ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီညီလာခံ တက်ရောက်နေသည့် ကိုယ်စားလှယ်များနှင့် တွေ့ဆုံခြင်း
ဦးခင်မောင်သီ ပင်လုံမဲဆန္ဒနယ် ပြည်သူ့လွှတ်တော်ကိုယ်စားလှယ် ပြည်နယ်အရန်ဗဟိုကော်မတီဝင်
• ညီလာခံကို တက်ရောက်ဖြစ်ပုံနဲ့လက်ရှိ ပါတီတာဝန်ယူထားတဲ့အပိုင်းကို သိချင်ပါတယ်။
ပါတီညီလာခံကို ဒုတိယအကြိမ်တက်ရောက်လာခြင်းဖြစ်ပါတယ်။ ပထမ အကြိမ်ကလည်း ကျွန်တော်တို့ တက်ခဲ့ပါတယ်။ ၂ဝ၁ဝ ရွေးကောက်ပွဲ တုန်းကတော့ ကျွန်တော်တို့ ရွေးကောက်ပွဲ နိုင်ခဲ့ပါတယ်။ ၂ဝ၁၅ ရွေးကောက်ပွဲလည်း ဒါကျွန်တော်တို့ ပြည်သူတွေရဲ့ ထောက်ခံအားပေးမှုနဲ့ ဒုတိယအကြိမ်ထပ်ပြီး အနိုင်ရရှိခဲ့ပါတယ်။ အဲ့ဒီတော့ ကျွန်တော်က အခု ရှမ်းပြည်နယ်(တောင်ပိုင်း) ပါတီရဲ့ အရန်ဗဟိုကော်မတီဝင်အဖြစ် ပါတီ တာဝန်ကို ထမ်းဆောင်နေပါတယ်။ ညီလာခံကိုတက်ရောက်တာနဲ့ပတ်သက်လို့ ပြောရရင်တော့ ပထမဆုံးမြို့နယ်ပါတီ မျက်နှာစုံညီ အစည်းအဝေးပေါ့နော်။ ၂ဝ၁၆ ဇွန်လမှာ ကျွန်တော်တို့ မြို့နယ်ပါတီညီလာခံကို ကျင်းပခဲ့ပါတယ်။ ပြီးတော့ တစ်လတည်းမှာပဲ ခရိုင်ပါတီညီလာခံကို တစ်ဆက်တည်း ကျင်းပခဲ့ ပါတယ်။ ပြည်နယ်ညီလာခံကိုပါ ကျင်းပခဲ့ ပြီးတော့ ဒီသြဂုတ်လမှာတစ်နိုင်ငံ လုံးအတိုင်းအတာနဲ့ ပါတီညီလာခံကြီးကို ပြုလုပ်တာဖြစ်ပါတယ်။
• ပါတီညီလာခံကို ဦးတည်ချက်ငါးချက်နဲ့ကျင်းပတယ်လို့ သိရပါတယ်။ ဘယ်လိုဦးတည်ချက်တွေလည်းဆိုတာ ရှင်းပြပေးပါဦး။
ပါတီညီလာခံဦးတည်ချက် ငါးချက်ရှိတယ်။ ပထမဦးတည်ချက်ကတော့ ယုံကြည်မှုကိုအခြေပြုသော ပါတီတွင်း စည်းလုံးညီညွတ်မှု ခိုင်မာရေးနှင့် ပြည်သူအတွင်း စည်းရုံးမှု ပိုမိုအထမြောက်လာစေရေးပေါ့နော်။ မြို့နယ်ကနေ ရပ်ကွက်၊ ကျေးရွာပါတီက အားပြုပြီးတော့ ဆောင်ရွက်ရမယ့် အပိုင်းဖြစ်တယ်။ သို့သော်လည်း ကျွန်တော်တို့ ရပ်ကွက်၊ ကျေးရွာ၊ မြို့နယ်တင်မကဘဲ ခရိုင်ရော၊ ပြည်နယ်၊ တိုင်းဒေသကြီးရော ဒါစွမ်းဆောင်သွားရမယ့် ကိစ္စရပ်ကို ဦးတည်ချက်အဖြစ်နဲ့ထားရှိတာ အင်မတန်မှ ကောင်းပါတယ်။ ဒီဟာကို ပြည်သူတွေ ယုံကြည်မှု ရနိုင် အောင်လုပ်ဖို့လိုမယ်။ လုပ်လည်းလုပ်ရမယ်။ လုပ်နိုင်ကြလိမ့်မယ်လို့လည်း ကျွန်တော်ယုံကြည်တယ်။ နောက် ပါတီတွင်း ဒီမိုကရေစီရှင်သန်ခိုင်မာရေးနှင့် ရေရှည်တည်တံ့ခိုင်မြဲရေး၊ ဒီကိစ္စမှာလည်း ကျွန်တော်တို့ ၂ဝဝ၈ခုနှစ် ဖွဲ့စည်းပုံ အခြေခံဥပဒေအရ ကျွန်တော်တို့နိုင်ငံမှာ ပါတီစုံဒီမိုကရေစီစနစ်ကို ကျင့်သုံးတယ်။ ဒီအတိုင်းပဲ ၂ဝ၁ဝ ရွေးကောက်ပွဲ မှာလည်း ပါတီစုံအထွေထွေရွေးကောက်ပွဲမှာ ဝင်ရောက်ယှဉ်ပြိုင်ကြတယ်။ အခု ၂ဝ၁၅ မှာလည်း ဝင်ရောက်ပြီး ယှဉ်ပြိုင်ကြတယ်။ လာမယ့် ၂ဝ၂ဝ မှာ ကျင်းပမယ့် ပါတီစုံဒီမိုကရေရွေးကောက်ပွဲမှာလည်း နိုင်ငံရေး ပါတီအားလုံးက ဝင်ရောက်ယှဉ်ပြိုင်ကြဦးမှာဖြစ်ပါတယ်။ ကျွန်တော်တို့ရဲ့ပါတီတွင်းမှာ ဒီမိုကရေစီရှင်သန်ခိုင်မာ ရေး၊ ရေရှည်တည်တံ့ခိုင်မြဲရေးအတွက်ကိုလည်း ကျွန်တော်တို့က စဉ်ဆက်မပြတ် ဆောင်ရွက်ရမယ့် အလုပ်တစ်ခုလို့ ကျွန်တော်ယုံကြည်ပါတယ်။ ပြည်သူများ၏ လူမှုစီးပွားဘဝ ပိုမိုတိုးတက်ရေး အတွက် ပြည်သူများနဲ့ ပူးပေါင်း လက်တွဲဆောင်ရွက်ရေး ဒါကိုပြောမယ်ဆိုလို့ ရှိရင် ဒါကိုအစဉ်အဆက် ဆောင်ရွက်ခဲ့တဲ့ လုပ်ငန်းလည်းဖြစ်တယ်။ ရှေ့ဆက်ပြီးလည်း ဆောင်ရွက်သွားဖို့လိုတယ်ပေါ့။ ပြောချင်တာက ပြည်သူနဲ့ ခိုင်ခိုင်မြဲမြဲ လက်တွဲထား နိုင်ပါမှ ကျွန်တော်တို့ရဲ့ ၂ဝ၂ဝ ရွေးကောက်ပွဲကို အောင်မြင်စွာနဲ့ ဖြတ်သန်းသွားနိုင်မယ်လို့ယုံကြည်ပါတယ်။ ပြည်တွင်းငြိမ်းချမ်း ရေး၊ တရားဥပဒေစိုးမိုးရေးနှင့် တည်ငြိမ်အေးချမ်းမှုရှိစေရေးအတွက် ပါတီဝင်များက ဝိုင်းဝန်းပါဝင် ဆောင်ရွက်ရေးကိစ္စ၊ ဒီမှာပြောချင်တာက ကျွန်တော်တို့ရဲ့ ပါတီဥက္ကဋ္ဌကြီးကိုယ်တိုင်က ၂ဝ၁၅ မှာ တစ်နိုင်ငံလုံး ပစ်ခတ်တိုက်ခတ်မှုရပ်စဲရေးကိစ္စကို တိုင်းရင်းသားလက်နက်ကိုင်ရှစ်ဖွဲ့နဲ့ လက်မှတ်ထိုးပြီး ဆောင်ရွက်ခဲ့တယ်။ ဒီမှာ အဖွဲ့ ၁၆ ဖွဲ့နဲ့ သဘောတူညီမှုကို ရယူခဲ့သော်လည်းပဲ ကျန်တဲ့ရှစ်ဖွဲ့ကတော့ အကြောင်းကြောင်းကြောင့် လက်မှတ် လာမထိုးခဲ့ကြဘူး။ ဒီလိုမျိုးပဲ ဒီကိစ္စကိုကျွန်တော်တို့ ပါတီဝင်တွေ၊ အလုပ်မှုဆောင်အဖွဲ့တွေ အားလုံးက ဆောင်ရွက်သွားဖို့လိုတယ်လို့ ကျွန်တော့် အနေနဲ့ ဒီဦးတည်ချက်ကို ထောက်ခံပါကြောင်း ပြောကြားလို ပါတယ်။ တိုင်းရင်းသားစည်းလုံးညီညွတ်ရေးကိုအခြေပြုသော ပြည်ထောင်စုနိုင်ငံတော် အဓွန့်ရှည်တည်တံ့ရေးအတွက် ပါတီဝင်များက တက်ကြွစွာပါဝင် ဆောင်ရွက်ရေးဆိုတဲ့အပေါ်မှာ ကျွန်တော်တို့ရဲ့ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှာကတော့ တိုင်းဒေသကြီးနှင့် ပြည်နယ် ၁၄ ခုမှာ ကျွန်တော်တို့ ပါတီဟာ ဖွဲ့စည်းထားတယ်။ ဒီနေရာမှာ တိုင်းရင်းသားတွေကလည်း တိုင်းဒေသကြီး၊ ပြည်နယ်အလိုက် ဦးဆောင်နေကြပါတယ်။ ဒီတော့ တိုင်းရင်းသားစည်းလုံးညီညွတ်ရေးကိစ္စမှာလည်း ကျွန်တော်တို့ ပါတီဝင်တွေ၊ ပါတီအလုပ်မှုဆောင်တွေက တက်တက်ကြွကြွနဲ့ ပါဝင်ဆောင်ရွက်နိုင်လိမ့်မယ် လို့လည်း ယုံကြည်မိတယ်။ ဒါကြောင့်မို့လို့ ဒီဦးတည်ချက် ကလည်း ကျွန်တော် တို့ပါတီရဲ့ ရှေ့ဆက်သွားမယ့်ကိစ္စမှာလည်း အောင်မြင်မှုရမယ်လို့ ကျွန်တော့် အနေနဲ့ ခိုင်ခိုင် မာမာ ယုံကြည်ပါကြောင်း ပြောကြားလိုပါတယ်။
နေထက်ဝေ
The Union Daily
