲတွင် ပွဲစပြီး ခြောက်မိနစ်၌ ဂိုးစသွင်းယူနိုင်ခဲ့သည်။
‘‘လာလီဂါဖလားဟာ ကျွန်တော်တို့ရဲ့ အကြီးမားဆုံးဦးစားပေးဖလားပါ။ ကျွန်တော်တို့နိုင်ပွဲတွေ ဆက်ထိန်းထားဖို့ ကြိုးစား သွားပါမယ်။ ပွဲတွေအများကြီး ကျန်သေးပေမယ့် ကျွန်တော်တို့ဟာ အသင်းကြီးတစ်သင်းပါ။ ပွဲတစ်ပွဲတိုင်းမှာ လိုအပ်တာကို ကြည့်ပြီး ဖြည့်စွက်သွားပါမယ်’’ ဟု ဇီဒန်းက ပြောသည်။
ရီးရဲလ်၏ အဓိကပြိုင်ဘက် ဘာစီလိုနာက တန်းတက်အလာ ဗတ်စ်ကို ၂-၁ ဂိုးဖြင့် ရှုံးနိမ့်စဉ်နောက်ထပ်ပြိုင်ဘက် အက်သလက်တီကိုက ယခုရာသီ၌ ပထမဆုံးနိုင်ပွဲရရှိခဲ့သည်။
လက်ရှိတွင် လာလီဂါထိပ် သီးသုံးသင်း၌ ရီးရဲလ်တစ်သင်းတည်းသာ ရာနှုန်းပြည့် နိုင်ပွဲ ရရှိထားသည်။ သို့သော် ပွဲအများအပြား ကျန်ရှိနေသေးသောကြောင့် လိုအပ်ချက်များ ဖြည့်စွက်ပြင်ဆင်ရဦးမည်ဟု ဇီဒန်းက ပြောသည်။
—Ref:Goal
