ဇီးကုန်းမြို့နယ်တွင် ဒုတိယအကြိမ် ပါတီညီလာခံ အတွေ့အကြုံ ရှင်းလင်းပွဲနှင့် တာဝန်ပေးအပ်ပွဲကျင်းပ
ပဲခူးတိုင်းဒေသကြီး သာယာဝတီခရိုင် ဇီးကုန်းမြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေး ပါတီရုံး ခန်းမဆောင်တွင် စက်တင်ဘာလ (၁၀) ရက် နံနက် ၉ နာရီက ဒုတိယအကြိမ် ပါတီညီလာခံ အတွေ့အကြုံ ရှင်းလင်းပွဲ၊ လစဉ်ပါတီပုံမှန်အစည်းအဝေး နှင့် ပါတီဝင်များကို တာဝန် ပေးအပ်ပွဲ ကျင်းပခဲ့သည်။
အခမ်းအနားတွင် ပြည်ခိုင်ဖြိုးပါတီ ဗဟိုအလုပ်အမှုဆောင်ဦးသန်းဇော်ထွန်းက အမှာစကား ပြောကြားရာ၌ (၁)ယုံကြည်ချက်ခိုင်မာသော ပါတီအတွင်းစည်းလုံးညီညွတ်မှု၊ ပြည်သူအတွင်း စည်းရုံးမှုပိုမိုထက် မြက်လာစေရန်ပါတီဝင်အားလုံးက ကြိုးစားဆောင်ရွက်ရေး၊ (၂) ပါတီအတွင်း ဒီမိုကရေစီခိုင်မာရေးနှင့် ပါတီတည်တံ့ခိုင်မာရေးအတွက် ပါတီဝင်များက ထိန်းသိမ်းဖော်ဆောင်ရေး၊ (၃)အမျိုးဂုဏ်ဇာတိဂုဏ် နှင့် ယဉ်ကျေးမှုကို စောင့်ထိန်းနိုင်သော စွမ်းရည်ရှိသည့် မျိုးဆက် သစ်လူငယ်များပေါ်ထွန်းလာစေရန် ပြုစုပျိုးထောင်ရေး၊(၄) ပြည်သူများ အလုပ်အကိုင်ရရှိရေး၊ လူမှုစီးပွား ဘဝပိုမိုမြင့်မားရေးနှင့် သဘာဝပတ် ဝန်းကျင် ထိန်းသိမ်းရေးတို့အတွက် ပါတီဝင်များက ကြိုးပမ်းဆောင်ရွက်ရေး၊(၅) ဒီမိုကရေစီကျင့်စဉ်နှင့် အညီ နိုင်ငံသားများ၏ ရသင့်ရထိုက်သော အခွင့်အရေးများ ဆုံးရှုံးမှုမရှိစေရန် ပါတီဝင်များက ကြိုးပမ်းဆောင်ရွက်ရေးတို့ကို အကျယ်တဝင့် ပြောကြားပြီး ဇီးကုန်းမြို့နယ်ပါတီဥက္ကဋ္ဌ (တိုင်းဒေသကြီး လွှတ်တော်ကိုယ်စားလှယ်) ဦးထူးခိုင်က ပါတီညီလာခံ အတွေ့အကြုံ ရှင်းလင်းကာ ပါတီဖွဲ့စည်းပုံ၊ ပါတီမှချမှတ်ထားသော ရှေ့လုပ်ငန်းစဉ်များကို ရှင်းလင်း ဆွေးနွေးကာ မြို့နယ်ကော်မတီများနှင့် ရပ်/ကျေး ခေါင်းဆောင်များကို ကဏ္ဍအလိုက် ရေးရာအလိုက် တာဝန်ကိုယ်စီပေးအပ်ခြင်း၊ ပြည်ခိုင်ဖြိုး ပါတီဝင်အင်အား တိုးတက်ရရှိရေး အတွက် နာသုံးနာအခြေခံပြီး ဆောင်ရွက်နိုင်ရန် ပြောကြားခဲ့သည်။
ဒုတိယအကြိမ် ပါတီညီလာခံ အတွေ့အကြုံ ရှင်းလင်းပွဲနှင့် ပါတီလစဉ်ပုံမှန် အစည်းအဝေးသို့ ပါတီဝင် ၉ဝ ကျော်တက်ရောက်ခဲ့ကြောင်း သိရသည်။
ကြည်သိန်း၊ကိုထွဋ်(ဇီးကုန်း)
