အငြင်းပွားဖွယ် ကလေးလုပ်သားဥပဒေကို အိန္ဒိယလွှတ်တော်တွင် အတည်ပြု
အရွယ်မရောက်သေးသည့် ကလေးသူငယ်များအား အလုပ်လုပ်ခွင့်ပေးထားသည့် ဥပဒေတစ်ရပ်ကို ဇူလိုင်လ ၂၆ ရက် က ကျင်းပသည့် အိန္ဒိယ ပါလီမန်က အတည်ပြု ပေးလိုက်သည်ဟု သတင်းတစ်ရပ်တွင် ဖော်ပြသည်။
ယခု ဥပဒေအရ အရွယ်မရောက်သေးသည့် ကလေးများကို ၎င်းတို့၏ မိသားစုအတွက် တစ်ဘက်တစ်လမ်းမှ ၀င်ငွေ ရှာနိုင်ရန် သတ်မှတ်လုပ်ငန်းတစ်ချို့တွင် ၀င်ရောက်လုပ်ကိုင်ခွင့် ရရှိကြမည်ဖြစ်သည်။ သို့သော် ယင်း ဥပဒေကြောင့် ကလေးသူငယ်များ၏ တိုးတက်ဖွံ့ဖြိုးမှုကို ထိခိုက်သွားစေနိုင်သည်ဟု တက်ကြွ လှုပ်ရှားသူများက ဝေဖန်ခဲ့သည်။
နိုင်ငံတွင် အသက် ၁၄ နှစ်အောက် ကလေးများအားလုံးကို အလုပ်လုပ်ခွင့် ပိတ်ပင်ထားမည်သော်လည်း တစ်နိုင် တစ်ပိုင် မိသားစုလုပ်ငန်းများ သို့မဟုတ် အားကစား နှင့် ဖျော်ဖြေရေး လုပ်ငန်းထဲတွင်မူ ခြွင်းချက်အနေဖြင့် အလုပ်လုပ်ခွင့် ပေးမည်ဖြစ်သည်။
ယခု ဥပဒေအရ ဘေးအန္တရာယ်ရှိ လုပ်ငန်းခွင်များထဲတွင် အသက် ၁၄ နှစ်အောက် ကလေးအားလုံးကို အလုပ်လုပ်ခွင့် တားမြစ်ထားခြင်းဖြစ်သော်လည်း ယင်းအခြေအနေကို လက်တွေ့ကျကျ အကောင်အထည်ဖော်နိုင်ခြင်းမရှိကြောင်း တက်ကြွလှုပ်ရှားသူများက ပြောသည်။
နိုင်ငံရှိ ကလေးငယ်အချို့မှာ သက်မွေးလုပ်ငန်းကျွမ်းကျင်မှုများ သင်ကြားတတ်မြောက်ရန်လိုအပ်သကဲ့သို့ ၎င်းတို့၏ မိသားစုများအတွက်လည်း ကူဖော် လောင်ဖက်ဖြစ်ရန် လိုအပ်နေခြင်းကြောင့် ယခုကဲ့သို့ ကျောင်းချိန်ပြင်ပ သို့မဟုတ် အားလပ်ရက်များတွင် သတ်မှတ်လုပ်ငန်းခွင်တစ်ချို့တွင် လုပ်ကိုင်ခွင့် ပေးလိုက်ခြင်း ဖြစ်ကြောင်း အစိုးရက ခုခံ ပြောကြားသည်။
သို့သော် လက်ရှိအချိန်တွင်မူ အိန္ဒိယရှိ ကလေးသူငယ်သန်းပေါင်းများစွာမှာ ပြည်တွင်းကျွန်များအဖြစ် လည်းကောင်း၊ စက်ရုံများ၊ မိုင်းတွင်းများ နှင့် အခြားအန္တရာယ် များသည့် လုပ်ငန်းခွင်များထဲသို့ ကလေးလုပ်သားများအဖြစ် လည်းကောင်း လုပ်ကိုင်နေကြရသည်ဟု သိရသည်။
-Ref; CNA
