၂၁ ရာစု ပင်လုံညီလာခံ အောင်မြင်ရေး တပ်မတော်အနေဖြင့် အကောင်းဆုံး ပူးပေါင်း ဆောင်ရွက် သွားမည်
ပြည်ထောင်စုငြိမ်းချမ်းရေး ညီလာခံ-၂၁ ရာစု ပင်လုံအောင်မြင်ရေးအတွက် တပ်မတော်အနေဖြင့် အကောင်းဆုံး ပူးပေါင်းဆောင်ရွက်သွားမည်ဖြစ်ကြောင်း တပ်မတော်မှ ဒုတိယဗိုလ်ချုပ်ကြီး မြထွန်းဦး က ပြောကြားသည်။
ရန်ကုန်တိုင်းစစ်ဌာနချုပ် ဇေယျာသီရိဗိမာန် ရှင်းလင်းဆောင်တွင် ဇူလိုင် ၂၀ ရက်က ပြုလုပ်သော သတင်းစာ ရှင်းလင်းပွဲတွင် ဒုတိယဗိုလ်ချုပ်ကြီး မြထွန်းဦးက ပြောကြားခဲ့ခြင်းဖြစ်သည်။
“၂၁ ရာစု ပင်လုံညီလာခံမှာ တပ်မတော်ရဲ့ သဘောထားနဲ့ ပတ်သက်ပြီးတော့ မိုင်ဂျာယန် အစည်း အဝေးနဲ့ ပတ်သက်တဲ့ကိစ္စကို ရှင်းလင်းတင်ပြထားတာ ရှိပါတယ်။ ဒါကတော့ တပ်မတော်ရဲ့ သဘော ထားလည်းဖြစ်ပါတယ်။ ကျွန်တော့်အနေနဲ့ အနှစ်ချုပ်ကို ရှင်းလင်းတင်ပြရမယ်ဆိုရင် ၂၁ ရာစု ပင်လုံ ညီလာခံဆိုတာဟာ NCA အပေါ်မှာ အခြေခံပြီး ဖြစ်လာတဲ့ ပြည်ထောင်စုငြိမ်းချမ်းရေးညီလာခံ အစစ်ဆိုပြီးတော့ပဲ ယုံကြည်မှုရှိပါတယ်။ ဘာကြောင့်လဲဆိုတော့ နိုင်ငံတော်အစိုးရ တာဝန်ရှိ ပုဂ္ဂိုလ်များက ပင်လုံညီလာခံသည် ပြည်ထောင်စုငြိမ်းချမ်းရေးညီလာခံနဲ့ အတူတူပဲ ဖြစ်ပါတယ်ဆိုတဲ့ စကား လေးပြောထားတဲ့ အတွက်ကြောင့်။ ဒီဟာကို သွားတဲ့အခါ ကျွန်တော်တို့ အောင်မြင်အောင် လုပ်ဖို့ပဲ ရှိပါတယ်။ ကျွန်တော်တို့ တပ်မတော်အနေနဲ့ အကောင်းဆုံး ပူးပေါင်းပြီးတော့ ဆောင်ရွက်သွားမယ် ဆိုတဲ့အကြောင်း ကျွန်တော့်အနေနဲ့ ရှင်းလင်းတင်ပြလိုပါတယ်။ ဒါက တပ်မတော်ရဲ့ သဘောထားပဲ ဖြစ်ပါတယ်။ နောက်တစ်ခုကတော့ သေနတ်တစ်ချက်မှမဖောက်ဘဲ ငြိမ်းချမ်းရေး အကြွင်းမဲ့ ရရှိမှာ လားဆိုတဲ့ အချက်ဖြစ်ပါတယ်။ ကျွန်တော်တို့ သေနတ်မဖောက်ချင်တဲ့အတွက်ကြောင့် ငြိမ်းချမ်းရေး လုပ်ဆောင်နေတာပါ” ဟု ဒုတိယဗိုလ်ချုပ်ကြီး မြထွန်းဦးက ပြောကြားသည်။
ပြည်ထောင်စုငြိမ်းချမ်းရေး ညီလာခံ-၂၁ ရာစု ပင်လုံကို သြဂုတ်လအတွင်း နောက်ဆုံးထား ကျင်းပနိုင်ရန် အစိုးရက စီစဉ်လျက် ရှိသည်။
“NCA အပေါ်မှာ အခြေခံတဲ့ ပြည်ထောင်စုညီလာခံအစစ် ဖြစ်မယ်ဆိုပြီးတော့ ကျွန်တော်တို့ ခံယူချက် ရှိပါတယ်။ ယုံကြည်ထားပါတယ်။ ဒါကြောင့်မို့လို့ နိုင်ငံတော်၏ အတိုင်ပင်ခံ ပုဂ္ဂိုလ်နဲ့လည်း ကျွန်တော် တို့ ၂၇ ရက် ငါးလပိုင်းတုန်းက ဆွေးနွေးကြတဲ့ အခါမှာလည်း ၂၁ ရာစု ပင်လုံညီလာခံသည် ပြည်ထောင်စုညီလာခံနဲ့ အတူတူပဲဆိုပြီးတော့ သူပြောခဲ့တာဖြစ်ပါတယ်။ ဒါကို ကျွန်တော်တို့က ဒီအတိုင်းပဲ ခံယူထားပါတယ်။ နောက်တစ်ခုကတော့ ဒီလက်မှတ်မထိုးရသေးတဲ့ အဖွဲ့အစည်း သုံးဖွဲ့ AA ရယ်၊ TNLA ရယ်၊ MNDAA အဖွဲ့ရယ် ဒီအဖွဲ့သုံးဖွဲ့နဲ့ပတ်သက်ပြီး တပ်မတော်ရဲ့ သဘောထား။ ဒါလည်း ပြီးခဲ့တဲ့ တစ်ခေါက်တုန်းက သတင်းစာရှင်းလင်းပွဲမှာ ကျွန်တော်တို့ ရှင်းလင်းတင်ပြခဲ့ပြီးပါပြီ။ အဓိက ကတော့ ဒီအဖွဲ့ သုံးဖွဲ့အနေနဲ့ လက်နက်ကိုင်လမ်းစဉ်ကို စွန့်လွှတ်မယ်ဆိုတဲ့ ဆန္ဒအပြည့်အ၀ ရှိဖို့ လိုအပ်ပါတယ်။ ဒါဆိုရင် ကျွန်တော်တို့ ငြိမ်းချမ်းရေးက ဘာမှအကြောင်းမထူးစရာ မရှိပါဘူး” ဟုလည်း ဒုတိယဗိုလ်ချုပ်ကြီး မြထွန်းဦးက သတင်းစာ ရှင်းလင်းပွဲတွင် ပြောကြားသည်။
Eleven
