ဖက်ဒရယ်ပြည်ထောင်စုတည်ဆောက်ခြင်းဆိုင်ရာအခြေခံမူ ရှစ်ချက် မိုင်ဂျာယန်အစည်းအဝေးချမှတ်

အစိုးရနှင့်ဆွေးနွေးရာတွင် စွဲကိုင်ရန် ဖက်ဒရယ်ပြည်ထောင်စုဖွဲ့စည်းပုံအခြေခံဥပဒေ အခြေခံမူရှစ်ချက်ကို မိုင်ဂျာယန် တိုင်းရင်းသားလက်နက်ကိုင် စုံညီအစည်းအဝေး ဒုတိယနေ့၌ အစုအဖွဲ့အားလုံးက လက်ခံခဲ့ပြီး အသေးစိတ် အချက် အလက်များ ဆက်လက်ဆွေးနွေးမည်ဖြစ်ကြောင်း သတင်းရရှိသည်။

ဖက်ဒရယ်ပြည်ထောင်စုတည်ဆောက်ခြင်းဆိုင်ရာ အခြေခံမူရှစ်ချက်အဖြစ် ‘အချုပ်အခြာ အာဏာသည် တိုင်းရင်းသား ပြည်သူများမှတစ်ဆင့် ဆင်းသက်ရမည်၊ တန်းတူရေး၊ ကိုယ်ပိုင်ပြဋ္ဌာန်းခွင့်၊ စစ်မှန်သော ဖက်ဒရယ်ပြည်ထောင်စု၊ တိုင်းရင်းသား လူနည်းစုများ၏ အခွင့်အရေးများကို ကာကွယ်ခြင်း၊ ဒီမိုကရေစီအခွင့်အရေးနှင့် ကျား/မ ဆိုင်ရာ တန်းတူ ညီမျှမှု၊ ပါတီစုံဒီမိုကရေစီ စနစ်ကျင့်သုံးရေးနှင့် ဘာသာရေးကို အခြေမခံသည့် နိုင်ငံ’ စသည့် အခြေခံမူများကို ကိုင်စွဲပြီး အစိုးရနှင့် ဆက်လက်ဆွေးနွေးရန် မိုင်ဂျာယန် တိုင်းရင်းသားလက်နက်ကိုင် စုံညီအစည်းအဝေး ဒုတိယနေ့တွင် လက်ခံခဲ့ပြီး အသေးစိတ် ကို ဆက်လက်ဆွေးနွေးမည်ဖြစ်ကြောင်း ပြောရေးဆိုခွင့်ရှိသူများ က ပြောသည်။

အထက်ပါ ဖက်ဒရယ်ပြည်ထောင်စု ဖွဲ့စည်းပုံအခြေခံဥပဒေသည် ၁၉၉၀ လွှတ်တော်ကိုယ်စားလှယ်များ၊ တိုင်းရင်းသား လက်နက်ကိုင်အင်အားစုများ၊ နိုင်ငံရေး အင်အားစုများ၊ အရပ်ဘက်အဖွဲ့အစည်းများဖြင့် ၂၀၀၅ က ရေးဆွဲခဲ့ပြီး ပထမမူကြမ်းကို အတည်ပြုခဲ့ခြင်းဖြစ်သည်ဟု ဆိုသည်။

‘‘ဒီအခြေခံမူတွေက ပြောရမယ်ဆိုလို့ရှိရင် ကျွန်တော်တို့ တိုင်းရင်းသားလက်နက်ကိုင် အဖွဲ့အစည်းတွေနဲ့ ပြည်တွင်းမှာရှိ တဲ့ နိုင်ငံရေးအင်အားစုလို့ ပြောရမှာပေါ့။ ဒီမိုကရေစီအင်အားစု တွေကနေပြီးတော့ သဘောတူထားတာ ၂၀၀၈ ကတည်းကပါ။ ၂၀၀၈ ကတည်းက သဘောတူထားတဲ့၊ လက်ခံထားတဲ့ ပြည်ထောင်စုဖွဲ့စည်းပုံ အခြေခံမူတွေကို အခြေခံတာဖြစ်တယ်။ ဒါကြောင့် ဒီနေ့ ဆွေးနွေးတာ နောက်ဆုံးကျတော့ အခြေခံမူကို တစ်ခုတည်း ပြန်ယူတဲ့ သဘောပါ’’ ဟု ကရင်အမျိုးသားအစည်းအရုံး အထွေထွေအတွင်းရေးမှူးနှင့် အစည်းအဝေးပြောရေးဆိုခွင့်ရှိသူ ဖဒို စောကွယ်ထူးဝင်းက  ပြောသည်။ ယင်းအခြေခံမူများတွင် အချို့အချက်အလက်များ ပြင်ဆင်ဖြည့်စွက်ရန် လိုအပ်ပြီး ဆက်လက်ဆွေးနွေးမည်ဖြစ်ကြောင်း မွန်ပြည်သစ်ပါတီ ဒုဥက္ကဋ္ဌ နိုင်ဟံသာက ပြောသည်။

နိုင်ဟံသာက အမျိုးသား လွှတ်တော်ကိုယ်စားလှယ် ရွေးချယ်ခြင်းကဲ့သို့သော အချက်များကို ပြင်ဆင်ဖြည့်စွက်ရန် ရှိသည် ဟု ဆိုသည်။

‘‘တိုက်ရိုက် (အမျိုးသားလွှတ်တော်ကိုယ်စားလှယ်) ရွေးချယ်ရင် ပြည်နယ်နှင့် အမျိုးသားလွှတ်တော်က အဆက်ပြတ် သွားမယ်။ အမျိုးသားလွှတ်တော် ကိုယ်စားလှယ်ဆိုတာ ပြည်နယ်ကလွှတ်တဲ့ ကိုယ်စားလှယ်အဆင့်ပဲ ဖြစ်သင့်တယ်။ အဲဒီလိုပုံစံမျိုးဆိုရင် ပြည်နယ်လွှတ်တော်က စိတ်ကြိုက် သူတို့ရွေးချယ်တာဝန်ပေးထားတဲ့ ကိုယ်စားလှယ်တွေကို စေလွှတ်ဖို့ အဲဒီလိုပုံစံမျိုးပါ’’ ဟု နိုင်ဟံသာက ဆက်လက်ပြောသည်။ နိုင်ဟံသာက ‘‘ဒီမူကို အဖွဲ့အစည်းအားလုံးက ကိုင်စွဲပြီး ဆွေးနွေးသွားဖို့ဖြစ်ပါတယ်’’ ဟု ဆိုသည်။

အစည်းအဝေး ဒုတိယနေ့အပြီးတွင် အခြေခံမူ ရှစ်ချက်ကို အဖွဲ့အစည်းအသီးသီးမှ ခေါင်းဆောင် ကိုယ်စားလှယ်များက ဆွေးနွေးပြီး အသေးစိတ်ကို ကျန်ရှိသည့် အစည်းအဝေးရက်များ၌ ဆက်လက်ဆွေးနွေးရန် သဘောထား ချမှတ် ခဲ့ကြောင်းနှင့် ပြည်နယ်နှင့် ဖွဲ့စည်းပုံအခြေခံဥပဒေတွင် ရေးဆွဲရာ၌ အခြေခံရမည့်မူများကိုလည်း ဆွေးနွေးပြီး အသေးစိတ် ဆက်လက်ဆွေးနွေးရန် အလုပ်အဖွဲ့တစ်ဖွဲ့ ဖွဲ့စည်းခဲ့သည် ဟု သတင်းထုတ်ပြန်သည်။

7 Day Daily