ပြည်ခိုင်ဖြိုးပါတီ ဥက္ကဋ္ဌ ဦးသိန်းစိန် ဧရာဝတီတိုင်းဒေသကြီး၊ ခရိုင်၊ မြို့နယ် ပါတီကော်မတီဝင်များနှင့် တွေ့ဆုံ

ပါတီဥက္ကဋ္ဌက လမ်းညွှန်ပြောကြားရာတွင် နောင်လာမည့်ရွေးကောက်ပွဲတွင် ပါတီပြန်လည် အနိုင်ရရှိ ရေးအတွက် ပါတီ၏အားနည်းချက်၊ ချို့ယွင်းချက်များကို မှန်မှန်ကန်ကန် ပြန်လည်သုံးသပ်ပြီး ပါတီကို ပြန်လည်ပြုပြင်ရန်လိုသည်ကို ပါတီဝင်အားလုံး လက်ခံကြရမှာဖြစ်ကြောင်း၊ မိမိတို့ပါတီကို အမှန်တကယ် ချစ်မြတ်နိုးသူ၊ ပါတီ၏မူဝါဒလမ်းစဉ်အပေါ်မှာ နှစ်နှစ်ကာကာ ယုံကြည်သူ၊ ကိုယ်ကျင့် တရားကောင်းမွန်ပြီး ပါတီ၏စည်းကမ်းကို လိုက်နာသူ၊ ကိုယ့်ဒေသအကျိုးကို အမှန်တကယ် သယ်ပိုး ဆောင်ရွက်လိုသူ၊ စည်းစည်းလုံးလုံး ညီညီညွတ်ညွတ်ဖြင့် ပါတီ၏ကျရာတာဝန်ကို ထမ်းဆောင်လိုသူ များ၊ စိတ်ဓာတ်ရှိသူများနှင့် ဖွဲ့စည်းဆောင်ရွက်မှသာ ကျွန်တော်တို့ပါတီ အနိုင်ရမည်ဖြစ်ကြောင်း၊ ပါတီဝင်များအနေဖြင့် မိမိတို့ပါတီအပေါ်တွင် သစ္စာစောင့်သိရန်နှင့် ပါတီတွင်း စည်းလုံးညီညွတ်မှု တည်ဆောက်ကြရန်လိုကြောင်း၊ ပြည်သူများလေးစားယုံကြည်သည့် ပါတီဝင်များဖြစ်အောင် ကြိုးစား ကြရန်လိုကြောင်း၊ လူမှန်နေရာမှန် ဖြစ်အောင် စိစစ်ရွေးချယ်ကြပါ။ မျိုးဆက်သစ် လူကောင်း၊ လူတော်၊ လူငယ်များကိုနေရာပေးပြီး ရေရှည်တည်တံ့ခိုင်မြဲရှင်သန်နေသော ပါတီကြီးအဖြစ် ရပ်တည်သွား နိုင်အောင် ကြိုးပမ်းဆောင်ရွက်ရန် တိုက်တွန်း လမ်းညွှန်မှာကြားခဲ့သည်။

ထို့နောက် ပါတီဒုတိယဥက္ကဋ္ဌ ဦးဌေးဦးက ကော်မတီဝင်ရွေးချယ်ရာတွင် မိမိတို့ဒေသနှင့် ကိုက်ညီပြီး ပြည်သူကို စည်းရုံးနိုင်သူ၊ လုပ်နိုင်စွမ်းရှိသူ မျိုးဆက်သစ်များ လိုအပ်သော်လည်း ဆင့်ကဲဆင့်ကဲ လက်တွဲလုပ်ဆောင်မှသာ လုပ်ကိုင်နိုင်မည်ဖြစ်ကြောင်း၊ အသင်းစတင်ကတည်းက ပါလာသူ အဟောင်းများသည် အတွေ့အကြုံရှိသူများဖြစ်ကြောင်း၊ ရွေးချယ်ခံရသူသည် ဆန္ဒရှိမှသာ ရွေးချယ်ရန်၊ ဆန္ဒရှိမှသာ လုပ်ကိုင်ရာမှာ ထိရောက်အောင်မြင်မှာဖြစ်ကြောင်း၊ ပါတီဝင် များ၏ သဘောထား လိုအပ်ကြောင်း၊ ပါတီကကြိုက်သလား မကြိုက်ရင်စဉ်းစားရန်၊ ပြည်သူများ၏သဘောထားလည်း လိုအပ်ကြောင်း၊ ပြည်သူထဲသို့ ဝင်ဆံ့စည်းရုံးနိုင်သူကို ရွေးချယ်ရန်လိုအပ်ကြောင်း အကျယ်တဝင့် လမ်းညွှန်မှာကြားခဲ့သည်။

အခမ်းအနားသို့ ဧရာဝတီတိုင်းဒေသကြီး ပါတီဥက္ကဋ္ဌ ဦးသိန်းအောင်နှင့် ပြည်ခိုင်ဖြိုးပါတီ ကိုယ်စား လှယ်ဟောင်းများ၊ တိုင်းဒေသကြီး ပါတီကော်မတီဝင်များ၊ ခရိုင်ပါတီကော်မတီဝင်များ၊ မြို့နယ်ပါတီ ကော်မတီဝင်များ စုစုပေါင်း (၄၈၅) ဦး တက်ရောက်ကြကြောင်း သိရသည်။