ရှမ်းနီ ပါတီနှင့် လီဆူ ပါတီတို့ ကိုယ်ပိုင်အုပ်ချုပ်ခွင့် တောင်းမှု KPCC ကန့်ကွက်

၂၁ ရာစုပင်လုံ- ပြည်ထောင်စုငြိမ်းချမ်းရေးညီလာခံတွင် တိုင်းလိုင်ရှမ်းနီပါတီနှင့် လီဆူပါတီတို့က ကချင်ပြည်နယ် အတွင်းရှိ မြို့နယ်တချို့ကို ကိုယ်ပိုင် အုပ်ချုပ်ခွင့် ပေးရန် တောင်းဆိုခဲ့ခြင်းအပေါ် ကချင်နိုင်ငံရေးပါတီများ ညှိနှိုင်း ပူးပေါင်းဆောင်ရွက်ရေး ကော်မတီ (KPCC) က ကန့်ကွက်ကြောင်း ထုတ်ပြန်ကြေညာလိုက်သည်။

၂၁ ရာစုပင်လုံညီလာခံသည် အစိုးရ၊ တပ်မတော်နှင့် တိုင်းရင်းသားလက်နက်ကိုင် အဖွဲ့အစည်းများကြား ဖြစ်ပွားနေသည့် ပြည်တွင်းစစ်ရပ်စဲရေးကို ကနဦး ဦးစားပေးရမည်ဖြစ်သဖြင့် ညီလာခံအတွင်း တိုင်းလိုင် (ရှမ်းနီ) အမျိုးသားများ ဖွံ့ဖြိုးတိုးတက်ရေးပါတီနှင့် လီဆူအမျိုးသား ဖွံ့ဖြိုးတိုးတက်ရေးပါတီ (ဒူးလေးပါတီ) တို့က ကချင် ပြည်နယ်အတွင်း နယ်မြေတောင်းဆိုမှုများအပေါ် လုံးဝကန့်ကွက်သည်ဟု KPCC ၏ စက်တင်ဘာလ ၇ ရက်၊ ရက်စွဲဖြင့် ထုတ်ပြန်ချက်တွင် ရေးသားထားသည်။

KPCC သည် ကချင် ဒီမိုကရက်တစ်ပါတီ (KDP)၊ လော်ဝေါ်အမျိုးသား စည်းလုံးညီညွတ်ရေးနှင့် ဖွံ့ဖြိုးတိုးတက်ရေး ပါတီ (LNUDP) နှင့် ကချင်ပြည်နယ် ဒီမိုကရေစီပါတီ (KSDP) တို့က ကချင်အမျိုးသား အရေးတို့တွင် ပူးပေါင်း ဆွေးနွေးတိုင်ပင် လုပ်ဆောင်နိုင်ရန် ဖွဲ့စည်းထားသည့် ကော်မတီ ဖြစ်သည်။

ဦးဂျော်ဆန်းနော်က လက်ရှိအချိန်မှာ ကချင်ပြည်နယ်ကို စစ်မှန်သည့် ဖက်ဒရယ်ပြည်နယ် လွှတ်တော်၊ ဖက်ဒရယ် ပြည်နယ် အစိုးရဖြစ်စေရန် ကချင်အမျိုးသားများအားလုံး စုပေါင်းပြီး ကြိုးစားရမည့် အချိန်ဖြစ်သဖြင့် ယခုကဲ့သို့ နယ်မြေခွဲဝေ တောင်းဆိုသည်မှာ မလုပ်သင့်သေးကြောင်း၊ ဒေသခံများနှင့် ဆွေးနွေးပြီး သဘောဆန္ဒများ ကောက်ယူရန် လိုအပ်သေးကြောင်းလည်း ပြောသည်။

