ဘဏ္ဍာရေးဝန်ကြီးအသစ် အပါအ၀င် တူနီးရှားဝန်ကြီးချုပ် အစိုးရအဖွဲ့ဝင် ၀န်ကြီးများ ခန့်အပ်
ယခင်နိုင်ငံခြားရေးနှင့် ကာကွယ်ရေးဝန်ကြီးတို့ကို ၎င်းတို့ရာထူးများတွင် ဆက်ခန့်ကာ တူနီးရှားဝန်ကြီးချုပ် ယူဆက်ဖ် ချာဟက်က ရင်းနှီးမြှုပ်နှံမှု အရာရှိဟောင်း တစ်ဦးကို ဘဏ္ဍာရေးဝန်ကြီးအဖြစ်ခန့်အပ်၍ ၎င်း၏ အစိုးရအဖွဲ့သစ် ဖွဲ့စည်းကြောင်း စနေနေ့က ကြေညာလိုက်သည်။
ပြီးခဲ့သည့်လက အယုံအကြည်မရှိအဆို မဲခွဲဆုံးဖြတ်မှုအတွင်း ၀န်ကြီးချုပ်ကို လွှတ်တော်အမတ်များက ဖြုတ်ချလိုက် ပြီးနောက် ၀န်ကြီးချုပ်အဖြစ် ခန့်အပ်ခံရသော ချာဟတ်သည် ၀န်ကြီးရာထူးများအတွက် အဓိကကျသော ဘာသာရေး သီးသန့်၊ လက်ဝဲစွန်းနှင့် အစ္စလာမ်မစ်ပါတီများနှင့် ဆွေးနွေးခဲ့သည်။
၎င်းခန့်အပ်ထားသော ၀န်ကြီးများကို ယခုအခါ လွှတ်တော်၏ အတည်ပြုချက် ရယူရန် မဲခွဲဆုံးဖြတ်သွားမည်ဖြစ်သည်။
သမ္မတ ဘီချီချာအစ်အက်စ် ဆက်ဘ်ဆီ၏ မဟာမိတ်ဖြစ်ပြီး ဘာသာရေးသီးသန့်နီဒါတုန်းပါတီ၏ ထိပ်တန်းအဖွဲ့ဝင် တစ်ဦးဖြစ်သူ ချာဟတ်က ယခင်ဝန်ကြီးချုပ်များ ရှောင်လွှဲခဲ့သော စီးပွားရေးပြုပြင်ပြောင်းလဲမှုများ လုပ်ဆောင်နိုင်စွမ်း ရှိသော ၀န်ကြီးများအဖွဲ့တစ်ဖွဲ့ ဖွဲ့စည်းပေးမည်ဟု ကတိပြုထားသည်။
သို့သော် ချာဟတ်သည် အောင်မြင်စွာ လုပ်ဆောင်ရန် ၎င်းတွင် နိုင်ငံရေးယုံကြည်ထောက် ခံမှုရရှိနိုင်ဖွယ်မရှိဟု ဝေဖန်သူများက ပြောသည်။
‘‘ကျွန်တော်တို့နိုင်ငံဟာ သိပ်ပြီး သိမ်မွေ့တဲ့အနေအထားမှာ ရှိနေပါတယ်။ တူနီးရှားပြည်သူတွေကို လှည့်ဖြားဖို့ အခွင့် အရေး ကျွန်တော်တို့မှာမရှိပါဘူး။ တူနီးရှားနိုင်ငံသားအားလုံးနဲ့ ပါတီတွေအားလုံး ဒီအစိုးရအဖွဲ့ကို ထောက်ခံကူညီကြဖို့ ကျွန်တော်တိုက်တွန်းပါတယ်’’ ဟု သမ္မတအိမ်တော်တွင် ချာဟတ်က သတင်းထောက်များကို ပြောကြားသည်။
အာဏာရှင်ဘန်အလီကို ဖြုတ်ချနိုင်ခဲ့သည့် ၂၀၁၁ ဆူပူအုံကြွမှုနောက်ပိုင်း တူနီးရှားနိုင်ငံ၏ အသွင်ကူးပြောင်းမှုကို အာရပ်ကမ္ဘာ၏ စံပြအဖြစ် ကြိုဆိုခဲ့ကြသည်။
သို့သော် တူနီးရှားနိုင်ငံတွင် အစ္စလာမ်မစ်စစ်သွေးကြွများ၏ အကြမ်းဖက်တိုက်ခိုက်မှုနှင့် အလုပ်အကိုင်များနှင့် ဖွံ့ဖြိုးမှု များဖန်တီးရန် လိုအပ်သောစီးပွားရေး ပြုပြင်ပြောင်းလဲမှုများနှင့် ပတ်သက်သော လုပ်ငန်းစဉ်နှေးကွေးနေမှုများနှင့် အတူ အခက်အခဲများ ရင်ဆိုင်ခဲ့ရသည်။
ပြုပြင်ပြောင်းလဲမှုများအတွက် ထောက်ခံမှုများရရှိစေရေး ယခုဝန်ကြီးများ အဖွဲသစ်တွင် ပါတီငယ်များမှ ပုဂ္ဂိုလ်များ အပြင် အတိုက်အခံများလည်း ပါဝင်နေသည်။ # 7 Day Daily
