မြန်မာ့ဆေးဘက်ဝင် သစ်ကြံပိုးပင်

သစ်ကြံပိုးပင်သည် အမြဲစိမ်းလန်း၍ အနံ့ရှိသော အပင်ကြီးမျိုးဖြစ်သည်။ အပင်ရိုင်းသည် ပေ ၄၀ မှ ၆၀ အထိ မြင့်သည်။ အကိုင်းများ ဝေေ၀ဆာဆာ ထွက်လေ့ရှိပြီး နုသောအပိုင်းသည် ချောမွတ်၍ ပိုးသားကဲ့သို့ နူးညံ့သော အမွေးများဖြင့် ဖုံးလွှမ်းနေသည်။

အရွက်မှာ ရွက်ဆိုင်ထွက်ပြီး ဘဲဥ ပုံ၊ လှံစွပ်ပုံ ဖြစ်သည်။ ရွက်ရင်းဝိုင်း၍ ရွက်ဖျား ချွန်သည်။ ရွက်ပြားအပေါ် မျက်နှာပြင် ပြောင်ချောနေပြီး အောက်မျက်နှာမှာ ပြင်စိမ်းညိုရောင် ရှိသည်။ ရွက်ကြော ၃-၅ ခု ရှိ၏။ ရွက်နုသည် ပန်းရောင်ရှိ၍ ကြာသော်အစိမ်းရင့်ရောင်သို့ ပြောင်းလဲသွား၏။

အပွင့်မှာ ပွင့်ညှာရှည်၍ ကိုင်းဖျားမှသော်လည်းကောင်း၊ ကြားဖူးမှ လည်းကောင်းပွင့်သည်။ အပွင့်သေးငယ်သည်။ အ၀ါ ဖျော့ဖျော့ရောင်ရှိ၍ စူးရှသော အနံ့ရှိ၏။ ပွင့်ဖတ်ခေါင်းလောင်းပုံ ဖြစ်သည်။ တပို့တွဲ၊ တပေါင်းတွင် ပွင့်သည်။  အသီးမှာ သေးငယ်၍ ညိုရောင်သမ်းသော အနီရောင်ရှိကာ ရှည်မျောမျောပုံသဏ္ဍာန်ဖြစ်ပြီး ၂ လက်မ ၃ လက်မ ခန့် ရှည်သည်။ အသီးမ အဆီထုတ်ယူရရှိ၏။ နယုန်လမှ သီတင်းကျွတ်လအတွင်း အသီးရင့်သည်။ သစ်ကြံပိုးခေါက်မှာ အလွန်အ ဖိုးတန်၏။ မွှေးကြိုင်သည့် သတ္တိရှိသည်။ ၎င်းအခေါက်မှ အဆီရရှိသည်။ အခေါက် ပါး၏။

အခေါက် အသုံးဝင်ပုံ

၁။   လေ၊ သည်းခြေနာ၊ ၀မ်းသွားရောဂါ၊ သွေး၊ ချွေးထွက်လွန်ခြင်းတို့ကို အထူးသဖြင့် နိုင်၏။

၂။   အခေါက်မှုန့်ကို ရှားစေးနှင့် ဆတူသောက်ပါက ၀မ်းသွားခြင်း ပျောက်၏။

၃။   တုပ်ကွေးရောဂါ၊ ချောင်းဆိုးရောဂါ၊ သုက်ခန်းခြောက်ခြင်း၊ သွေးဝမ်းပိတ်ဝမ်းကိုက်ခြင်းတို့တွင် အခေါက်ကို သွေး၍ အခြားဆေးတို့နှင့် ဖက်စပ်တိုက်နိုင်သည်။

၎။   ဟင်းလျာများ ချက်ပြုတ်ရာ၌ သစ်ကြံပိုးအခေါက်ကို ထည့်ချက်လျှင် အစာကြေ၏။

၅။   သစ်ကြံပိုးအခေါက်၌ အခံဓာတ်ခေါ်(tannin) ပါ သဖြင့် ၀မ်းပျက်ရောဂါနှင့် ၀မ်းတွင်း သွေးယိုစီးသော ရောဂါ များ၌ သုံးနိုင်၏။

၆။   ၀မ်းတွင်း၌ ပူစေသောကြောင့် အော့အန်ခြင်းနှင့် ပင်လယ်လှိုင်းမမူးစေရန် အတွက်လည်း သုံး၏။

၇။   အခေါက်ကို ပြုတ်၍သောက်လျှင် ၀မ်းကိုက်ရောဂါ ပျောက်၏။

၈။   သွေးကိုအားပေးသောကြောင့် White Blood Copuscles ခေါ် သွေးကောင်းတွင် ပါဝင်သည့် အဖြူသွေးကို တိုးပွားစေသဖြင့် အဆုတ်နာရောဂါကုဆေးအဖြစ် ဖော်စပ်သုံးသည်။

အဆီ အသုံးပြုပုံ

၁။    အဆီကို သွားကိုက်ရာတွင် သိပ်ပေးပါက ပျောက်၏။

၂။   နားအူ၊ နားလေထွက်ခြင်းများဖြစ်ပါက ၎င်းဆီကို ခတ်ပေးလျှင် ပျောက်ကင်း၏။

၃။   ၀မ်းတွင်းလေပွသော် အဆီ ၂-၄ စက်အထိ သောက်လျှင် ပျောက်၏။

၎။   တိုက်ဖိုက် (Typhoid) ရောဂါဖြစ်သော် အဆီ ၂ စက်ခန့် တစ်နေ့နှစ်ကြိမ် သို့မဟုတ် ၃ ကြိမ်ခန့် သောက်ရ၏။