“အခုလို လုပ်လိုက်ခြင်းအားဖြင့် ကျနော်တို့ မလိုလားအပ်တဲ့ ပဋိပက္ခမျိုးတွေ၊ မလိုလားအပ်တဲ့ အငြင်းပွားမှုတွေ၊ မလိုလားအပ်တဲ့ ခက်ခဲမှုတွေ၊ ကိစ္စရပ်တွေ ဖြစ်လာနိုင်ပါတယ်” ဟုလည်း ဦးဂျော်ဆန်းနော်က ဆိုသည်။
သြဂုတ်လ ၃၁ ရက်မှ စက်တင်ဘာလ ၄ ရက်အထိ နေပြည်တော်၌ ကျင်းပခဲ့သည့် ၂၁ရာစုပင်လုံ – ပြည်ထောင်စု ငြိမ်းချမ်းရေး ညီလာခံတွင် လီဆူ အမျိုးသား ဖွံ့ဖြိုး တိုးတက်ရေးပါတီ (ဒူးလေးပါတီ) ဥက္ကဋ္ဌ ဦးရွှေမင်းက ၎င်းတို့ လီဆူ မျိုးနွယ်စုများကို ကချင်ပြည်နယ်အတွင်းရှိ မချမ်းဘောမြို့နယ်၊ ချီဖွေမြို့နယ်၊ ဆော့လော်မြို့နယ်၊ ခေါန်လန်ဖူး မြို့နယ်နှင့် ပူတာအိုမြို့နယ်တို့ကို လီဆူ အမျိုးသားများအတွက် အထူးဒေသ သတ်မှတ်ပြီး ကိုယ်ပိုင် အုပ်ချုပ်ခွင့်ဒေသအဖြစ် ပြဌာန်းပေးရန် အစိုးရကို စာတမ်းဖတ်ပြီး တောင်းဆိုခဲ့သည်။

ထို့အပြင် လီဆူ မျိုးနွယ်စုများမှာ အစိုးရ၏ လူဝင်မှု ကြီးကြပ်ရေးနှင့် ပြည်သူ့အင်အားဌာန (လဝက) မှ ကောက် ယူထားသည့် စာရင်းများ၊ အစိုးရ၏ တရားဝင် ထုတ်ပြန်ထားသည့် မျိုးနွယ်စု အမည်စာရင်းများတွင် လီရှော ဟူ၍ မှားယွင်း ဖော်ပြထားကြောင်း၊ လီဆူ မျိုးနွယ်စုများ မှတ်ပုံတင် ပြုလုပ်ရာတွင် အခက်အခဲများစွာ ရှိနေကြောင်း၊ အများစုမှာ မှတ်ပုံတင်နှင့် အိမ်ထောင်စုစာရင်းများ မရှိသဖြင့် အစိုးရက ကူညီပေးစေလိုကြောင်းလည်း တင်ပြခဲ့ သည်။

တိုင်းလိုင် (ရှမ်းနီ) အမျိုးသားများ ဖွံ့ဖြိုးတိုးတက်ရေးပါတီ ဥက္ကဋ္ဌ ဦးစိုင်းဌေးအောင်ကလည်း ပင်လုံစာချုပ် ချုပ်ဆိုချိန်၊ ဖွဲ့စည်းပုံရေးဆွဲရာတွင် ရှမ်းနီလူမျိုးတို့က ကချင်ပြည်နယ်အတွင်းသို့ ၎င်းတို့ နေထိုင်သည့် မြစ်ကြီးနားခရိုင်၊ ဗန်းမော်ခရိုင်နှင့် ကသာခရိုင်တို့ကို ပေးခဲ့ရကြောင်း၊ ထိုအချိန်က ကန့်ကွက်ခဲ့သည့် ရှမ်းနီအမတ်များကို ဖဆပလ က ထုတ်ပစ်မည်ဟု ခြိမ်းခြောက်ခဲ့ကြောင်း၊ ထို့ကြောင့် ဖွဲ့စည်းပုံကို အသစ်ပြန်လည် ရေးဆွဲပြီး ပြည်နယ်သစ်များ ပေါ်ပေါက်ရေး ဥပဒေ ပြဌာန်းပေးစေလိုကြောင်း ညီလာခံတွင် ပြောဆိုထားသည်။

