ပြိုင်ဘက်ကို အနိုင်ရရှိရန် အကောင်းဆုံးကြိုးစားမည်ဟု အောင်လအန်ဆန်ပြော
မတ်လ ၁၈ ရက်က ရန်ကုန်မြို့၌ ကျင်းပခဲ့သည့် MMA ပြိုင်ပွဲတွင် ပြိုင်ဘက်ကစားသမားကို အနိုင်ယူပြီးနောက် အောင်လအန်ဆန် အောင်ပွဲခံနေစဉ်
(ဓာတ်ပုံ − ဂျေမောင်မောင်(အမရပူရ))
ရန်ကုန်မြို့၌ ကျင်းပမည့် One Championship(MMA) ပြိုင်ပွဲတွင် ပြိုင်ဘက် ပိုလန်နိုင်ငံသား မိုက်ကယ် ပက်စတာ နာ့ခ်ကို အနိုင်ရရှိရန် အကောင်းဆုံး ကြိုးစားမည်ဖြစ်ကြောင်း ကချင်လူမျိုး အောင်လအန်ဆန်က ပြောသည်။ ယင်း MMA ပြိုင်ပွဲကို လာမည့် အောက်တိုဘာ ၇ ရက်တွင် ရန်ကုန်မြို့ အမျိုးသားအားကစား ရုံပြိုင်ပွဲရုံ (၁)၌ ကျင်းပ မည်ဖြစ်ပြီး မစ်ဒယ်ဝိတ်တန်းတွင် အောင်လအန်ဆန်နှင့် မိုက်ကယ်ပက်စတာနာ့ခ်တို့ ယှဉ်ပြိုင်မည် ဖြစ်သည်။
‘‘ပြိုင်ပွဲအတွက် တော်တော် လေး စိတ်လှုပ်ရှားနေပါတယ်။ ကျွန်တော့်ရဲ့ အကောင်းဆုံး လုပ်ဆောင်ချက်တွေနဲ့အတူ အစွမ်းကုန်ကြိုးစားသွားမယ်လို့ ကတိပြုပါတယ်။ အနိုင်ရရှိအောင် ကြိုးစားမှာပါ။ ဘယ်ကစားသမားနဲ့မဆို ယှဉ်ပြိုင် နိုင်အောင် ကျွန်တော့်အနေနဲ့ ပြင်ဆင်ထားပါတယ်’’ဟု အောင်လအန်ဆန်က ပြောသည်။
ပိုလန်နိုင်ငံသား မိုက်ကယ် ပက်စတာနာ့ခ်သည် အသက် (၃၂)နှစ်အရွယ်ရှိပြီး မစ်ဒယ်ဝိတ်တန်းတွင် ထိုးသတ်နေသူ ဖြစ်ကာ MMA သက်တမ်းတစ်လျှောက် ၁၂ ပွဲ ယှဉ်ပြိုင်ရာ၌ တစ်ပွဲသာ ရှုံးနိမ့်ထားပြီး ၁၁ ပွဲ အနိုင်ရရှိ ထားသူ ဖြစ်သည်။ အသက် (၃၁)နှစ်အရွယ် အောင်လအန်ဆန်သည် MMA ပြိုင်ပွဲ သက်တမ်းတစ်လျှောက် မစ်ဒယ် ၀ိတ်တန်းတွင် ၂၇ ပွဲ ယှဉ် ပြိုင်ထားပြီး ၁၈ ပွဲနိုင် ကိုးပွဲရှုံးရ လဒ်ရရှိထားသည်။
အဆိုပါ MMA ပြိုင်ပွဲ မစ် ဒယ်ဝိတ်တန်းတွင် အောင်လအန် ဆန်နှင့် မိုက်ကယ်ပက်စတာနာ့ခ်၊ စထရောဝိတ်တန်း ကမ္ဘာ့ချန်ပီယံ ဖြစ်သည့် ဂျပန်နိုင်ငံသား ယိုရှီ တာကာက စိန်ခေါ်သူ ဖိလစ်ပိုင် နိုင်ငံသား ပါစီယိုနှင့် ယှဉ်ပြိုင် မည့် တွဲဆိုင်းနှစ်ဆိုင်းသာ ထွက် ပေါ်သေးပြီး အခြားတွဲဆိုင်းများ ထွက်ပေါ်လာခြင်းမရှိသေးပေ။
ယင်းပြိုင်ပွဲတွင် MMA တွဲ ဆိုင်း ၁၀ ပွဲခန့် ပါဝင်မည်ဖြစ်ပြီး ပြည်တွင်း ရိုးရာလက်ဝှေ့သမား များ ယှဉ်ပြိုင်မည့်ပွဲစဉ်များ ပါဝင် မည်ဖြစ်ကြောင်း သတင်းရရှိ သည်။ အောက်တိုဘာတွင် ကျင်းပမည့် ယင်းMMA ပြိုင်ပွဲအတွက် ပွဲကြို သတင်းစာ ရှင်းလင်းပွဲကို စက်တင်ဘာ ၆ ရက် (ယနေ့)တွင် ရန်ကုန်မြို့၌ ကျင်းပမည်ဖြစ်ပြီး အောင်လအန်ဆန်နှင့် ပြိုင်ဘက် ပိုလန်နိုင်ငံသား မိုက်ကယ်ပက် စတာနာ့ခ် တက်ရောက်မည်ဖြစ်ကြောင်း သတင်းရရှိသည်။
အောင်လအန်ဆန်သည် ပြီး ခဲ့သည့် မတ်လနှင့် ဇူလိုင်အတွင်း က မြန်မာနိုင်ငံနှင့် တရုတ်နိုင်ငံ တို့တွင် ကျင်းပသည့် MMA ပြိုင်ပွဲများ၌ ပြိုင်ဘက်များကို ၎င်း၏ နာမည်ကျော်ချုပ်ကွက်ဖြင့် အနိုင်ရရှိပြီး အာရှဒေသတွင်း နှစ်ပွဲယှဉ်ပြိုင် ပြီးချိန်တွင် နှစ်ပွဲစလုံး အနိုင်ရရှိထားသည်။ (7Daydaily)
