ဘန်ကောက်အဲဝေး လေကြောင်းလိုင်းမှ မြန်မာပြည် ခရီးစဉ်များကို တိုးချဲ့ပျံသန်းမည်
ထိုင်းနိုင်ငံဘန် ကောက်အဲဝေး(Bangkok Airways) လေကြောင်းလိုင်းမှ မြန်မာနိုင်ငံမြို့ကြီး များဖြစ်သည့် နေပြည်တော်၊ ရန်ကုန်၊ မန္တလေး၊ ပုဂံနှင့် မြိတ်မြို့များသို့ လေကြောင်း ခရီးစဉ်များကို တိုးချဲ့ပျံသန်းသွားမည်ဖြစ်ကြောင်း အဆိုပါလေကြောင်းလိုင်းမှ ကပ္ပတိန်က ပြောကြားသည်ဟု ဇွန် (၂၃) ရက်က ဘန်ကောက်ပို့စ် သတင်းဌာန၏ ဖော်ပြချက်အရ သိရသည်။
အဆိုပါ လေကြောင်းလိုင်းအနေဖြင့် မြန်မာနိုင်ငံခရီးစဉ်များအတွက် ဘန်ကောက်-ရန်ကုန်၊ ဘန် ကောက်-မန္တလေး၊ ဘန်ကောက်-နေပြည်တော်၊ ဘန်ကောက်-မြိတ်ခရီးစဉ်များ နှင့် ချင်းမိုင်-ရန်ကုန်၊ ချင်းမိုင်-မန္တလေး၊ ချင်းမိုင်-ပုဂံခရီးစဉ်များကို လေကြောင်းခရီးစဉ်များ ပျံသန်းသွားမည် ဖြစ်ကြောင်း ယင်းသတင်း တွင်ဖော်ပြထား သည်။
Bangkok Airways လေကြောင်းလိုင်းအနေဖြင့် မြန်မာပြည် လေကြောင်းခရီးစဉ်များအတွက် ATR-72 လေယာဉ်အမျိုးအစားများ ဖြင့်ပျံသန်းသွားမည်ဖြစ်ကြောင်း သိရ ည်။
မြန်မာပြည်ခရီးစဉ်များကို လာ မည့်ပွင့်လင်းရာသီဖြစ်သည့် အောက်တိုဘာလ နောက်ဆုံးပတ် အတွင်ှးာ စတင်ပျံသန်းနိုင်ရန် စီစဉ်လျက်ရှိကြောင်း သိရသည်။
ယင်းအပြင် Bangkok Airways လေကြောင်းလိုင်းအနေဖြင့် မြန်မာနိုင်ငံ ခရီးစဉ်များအပြင် ဗီယက်နမ်နိုင်ငံ ခရီးစဉ်များကိုလည်း ပျံသန်းသွားမည်ဖြစ်ကြောင်း အဆိုပါသတင်းထုတ်ပြန်ချက် တွင် ဖော်ပြထားသည်။
ပြည်တွင်းခရီးသွားလုပ်ငန်း ကုမ္ပဏီတစ်ခုမှဒေါ်ဝင့်ဝါက ” ထိုင်း-မြန်မာ လေကြောင်း လိုင်းတွေက တော့ လက်ရှိမှာ အလုပ်အဖြစ်ဆုံးပဲ။ မြန်မာပြည်ကိုလာတဲ့ ခရီးသွားဆိုရင်လည်း ထိုင်းကအများ ဆုံးပဲလေ။ နောက်တစ်ခုက ထိုင်းကတစ်ဆင့်လာတဲ့ ခရီးသွားလည်းရှိတယ်။ အဲဒါကြောင့် ထိုင်း- မြန်မာ လေကြောင်းလိုင်း တွေတိုးလေ ပြည်တွင်းခရီးသွားလုပ်ငန်းအတွက် အထောက်အကူ ဖြစ်လေပဲ။ အခုလက်ရှိလည်း သူတို့လေကြောင်းလိုင်းက ရန်ကုန်-ဘန်ကောက်ပျံသန်း နေတာ ရှိတယ်” ဟု ဇွန် ၂၃ ရက်က ဒီမိုကရေစီတူဒေးကို ပြောသည်။
အလားတူ စင်ကာပူနိုင်ငံ လေ ကြောင်းလိုင်းတစ်ခုဖြစ်သည့် Jetstar Asia Airline လေကြောင်း လိုင်းမှာ ရန်ကုန်-စင်ကာပူ ခရီးစဉ်ကို တစ်ပတ်လျှင် သုံးကြိမ် ထပ်မံတိုးချဲ့ပျံသန်းသွားမည် ဖြစ်ကြောင်း နိုင်ငံတကာသတင်းဌာနတစ်ခုဖြစ်သည့် The Straits Times သတင်းဌာန၏ ဖော်ပြချက်အရ သိရသည်။