ထို့အပြင် ဦးစိုင်းဌေးအောင်က ကချင်ပြည်နယ်အတွင်းက မြစ်ကြီးနား၊ မိုးညှင်း၊ ဗန်းမော်မြို့နယ်များနှင့် စစ်ကိုင်း တိုင်းဒေသကြီးအတွင်းရှိ ခန္တီး၊ တမူး၊ ကလေး၊ မော်လိုက် နှင့် ကသာမြို့နယ်များကို ရှမ်းနီပြည်နယ် အဖြစ် သတ်မှတ်ပေးရန် အစိုးရအား တင်ပြတောင်းဆိုထားသည်။

KPCC မှ တာဝန်ရှိသူများက ထိုကဲ့သို့ ပြောဆိုရလျှင် သမိုင်းကြောင်းများ၊ အုပ်ချုပ်သူ လူတန်းစား ဒူဝါသမိုင်းများ ပြန်လည်ပြောဆိုရန် ကိစ္စရပ်များ၊ အထောက်အထား အခိုင်အမာ ရှိသဖြင့် ယခုအချိန်မှာ မလိုအပ်သော အငြင်း ပွားမှုများ ပြုလုပ်ရန် အချိန်မဟုတ်ကြောင်း၊ ဒီမိုကရေစီကို အမှန်တကယ် သွားနိုင်ရန်သာ အားလုံး စုစည်း လုပ်ဆောင်သင့်ကြောင်း ပြောသည်။

KPCC က ဖက်ဒရယ် ပြည်ထောင်စုကိုသွားရန်အတွက် လီဆူပါတီ နှင့် ညှိနှိုင်းမှု ၂ ကြိမ် ပြုလုပ်ဖူးကြောင်း၊ ထိုကဲ့သို့ နယ်မြေခွဲဝေ တောင်းဆိုမည့် အပေါ်တွင် မလုပ်သင့်သေးကြောင်း ပြောဆိုပြီး အားလုံး ညှိနှိုင်းကြရန် ပြောဆိုခဲ့သော်လည်း တိကျသည့် အဖြေမရခဲ့ကြောင်း၊ ထို့ကြောင့် ဆက်လက် ညှိနှိုင်းမှုများ ပြုလုပ်သင့် ကြောင်းလည်း ဦးဂျော်ဆန်းနော်က ပြောသည်။

ရှမ်းနီ ပါတီနှင့်မူ ညှိနှိုင်းမှု တစုံတရာ မရှိဟု သိရသည်။

ကချင်ပြည်နယ်အတွင်း ရှမ်းနီမျိုးနွယ်စုဝင် တချို့မှာ တပ်မတော်လက်အောက်ခံ ရှမ်းနီပြည်သူ့စစ်ဖွဲ့ကာ နေထိုင်ပြီး ကချင်လွတ်လပ်ရေး တပ်မတော် (KIA) နှင့်လည်း ပြေလည်မှု မရှိကြောင်း သိရသည်။

ကချင်လူမျိုးများ ဘက်မှလည်း ရှမ်းနီပြည်သူ့စစ် အဖွဲ့ဝင်များက ၎င်းတို့အပေါ်တွင် လူ့အခွင့်အရေး ချိုးဖောက်မှု များရှိသည်ဟု မပြေလည်မှုများ ရှိသကဲ့သို့ ရှမ်းနီလူမျိုးတို့ကလည်း KIA က ၎င်းတို့ အပေါ်တွင် လူ့အခွင့်အရေး ချိုးဖောက်မှုများ ရှိသည်ဟုလည်း ဦးစိုင်းဌေးအောင်နှင့် ဒေသခံများက ပြောဆိုသည်။

ရှမ်းပြည်နယ် အတွင်းတွင်လည်း ပြည်နယ်ခွဲခြား သတ်မှတ်ပေးရန် တောင်းဆိုမှုများ ရှိခဲ့သည်။ ၂၁ ရာစုပင်လုံ -ပြည်ထောင်စု ငြိမ်းချမ်းရေး ညီလာခံကို ၆ လအကြာတွင် ထပ်မံ ကျင်းပသွားမည်ဖြစ်သည်။

# Eleven