ကျပ် ၅၀၀ တန်ထီ စတင်ရောင်းချချိန်တွင် ကျပ် ၂၀၀ ထီကို ဆုကြေးမပြောင်းဘဲ စောင်ရေလျှော့ချမည်
ကျပ် ၅၀၀ တန်ထီဖွင့်လှစ်ပါက လက်ရှိဖွင့်လှစ်ပေးနေသည့် ကျပ် ၂၀၀ တန် ထီလက်မှတ်စောင်ရေ လျှော့ချ ထုတ်လုပ်မည်ဖြစ်ကြောင်း သတင်းရရှိသည်။
ထီကိုယ်စားလှယ်များနှင့် ထီကံစမ်းလိုသူများသည် ၂၀၁၇ ဧပြီတွင် ဖွင့်လှစ်မည့် ကျပ် ၅၀၀ တန်ထီကို စိတ်ဝင်စားမှု များနေသောကြောင့် အဆိုပါထီ စတင် ရောင်းချသည့် လကစ၍ ကျပ် ၂၀၀ တန် ထီလက်မှတ် ဖြန့်ဖြူး ထုတ်လုပ်မှုကို လျှော့ချမည်ဟု ပြည်တွင်းအခွန်များ ဦးစီးဌာန၊ ညွှန်ကြားရေးမှူးချုပ် ဦးမင်းထွဋ် က ပြောသည်။
‘‘ဆုကြေးငွေကိုတော့ မ ပြောင်းဘူး။ ရိုက်ထုတ်ရောင်းချ ပေးမယ့် ထီလက်မှတ်စောင်ရေကိုပဲ လျှော့ချမှာ။ ပုံမှန်အတိုင်းထုတ်လုပ်ပြီး မရောင်းရဘူးဆိုရင် နိုင်ငံတော် အတွက် ဆုံးရှုံးမှုတွေရှိနိုင် တာကြောင့်ပါ’’ဟု ဦးမင်းထွဋ်က ပြောသည်။
နိုင်ငံတော်က ထီလက်မှတ် ရိုက်ထုတ်ပြီးနောက် မရောင်းချနိုင်ပါက အက္ခရာတစ်ခုလျှင် ကျပ်သိန်း ၅၀ ခန့် ဆုံးရှုံးမှု ရှိနိုင်သည်ဟုဆိုသည်။ ကျပ် ၂၀၀ တန် ထီလက်မှတ် ရိုက်နှိပ်ရောင်းချသည့် အရေအတွက်ကို လျှော့ချမည် ဆိုသော်လည်း ယခုအချိန်အထိ မည်မျှလျှော့ချမည်ကို အတည်မပြုနိုင်သေးဘဲ ထီအရောင်း ကိုယ်စားလှယ်များ၏ သဘောထားကို ရယူနေဆဲဖြစ်သည်ဟု ဦးမင်းထွဋ် က ပြောသည်။
‘‘အခုအထိ ကိုယ်စားလှယ် တွေရဲ့သဘောအရကတော့ ကျပ် ၅၀၀ တန်ထီကို ပိုပြီးစိတ်ဝင်စားနေကြတယ်။ ကျပ် ၂၀၀ တန်ထီကိုလည်း ဆက်ရောင်းမယ်။ ဒါပေမဲ့ အခုလောက်တော့ ဆက်မယူကြတော့ဘူး ပြောတယ်’’ဟု ၎င်းက ဆိုသည်။
ကျပ် ၅၀၀ တန်ထီလက်မှတ်ကို ၂၀၁၇ မတ်လတွင် စတင်ဖြန့် ချိရောင်းချမည်ဖြစ်ပြီး အမြင့်ဆုံးဆုငွေကို ကျပ်သိန်း တစ်သောင်းပေးမည်ဆို၍ ထီလောကအတွင်း စိတ်ဝင်စားမှု မြင့်တက်နေသည်။
လက်ရှိဖွင့်လှစ်ရောင်းချနေ သည့် ကျပ် ၂၀၀ တန်ထီမှာ အ မြင့်ဆုံးဆုကြေးအဖြစ် ကျပ်သိန်း တစ်ထောင့်ငါးရာသာ သတ်မှတ်ထားသည်။
လက်ရှိအချိန်တွင် အစိုးရ က အောင်ဘာလေထီဖွင့်ရာ၌ ထီလက်မှတ်ရောင်းရငွေ၏ ၄၀ ရာခိုင်နှုန်းကို နိုင်ငံတော် ဘဏ္ဍာငွေအဖြစ် ရယူ၍ ကျန် ၆၀ ရာခိုင်နှုန်း ကို ဆုငွေအဖြစ် ထုတ်ပေးနေခြင်း ဖြစ်သည်။ ကျပ် ၂၀၀ တန် ထီလက်မှတ်ကို တစ်လလျှင် အစောင်ရေ သိန်း ၂၇၀ ခန့်ရိုက်ထုတ်ရောင်းချပြီး ဖွင့်လှစ်ပေးသည့် ဆုမဲအရေ အတွက်မှာ လေးသောင်းကျော်ရှိ ကြောင်း အောင်ဘာလေသိန်းဆု ဌာနမှတ်တမ်းများက ဆိုသည်။
