ကိုယ်စားလှယ်များနှင့် မဲဆန္ဒရှင်ပြည်သူများ တိုက်ရိုက်ထိတွေ့နိုင်ရန် ပွင့်လင်းလွှတ်တော် အမည်ရှိ website လွှင့်တင်မည်
ရွေးကောက်ခံလွှတ်တော်ကိုယ်စားလှယ်များနှင့် မဲဆန္ဒရှင်ပြည်သူများ တိုက်ရိုက်ထိတွေ့ ဆက်သွယ်နိုင်မည့် ပွင့်လင်းလွှတ်တော် (Open Hllutaw) ဟု အမည်ပေးထားသော website တစ်ခုကို လာမည့်ဇူလိုင်အတွင်း လွှင့်တင်မည်ဖြစ်ကြောင်း သတင်းရရှိသည်။
အဆိုပါပွင့်လင်းလွှတ်တော် (Open Hllutaw) website လွှင့်တင်နိုင်ရန် လွှတ်တော်များကို စောင့်ကြည့်လေ့လာမှုများ ပြုလုပ်နေသည့် ပွင့်လင်းမြန်မာ့ရှေ့ဆောင်အဖွဲ့ (OMI)နှင့် မြန်မာ့ပဉ္စမ မဏ္ဍိုင် တို့က ပူးပေါင်းဆောင်ရွက်နေခြင်းဖြစ်ကြောင်း website လွှင့်တင်နိုင်ရေး အဓိက ဆောင်ရွက်သူ ကိုစိုးလင်းထွဋ်ကပြောသည်။
ပွင့်လင်းလွှတ်တော် website တွင် လွှတ်တော်ကိုယ်စားလှယ်များ၏ ကိုယ်ရေးအချက်အလက်များနှင့် ၎င်းတို့သုံးစွဲနေသော အီးမေးလ်လိပ်စာများ၊ လူမှုကွန်ရက်လိပ်စာ များ ထည့်သွင်းထားမည်ဖြစ်ကြောင်း ၎င်းကပြောသည်။
‘‘အဓိကကတော့ ပြည်သူတွေနဲ့ မဲဆန္ဒရှင်ပြည်သူတွေ ဒီ website ပေါ်ကနေ တိုက်ရိုက် ထိတွေ့နိုင် အောင်ပေါ့။ ဒီမှာ မဲဆန္ဒရှင်တွေကလည်း သူတို့လိုအပ်ချက်တွေကို သက်ဆိုင်ရာ လွှတ်တော် ကိုယ်စားလှယ်တွေသိအောင်လို့ ရေးလို့ရအောင်ရယ်၊ လွှတ်တော်ကိုယ်စားလှယ်တွေကလည်း ၀င်ကြည့်ပြီး သိရှိအောင်လုပ်သွားမှာပါ’’ ဟု ကိုစိုးလင်းထွဋ် ကပြောသည်။
ဇူလိုင်လအတွင်းလွှင့်တင်မည့် ပွင့်လင်းလွှတ်တော် (Open Hllutaw) တွင် ပြည်သူ့လွှတ်တော်နှင့် အမျိုးသားလွှတ်တော်တို့၏ ရွေးကောက်ခံ လွှတ်တော် ကိုယ်စားလှယ်များ၏ ကိုယ်ရေအကျဉ်းနှင့် လိပ်စာများ ထည့်သွင်းထားမည်ဖြစ်ကာ ယင်းနောက်၌ တိုင်းဒေသကြီးနှင့် ပြည်နယ်လွှတ်တော် ကိုယ်စားလှယ်များကို ဆက်လက် ထည့်သွင်းရန် ရှိနေသည်။
အဆိုပါ website မလွှင့်တင်မီ လွှတ်တော်ကိုယ်စားလှယ်များကိုလည်း အွန်လိုင်းအသုံးပြုကာ ပွင့်လင်းလွှတ်တော် website မှ ဆက်သွယ်မှုများပြုလုပ်နိုင်ကြောင်း လွှတ်တော်ကိုယ်စားလှယ်များထံ အသိပေးမည်ဖြစ်သည်။
လက်ရှိတွင် လွှတ်တော်စောင့်ကြည့်လေ့လာမှုများ ပြုလုပ်နေသည့် ပွင့်လင်းမြန်မာရှေ့ဆောင်အဖွဲ့ (OMI) website ရှိနေပြီး အဆိုပါ website ၌ လွှတ်တော် ကိုယ်စားလှယ်များ၏ ကိုယ်ရေးအကျဉ်းများ၊ လွှတ်တော်များ၏အခန်းကဏ္ဍ၊ လွှတ်တော်ကိုယ်စားလှယ်များ၏ လွှတ်တော်တွင်းဆောင်ရွက်ချက်များ၊ လွှတ်တော်မှ ဆောင်ရွက်မှုများကို ဖော်ပြထားသည်ဟု သိရသည်။
7 Day Daily
