၂၁ ရာစု ပင်လုံညီလာခံတွင် ပလောင် ကိုယ်ပိုင်ပြည်နယ် တောင်းဆိုမည်ဟု ဆို
သြဂုတ်လကုန်တွင် ကျင်းပမည့် ၂၁ ရာစုပင်လုံ ညီလာခံ၌ ပလောင် (တအာင်း) လူမျိုးများ အတွက် ပလောင် ပြည်နယ် ရရှိရေး တင်ပြ တောင်းဆိုသွားမည်ဟု သိရသည်။
လက်ရှိတွင် ပလောင် လူမျိုးများသည် ရှမ်းပြည်နယ်မြောက်ပိုင်းတွင် ကိုယ်ပိုင်အုပ်ချုပ်ခွင့်ရဒေသအဖြစ် ရပ်တည် နေရသော်လည်း လူမျိုးရေးခွဲခြား ဆက်ဆံခံ နေရကြောင်း၊ မြန်မာနိုင်ငံ၌ ဖက်ဒရယ်ပြည်ထောင်စုစနစ် အကောင်အထည်ဖော် ဆောင်နေသည့်အတွက် တိုင်းရင်းသား လူနည်းစုများသည်လည်း တန်းတူ အခွင့်အအရေး ရသင့်၍ တောင်းဆိုရခြင်း ဖြစ် ကြောင်း ပလောင် (တအာင်း) အမျိုးသမီးအဖွဲ့မှ အထွေထွေ အတွင်းရေးမှူး Poem Ngear က ဧရာဝတီ ကို ပြောသည်။
ပလောင် (တအာင်း) လူဦးရေ တသန်းကျော်ရှိပြီး ရှမ်းပြည်နယ် မြောက်ပိုင်းရှိ နမ့်ဆန်၊ မန်တုံ၊ နမ့်ခမ်း၊ ကျောက်မဲ၊ ကွတ်ခိုင် အစရှိသည့် မြို့နယ်အများစုတွင် နေထိုင်ကြကြောင်း သိရသည်။
ပလောင်ကိုယ်ပိုင်အုပ်ချုပ်ခွင့်ရဒေသကို ၂၀၀၈ ဖွဲ့စည်းပုံ အခြေခံ ဥပဒေတွင် နမ့်ဆန်မြို့နယ် နှင့် မန်တုံမြို့နယ်ဟု ပြဌာန်းထားသည်ကို တွေ့ရသည်။
၂၁ ရာစု ပင်လုံ ညီလာခံ၌ ပလောင်ပြည်နယ်ရရှိရေး တင်ပြတောင်းဆိုသွားရန်အတွက် အလွှာပေါင်းစုံမှ ပလောငfလူမျိုးများပါဝင်သည့် နှီးနှောဖလှယ်ပွဲတခုကို သြဂုတ်လ ၂ ရက်မှ ၆ ရက်နေ့အထိ ကျင်းပခဲ့စဉ် သဘာတူညီမှု ရရှိခဲ့ကြခြင်းဖြစ်ကြောင်း သိရသည်။
ထို့အတူ ကိုယ်ပိုင်အုပ်ချုပ်ခွင့်ရ ပလောင်ပြည်နယ်ရရှိရေးအတွက် ပလောင် (တအာင်း) အမျိုးသား လွတ်မြောက် ရေး တပ်မတော် (TNLA) ကလည်း နိုင်ငံရေး ကြေညာစာတမ်း တစောင်ထုတ်ပြန်ပြီး ၂၁ ရာစု ပင်လုံ၌ တင်ပြ တောင်းဆိုသွားမည် ဟု ဆိုသည်။ အကယ်၍ ကိုယ်ပိုင်အုပ်ချုပ်ခွင့်ရ ပြည်နယ်အဖြစ်ရရှိမည်ဆိုပါက ပလောင် လူမျိုးများ၏ ဖွံဖြိုးတိုးတက်ရေးအတွက် အကောင်းဆုံးဆောင်ရွက်နိုင်မည်ဟု မျှော်လင့်ကြောင်း ပလောင်လူမျိုးများ က ပြောဆိုကြသည်။
ရှမ်းပြည်နယ်အတွင်း နေထိုင်ကြသည့် ပလောင်လူမျိုးများကဲ့သို့ပင် “၀” လူမျိုးများကလည်း ကိုယ်ပိုင် အုပ်ချုပ် ခွင့်ရ တိုင်းအဆင့်မှ ပြည်နယ်အဆင့် တိုးမြှင့်ပေးရန် အစိုးရထံ တင်ပြထားသော်လည်း အစိုးရက တစုံတရာ ပြောဆိုမှု မရှိသေးပေ။
ရှမ်းပြည်နယ်ဟု သတ်မှတ်ထားသော်လည်း ရှမ်းတိုင်းရင်းသားများသာမက လူဦးရေများပြားသည့် တခြား တိုင်းရင်းသားများလည်း နေထိုင်ကြကြောင်း၊ ယခင်က ရှမ်းပြည်နယ်ဟု မခေါ်ဆိုဘဲ ကမ္ဘောဇတိုင်းဟုသာ ခေါ်ဆိုကြောင်း၊ ထို့ကြောင့် “၀” နှင့် ပလောင်ကဲ့သို့ပင် လူဦးရေ များပြားသည့် တိုင်းရင်းသားများကလည်း ကိုယ်ပိုင်ပြည်နယ်များ တောင်းခံလာနိုင်၍ ရှမ်းပြည်နယ်၌ တိုင်းရင်းသား အချင်းချင်း အငြင်းပွားမှု ပြဿနာများ ဖြစ်လာနိုင်သည်ဟု သုံးသပ်မှုများ ရှိနေသည်။
ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD) အထွေထွေအတွင်းရေးမှူး စိုင်းညွန့်လွင် က ရှမ်းပြည်နယ် အတွင်း နေထိုင်ကြသည့် တိုင်းရင်းသားလူနည်းစုများအနေဖြင့် ကိုယ်ပိုင်အုပ်ချုပ်ခွင့်ရ ပြည်နယ်တောင်းဆို ခြင်းအား ရှမ်းလူမျိုးစုတခုတည်းက ဆုံးဖြတ်၍မရကြောင်း၊ ပြည်ထောင်စုတခုလုံးက ဖြေရှင်းဆောင်ရွက်ရမည့် အရာ ဖြစ်ကြောင်း ဧရာဝတီကို ပြောသည်။
ဦးစိုင်းညွန့်လွင်က“တိုင်းရင်းသားတွေမှာ ပြည်နယ်တောင်းပိုင်ခွင့်ရှိပါတယ်၊ ဒါက သူတို့ရဲ့ အခွင့်အရေးပါပဲ၊ ဒါပေမယ့် “၀” တို့ ပလောင်တို့ ပြည်နယ်တောင်းတာနဲ့ ပတ်သက်ပြီးတော့ အခုအချိန်မှာ မှတ်ချက် မပေးလို ပါဘူး”ဟုလည်း ဆိုသည်။
အမျိုးသားဒီမိုကရေစီအဖွဲ့ချုပ် (NLD) အစိုးရက ဦးဆောင်ကျင်းပမည့်၂၁ ရာစု ပင်လုံညီလာခံအား သြဂုတ်လ ၃၁ ရက်တွင် ကျင်းပမည်ဟု အစိုးရကကြေညာထားပြီး ယင်းညီလာခံ၌ မိမိတို့၏ လိုလားချက်များကို တင်ပြတောင်း ဆိုကြရန် တိုင်းရင်းသားလက်နက်ကိုင်အဖွဲ့များကလည်း ကြိုတင်ပြင်ဆင်နေကြသည်။
ကချင်ပြည်နယ် မိုင်ဂျာယန်၌ မကြာသေးခင်က ပြုလုပ်ခဲ့သည့် လက်နက်ကိုင်အဖွဲ့များ ညီလာခံ၌လည်း မြန်မာနိုင်ငံအား ဖက်ဒရယ် ပြည်ထောင်စုအဖြစ် တည်ထောင်မည်ဆိုပါက လူမျိုးကိုအခြေခံသည့် အမျိုးသား ပြည်နယ်များဖြင့် တည်ဆောက်သွားရန် သဘောတူညီခဲ့ကြပြီး တိုင်းရင်းသားများရေးဆွဲထားသည့် ဖက်ဒရယ် ပြည်ထောင်စုသမ္မတမြန်မာနိုင်ငံ ဖွဲ့စည်းပုံအခြေခံဥပဒေမူကြမ်းတွင်လည်း ထည့်သွင်းရေးဆွဲထားသည်။
အလားတူ ပြည်နယ်သစ်များပေါ်ထွက်လာရေးအတွက်လည်း ဆောင်ရွက်သွားကြမည်ဖြစ်ပြီး ပြည်နယ် အသစ် အဖြစ် တည်ထောင်မည်ဆိုပါ တိုင်းရင်းသားလူမျိုးစုတခု၏ သတ်မှတ်လူဦးရေ၊ ပထ၀ီ အနေအထား၊ နောက်ခံ သမိုင်းကြောင်း စသည့် အရေးကြီးသည့် စံနှုန်းများ သတ်မှတ်ပေးမည် ဖြစ်ကြောင်းလည်း သိရသည်။
ထိုသတ်မှတ်စံနှုန်းပြည့်စုံသည့် လူမျိုးစုတခုသည် ပြည်နယ်သစ်အဖြစ် ရလိုသည့်ဆန္ဒရှိပါက သက်ဆိုင်ရာ အစိုးရနှင့် လွှတ်တော်တို့၌ တင်ပြတောင်းဆိုပိုင်ခွင့် ရမည်ဖြစ်သည်။
သို့သော်တိုင်းရင်းသားအဖွဲ့များ၏ တင်ပြချက်အား ၂၁ ရာစု ပင်လုံ ညီလာခံ၌ မည်သို့ ဖြေရှင်းကြမည်ကိုမူ မသိရ သေးပေ။
ထို့အတူ ကိုယ်ပိုင်အုပ်ချုပ်ခွင့်ရ တိုင် အဖြစ် သတ်မှတ်ပေးထားသည့် “၀” လူမျိုးများကလည်း “၀” ပြည်နယ် အဆင့်ရရှိရေးကို ၂၁ ရာစု ညီလာခံ၌ တင်ပြတောင်းဆိုသွားမည်ဟုသိရပြီး “၀” ပြည် သွေးစည်းညီညွတ်ရေး တပ်မတော် (UWSA) အဖွဲ့သည်လည်း ၂၁ ရာစု ပင်လုံ ညီလာခံသို့ တက်ရောက်မည်ဟု ဆိုသည်။
“၀” ကိုယ်ပိုင် အုပ်ချုပ်ခွင့်ရ တိုင်းနှင့် တခြားနေရာများ၌် ပျံ့နှံ့နေသည့် “၀” လူဦးရေ စုစုပေါင်း ၆ သိန်း ၀န်းကျင်ရှိကြောင်း (UWSA) ၏ ခေါင်းဆောင်များက ဧရာဝတီ ကို ပြောဆိုထားသည်။
ဧရာဝတီ
