လျှော့သောက်သင့်တဲ့ အရည်များ
နာမည်ရဆိုင်ကြီးတွေမှာ ကိုယ်နှစ်ခြိုက်စွဲမက်ပြီး သောက်သုံးနေတဲ့ အချိုရည်၊ ဖျော်ရည်တွေက ကျန်းမာရေးကို ဆိုးဝါး ထိခိုက်စေတတ်တာတွေ ရှိကြောင်း သိပါရဲ့ လား။ သကြားတွေ၊ ပြည့်ဝ အဆီတွေက ကျန်းမာရေးထိခိုက်တဲ့ ဓာတု ပစ္စည်းတွေ ပါဝင်နေတတ်ပါတယ်။ ဆိုင်ကြီးခမ်းနားတွေမှာ ဈေးကြီးပေးပြီး သောက်သုံးရတဲ့ အခုပြောပြမယ့် သောက်စရာတွေက တွေ့နေကျ၊ သောက်နေကျတွေဆိုရင် ရှောင်ကြဉ်လျှော့ချနိုင်မယ်ထင်ပါတယ်။
လက်ဖက်ရည်အေး Iced Tea
ရေခဲစိမ်လက်ဖက်ရည်အေးက အများကြီးသောက်ဖို့ မသင့်လျော်တဲ့ အဖျော်ရည်ပါ။ သိပ်ပူအိုက်တဲ့ နေ့တွေမှာ အဲဒါလေး သောက်လိုက်ရတာကိုက ပြီးပြည့်စုံသွားသလို ခံစားရနိုင်ကောင်းပေမယ့် သူ့မှာ သကြားတွေအများကြီး ပါနေ တတ်တာတော့ သတိထားစေချင်ပါတယ်။ လက်ဖျော်ဖြစ်စေ၊ အမှုန့်ကို အသင့်အရည်ဖျော်တာဖြစ်စေ အသောက်များ ကြတဲ့ နာမည်ရ ရေခဲစိမ် လက်ဖက်ရည် အေးတခွက်မှာ ကယ်လိုရီအနည်းဆုံး ၂၅၀ လောက် ပါဝင် ပါတယ်။ ဆိုဒါလို အချိုရည်တွေနဲ့ အတူတူပဲ။ အဲဒီ ဖျော်ရည်ကို အလေ့အထတခုလို သောက်သုံးရင်ဖြင့် ကိုယ် အလေးချိန်တွေ တက်ပြီး ဆီးချိုရောဂါနဲ့ အဝလွန်တာ တွေဖြစ်လာမှာ အသေအချာပါ။ အဲဒီလို အရသာရှိ အေးမြ နေအောင် လုပ်ထားတဲ့ အသင့် သောက်သုံးစရာအစား သံပုရာရည် ရိုးရိုးလေး သောက်လိုက်ပါ။ ရေခဲတုံးလေး တွေနဲ့ အေးမြတဲ့ ရေထဲ သံပုရာသီးလေး ညှစ်ထည့်လိုက်ရုံပါပဲ။
ချောကလက်ဖျော်ရည် Hot Chocolate
ချောကလက်ဖျော်ရည်ပူပူကလည်း ကျန်းမာရေးနဲ့ မသင့်ပါဘူး။ နာမည်ကြီးလှတဲ့ တံဆိပ်တခုက ချောကလက်ပူ တခွက် ဆို ကယ်လိုရီက ၇၆၀ လောက်အထိ ပါဝင်ပါသတဲ့။ အထူးသဖြင့် ပြည့်ဝအဆီတွေနဲ့ သကြားတွေသာမက ဆိုယီယမ် တွေ ပါဝင်နေလို့ပါပဲ။ အဲဒီ ချောကလက်ပူပူကို ဈေးကြီးပေး ဝယ်သောက်မယ့်အစား အဆီတွေ၊ သကြားတွေမပါ၊ ကယ်လိုရီနည်းတဲ့ အိမ်လုပ် ချောကလက်ပူပူလေး လုပ်သောက်နိုင်ပါတယ်။ သကြားနည်းနည်းနဲ့ ကယ်လိုရီ ၁၀၀ လောက်ပါတာမျိုး ဖန်တီးနိုင်ပါတယ်။
