ရွေးကောက်ပွဲတွင် လွှတ်တော် ကိုိယ်စားလှယ်မရခဲ့သည့်ပါတီများ ၂၁ ရာစုပင်လုံ တက်ရောက်မည့် ကိုယ်စားလှယ် ရွေးချယ်နိုင်ရေး ဆွေးနွေးမည်
၂၀၁၅ ရွေးကောက်ပွဲတွင် လွှတ်တော်ကိုယ်စားလှယ်မရခဲ့သည့် ပါတီများ ၂၁ ရာစု ပင်လုံညီလာခံသို့ ကိုယ်စားပြု ကာ တက်ရောက်ဆွေးနွေးမည့် ကိုယ်စားလှယ်များ ရွေးချယ်နိုင်ရန် ညှိနှိုင်းအစည်းအဝေး ပြုလုပ်မည်ဖြစ်ကြောင်း အမျိုးသားဒီမိုကရေစီအင်အားစုပါတီ (NDF) မှ သတင်းရရှိသည်။
အဆိုပါ ညှိနှိုင်းအစည်းအဝေးကို အမျိုးသားဒီမိုကရေစီအင်အားစုပါတီ (NDF) က ဦးဆောင်ပြုလုပ်မည်ဖြစ်ကာ ၂၀၁၅အထွေ ထွေရွေးကောက်ပွဲတွင် လွှတ်တော်ကိုယ်စားလှယ်အနိုင်မရခဲ့သော နိုင်ငံရေးပါတီများအား ဖိတ်ကြား ၍ ရန်ကုန်မြို့၌ ဇူလိုင်လအကုန် (သို့မဟုတ်) သြဂုတ်လဆန်းတွင် ပြုလုပ်မည်ဟု NDF ပါတီ အတွင်းရေးမှူး ဦးနေမင်းကျော်က ပြောသည်။
ယင်းဆွေးနွေးပွဲတွင် ၂၁ ရာစု ပင်လုံညီလာခံသို့ နိုင်ငံရေးကိစ္စရပ်များ တင်ပြနိုင်မည့် ကိုယ်စားလှယ်များကို ရွေးချယ်ရေးကိစ္စ၊ ညီလာခံသို့တင်ပြရန်ကိစ္စရပ်များဆွေးနွေးကြမည်ဟု ဦးနေမင်းကျော် က ပြောသည်။
အဆိုပါဆွေးနွေးပွဲသို့တက်ရောက်ရန် ရန်ကုန်အခြေစိုက်နိုင်ငံရေးပါတီများသာမက ပြည်နယ်နှင့်တိုင်း အသီးသီးရှိ နိုင်ငံရေးပါတီများအား ဖိတ်ကြားရန် NDF ပါတီက စီစဉ်နေသည်။
အစိုးရသစ်က ပြည်ထောင်စုငြိမ်းချမ်းရေးညီလာခံကို လာမည့်သြဂုတ်အတွင်း ကျင်းပရန်စီစဉ်နေပြီး အဆိုပါ ညီလာခံသို့ လွှတ်တော်အတွင်း လွှတ်တော်ကိုယ်စားလှယ်နေရာရရှိထားသော နိုင်ငံရေးပါတီများသာ ကိုယ်စားလှယ်အဖြစ် ပါဝင်ခွင့်ရမည်ဟု နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြား သည်။
သို့သော်ဇူလိုင်လဆန်းက နေပြည်တော်တွင် ကျင်းပသော ပင်လုံအကြိုပြင်ဆင်ရေးကော်မတီ အစည်းအဝေး၌ ၂၁ ရာစု ပင်လုံညီလာခံသို့ ရွေးကောက်ပွဲအနိုင်မရသော နိုင်ငံရေးပါတီများ ကိုယ်စားပြု ပါဝင်ခွင့်ရရေးနှင့် ပတ်သက်၍ ဖြေလျှော့သည့် မူဝါဒတစ်ရပ်ကို ဒေါ်အောင်ဆန်းစုကြည်က ချမှတ်ခဲ့သည်။
လက်ရှိတွင် ပြည်ထောင်စုရွေးကောက်ပွဲကော်မရှင်၏ စာရင်းများအရ တရားဝင်နိုင်ငံရေးပါတီ ၉၁ ပါတီရှိကာ လွှတ်တော်တွင် နေရာရသော နိုင်ငံရေးပါတီ ၂၂ ပါတီရှိနေသည်။
7 Day Daily
