ရေဆင်းစိုက်ပျိုးရေးတက္ကသိုလ် ပထမနှစ် ဝင်ခွင့်လျှောက်လွှာ ခေါ်ယူ
စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန အောက်ရှိ ရေဆင်းစိုက်ပျိုးရေးတက္ကသိုလ်၏ ၂၀၁၆-၂၀၁၇ ပညာ သင်နှစ်အတွက် ပထမနှစ် ဝင်ခွင့်လျှောက်လွှာ များ ခေါ်ယူလျက်ရှိကြောင်း သိရသည်။ အမျိုးသားဦးရေ ၂၀၀ နှင့် အမျိုးသမီးဦးရေ ၂၀၀၊ စုစုပေါင်း ၄၀၀ ဦး လက်ခံမည်ဖြစ်ပြီး တက္ကသိုလ်ဝင် စာမေးပွဲတွင် မြန်မာစာ၊ အင်္ဂလိပ်စာ၊ သင်္ချာ၊ ရူပဗေဒ၊ ဓာတုဗေဒ၊ ဇီဝဘာသာတွဲဖြင့် အောင်မြင်ပြီး ရမှတ်စုစုပေါင်း ၃၆၀ နှင့်အထက် ရရှိသူများ လျှောက်ထားနိုင်မည်ဖြစ်သည်။
စိုက်ပျိုးရေး သိပ္ပံဘွဲ့ (B.Agr.Sc) ၅ နှစ်သင်တန်းဖြစ်ပြီး ကွင်းဆင်းလက်တွေ့လုပ်ငန်းများတွင် ကျောင်းသား၊ ကျောင်းသူများ ကိုယ်တိုင် ပါဝင် လေ့ကျင့်လုပ်ဆောင် ကြရမည်ဖြစ်သောကြောင့် လယ်ယာစိုက်ပျိုးရေး လုပ်ငန်းများ တွင် လုပ်ကိုင်ဆောင်ရွက်နိုင်သည့် ကျန်းမာရေး (က) အဆင့်ရှိသူ၊ ကိုယ်လက်အင်္ဂါ ပြည့်စုံသူများ လျှောက်ထား နိုင်ကြောင်း သိရသည်။
ပထမနှစ် ဝင်ခွင့်လျှောက်လွှာများကို A4 စာရွက်ဖြင့် ကွန်ပျူတာစာစီစာရိုက် ပြုလုပ်ကာ လျှောက်ထားရမည် ဖြစ်သည်။ ဝင်ခွင့်လျှောက်လွှာနှင့်အတူ တက္ကသိုလ် ဝင်တန်း အောင်မြင်ကြောင်း သက်ဆိုင်ရာ ကျောင်းအုပ်ကြီး၏ ထောက်ခံချက် (မူရင်း)၊ အမှတ်စာရင်း (မူရင်း)၊ လျှောက်ထားသူနှင့် မိဘနှစ်ဦး၏ နိုင်ငံသား စိစစ်ရေးကတ် (မိတ္တူ)၊ လိုင်စင်ဓာတ်ပုံ ၃ ပုံ ၊ ရဲစခန်းထောက်ခံစာများကို ပူးတွဲ လျှောက်ထားရမည် ဖြစ်သည်။
လျှောက်လွှာများကို သြဂုတ်လ ၁၉ ရက် နောက်ဆုံးထား လျှောက်ထားရမည်ဖြစ်ပြီး ဝင်ခွင့်မရရှိပါက တက္ကသိုလ် ဝင်ခွင့် ဆုံးရှုံးမှုမဖြစ်စေရန်အတွက် တက္ကသိုလ် ဝင်ခွင့် စိစစ်ရွေးချယ်ရေးအဖွဲ့က ကြေညာသတ်မှတ်ထားသော နည်းလမ်းအတိုင်း တက္ကသိုလ်ဝင်ခွင့် လျှောက်လွှာအိတ်ဖြင့် အခြား တက္ကသိုလ်များသို့လည်း လျှောက်ထားရန် လိုအပ်မည် ဖြစ်သည်။ အသေးစိတ်သိရှိလိုပါက ဖုန်း – ၀၆၇-၄၁၆၅၁၂၊ ၀၆၇-၄၁၆၅၁၃ သို့ ဆက်သွယ်စုံစမ်း မေးမြန်းနိုင်မည် ဖြစ်သည်။