အရသာဖြည့် သောက်ရေတွေ
အသင့်ပြင်ဆင်ထားတဲ့ အသီးပေါင်းစုံရဲ့ အရသာဖြည့်ထားတဲ့ သောက်ရေတွေလည်း ကျန်းမာရေးအတွက် အဆင်မပြေ ပါဘူး။ ရေငတ်တာနဲ့ ရေဓာတ်ခြောက်ခန်းမှု မရှိစေဖို့ကတော့ ရိုးရိုးရေသာ အကောင်းဆုံးပါ။ အဲဒီ အရသာဖြည့် အချို ရည်တွေမှာ ကယ်လိုရီတွေ၊ သကြားတွေ ပေါင်းစပ်ထားတာပါ။ တချို့ကလည်း ဗီတာမင်တွေပါတယ်လို့ ဆွဲဆောင် တတ်ကြပေမယ့် ဆီမှာပျော်ဝင်တဲ့ဗီတာမင်တွေ ရေထဲထည့်ထားတော့ အကျိုးမထူးပါဘူး။ အဲဒီလို အနံ့၊ အရသာနဲ့ ရေကို သောက်ချင်ရင် ရေသန့်ထဲမှာ လတ်ဆတ်တဲ့ အသီးလေး တွေလှီးစိတ်ထည့်ပြီး ရေခဲသေတ္တာထဲ ညသိပ် သောက် ကြည့်ပါ။ ကျန်းမာရေးအတွက် အဆင်ပြေဆုံးပေါ့။
အားဖြည့် အချိုရည်
စိတ်ရောလူပါ လန်းဆန်းဖို့ဆိုပြီး အားဖြည့်အချိုရည်ဆိုတာတွေ သုံးကြပါတယ်။ အဲဒါတွေမှာ ကယ်လိုရီတွေနဲ့ သကြား တွေက အများကြီးပါ။ အဲဒီထက်ဆိုးတာက ကဖင်းလို စိတ်ကြွစေတာမျိုးတွေ ထည့်သွင်းကြတာပေါ့။ သွေးတိုး၊ ဆီးချို တွေ တက်စေသလို လက်တုန်ခြေတုန်ပါ ဖြစ်စေတာပေါ့။ အဲဒါတွေ အလွန်အကျွံ သောက်တာက အသက် အန္တရာယ်ပါ ထိခိုက်စေတယ်လို့ ဆိုပါတယ်။ အဲဒီ အားဖြည့်အချိုရည် မတန်တဆ သောက်သုံးတာက သတိလစ်တာ၊ နှလုံးတိုက်ခိုက် ခံရတာ၊ စိတ်ပိုင်းဆိုင်ရာပြဿနာ၊ လေဖြတ်တာတွေနဲ့  နှလုံးခုန် မမှန်တာတွေ ဖြစ်စေပါတယ်။
မစ်ခ်ရှိတ်ခ် Milkshake
ဒီဘက်ခေတ်မှာ လူကြိုက်များလာတဲ့ Milkshake တခွက်မှာကလည်း ကယ်လိုရီ ၇၀၀ လောက်အထိ ပါဝင်ပါ သတဲ့။ ကိတ်မုန့် အချပ်ပေါင်းများစွာ စားတာနဲ့ မထူးလှပါဘူးလို့ ဆိုပါတယ်။ ပြည့်ဝဆီတွေ၊ ကယ်လိုရီတွေ များလှပါသတဲ့။ အထက်မှာပြောခဲ့တာတွေကတော့ အသောက်များကြတဲ့ အဖျော်တွေနဲ့ သူတိုရဲ့အန္တရာယ်တွေပေါ့။ ဆင်ခြင်နှိုင်းဆပြီး ပမာဏနဲ့ အကြိမ်ရေတွေ လျှော့ချသောက်သုံးဖို့  ဒီနေ့ပဲ ဆုံးဖြတ်လိုက်ကြရအောင်။
Irrawaddy