မိုင်ဂျာယန် တိုင်းရင်းသားလက်နက်ကိုင်အဖွဲ့များ မျက်နှာစုံညီ အစည်းအဝေးနှင့်ပတ်သက်၍ ကန့်ကွက်စရာ မရှိဟု တပ်မတော် ပြောကြား
မိုင်ဂျာယန် တိုင်းရင်းသားလက်နက်ကိုင်အဖွဲ့များ မျက်နှာစုံညီအစည်းအဝေးကို ကန့်ကွက်စရာမရှိဟု တပ်မတော်မှ ဒုတိယ ဗိုလ်ချုပ်ကြီး မြထွန်းဦးက ပြောကြားသည်။
ရန်ကုန်တိုင်း စစ်ဌာနချုပ် ဇေယျာသီရိဗိမာန် ရှင်းလင်းဆောင်တွင် ဇူလိုင် (၂၀) ရက်က ပြုလုပ်သော သတင်းစာ ရှင်းလင်းပွဲ၌ ဒုတိယဗိုလ်ချုပ်ကြီး မြထွန်းဦးက ပြောကြားခဲ့ခြင်း ဖြစ်သည်။
“မိုင်ဂျာယန်အစည်းအဝေးနဲ့ ပတ်သက်လို့ကတော့ ကျွန်တော်ခုနက ရှင်းလင်းတင်ပြခဲ့တာ အားလုံးနားလည် သဘောပေါက်မှာ ဖြစ်ပါတယ်။ ဖြစ်သင့်တယ် မဖြစ်သင့် ဘူးဆိုတာကတော့ တပ်မတော်ကာကွယ်ရေးဦးစီးချုပ် အနေနဲ့ အကြံပေးရုံပဲရှိတာပေါ့။ တကယ်လို့ ကျင်းပမယ်ဆိုရင်၊ ဆိုတဲ့ကိစ္စက ဒါနိုင်ငံတော် အစိုးရရဲ့မူဝါဒနဲ့ ဆောင်ရွက်တဲ့လုပ်ငန်းဖြစ်တဲ့အတွက် ကျွန်တော်တို့ကန့်ကွက်စရာမရှိပါဘူး။ နောက်တစ်ခုကတော့ ဖြတ်သွားရမယ့် ဧရိယာပေါ့။ အစိုးရထိန်းချုပ်နယ်မြေတွေထဲက ဖြတ်သွားရင် အန္တရာယ်ကင်းပါ့မလား။ ဒါခုနက ပြောတဲ့အတိုင်းပဲ ကျွန်တော်တို့တွေ ဘာမှ အန္တရာယ်ပေးစရာအကြောင်းလည်းမရှိပါဘူး။ ဒါအစိုးရရဲ့ မူဝါဒနဲ့ ဆောင်ရွက်နေတာဖြစ် တဲ့အတွက်ကြောင့် ကျွန်တော်တို့က ကူညီစောင့်ရှောက်ပေးဖို့ပဲ ရှိပါတယ်” ဟု ဒုတိယဗိုလ်ချုပ်ကြီး မြထွန်းဦးက ဆိုသည်။
မိုင်ဂျာယန်ဒေသတွင် တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ် (NCA) လက်မှတ်ထိုးထားသည့် အဖွဲ့များနှင့် မထိုးရသေးသည့်အဖွဲ့များ ပါဝင်မည့် တိုင်းရင်းသားလက်နက်ကိုင်အဖွဲ့ ထိပ်သီးခေါင်းဆောင်များ စုံညီ အစည်းအဝေးကို ဇူလိုင် (၂၆) ရက်မှ (၂၉) ရက်အထိ ကျင်းပရန် စီစဉ်ထားသည်။
NCA လက်မှတ်ထိုးထားသည့်အဖွဲ့များမှာ ကရင်အမျိုးသားအစည်းအရုံး (KNU)၊ ရှမ်းပြည်ပြန်လည် ထူထောင်ရေး ကောင်စီ (RCSS/SSA)၊ ပအိုဝ်းအမျိုးသားလွတ်မြောက်ရေးအဖွဲ့ချုပ် (PNLO)၊ ချင်းအမျိုးသားတပ်ဦး (CNF)၊ KNU/KNLA ငြိမ်းချမ်းရေးကောင်စီ၊ ဒီမိုကရေစီအကျိုးပြုကရင့်တပ်ဖွဲ့ (DKBA)၊ မြန်မာနိုင်ငံလုံးဆိုင်ရာ ကျောင်းသား များ ဒီမိုကရက်တစ်တပ်ဦး (ABSDF)၊ ရခိုင်ပြည် လွတ်မြောက်ရေး ပါတီ (ALP) တို့ဖြစ်သည်။
NCA မထိုးရသေးသည့်အဖွဲ့များမှာ ‘၀’ ပြည်သွေးစည်းညီညွတ်ရေးပါတီ (UWSP/UWSA)၊ မိုင်းလားလက်နက်ကိုင် အဖွဲ့ (NDAA)၊ နာဂလက်နက်ကိုင်အဖွဲ့ (NSCN-K)၊ ကချင်တိုင်းရင်းသားလက်နက်ကိုင်အဖွဲ့ (KIO/KIA)၊ ကရင်နီ အမျိုးသား တိုးတက်ရေးပါတီ (KNPP)၊ မွန်ပြည်သစ်ပါတီ (NMSP)၊ ရခိုင်အမျိုးသားကောင်စီ (ANC)၊ ရှမ်းပြည် တိုး တက်ရေးပါတီ (SSPP/SSA)၊ တအာင်းလက်နက်ကိုင်အဖွဲ့ (PSLF/TNLA)၊ ကိုးကန့်အဖွဲ့ (MNDAA)၊ ‘၀’ အမျိုးသား အဖွဲ့ချုပ် (WNO)၊ ရခိုင်လက်နက်ကိုင်အဖွဲ့ (AA) နှင့် လားဟူဒီမိုကရက်တစ် အစည်းအရုံး (LDU) တို့ဖြစ်သည်။
Eleven
