လာမည့်ရာသီအတွက် အိမ်ကွင်းဝတ်စုံသစ်ကို ဘာစီလိုနာ မိတ်ဆက်
ဘာစီလိုနာအသင်းသည် ဥရောပဖလားကို ပထမဆုံးအကြိမ်ရရှိခဲ့စဉ်က ဝတ်ဆင်ခဲ့သောဝတ်စုံကို အမှတ်တရ အထိမ်းအမှတ် အဖြစ် လာမည့်ရာသီတွင် အိမ်ကွင်း ဝတ်စုံအဖြစ် ဝတ်ဆင်မည်ဖြစ်သည်။
၁၉၉၂ က ဥရောပဖလားရရှိခဲ့သော ၂၅ နှစ်ပြည့်အထိမ်းအမှတ်အဖြစ် ဘာစီလိုနာနှင့် Nike တို့ပူးပေါင်းကာ အိမ်ကွင်းဝတ်စုံ ဖန်တီးလိုက်ခြင်းဖြစ်သည်။
စပိန်ထိပ်သီဘာစီလိုနာအသင်းသည် ထိုစဉ်က လက်ရှိဆောက်သမ်တန်နည်းပြ ရော်နယ်ကိုးမန်း၏ အချိန်ပိုအနိုင်ဂိုး ဖြင့် ဝင်ဘာလေကွင်းတွင် ဖလားရရှိခဲ့ခြင်း ဖြစ်သည်။
မန်စီးတီးနည်းပြဖြစ်လာသည့် ဘာစီလိုနာနည်းပြဟောင်း ဂွာဒီယိုလာသည် အသင်း၏သမိုင်းတွင်နိုင်ပွဲတွင် အဓိက နေရာမှ ပါဝင်ကစားခဲ့ပြီး ဆမ်ဒိုးရီးယားကို နိုင်သည့် ယင်းပွဲ၌ မိုက်ကယ်လောက်ဒရပ်နှင့် စတွိုက်ကော့ဗ်တို့လည်း ပါဝင်ကစားခဲ့ကြသည်။
ယိုဟန်ခရိုက်ဖ်လက်ထက်နှောင်းပိုင်း ဘာစီလိုနာအသင်းသည် ၁၉၉၁-၉၂ ရာသီ၌ အောင်မြင်မှုကြီးကြီးမားမားရခဲ့ပြီး ယင်းအသင်း၏ ကျော်ကြားသော အပြာနှင့် အနီကြား ဝတ်စုံကို ပို၍ကိုယ်ကြပ်ဒီဇိုင်းထွင်ကာ လာမည့်ရာသီတွင် ဝတ်ဆင်မည် ဖြစ်သည်။
ဆမ်ဒိုးရီးယားကိုနိုင်သည့်ပွဲတွင် ဘာစီလိုနာအသင်းသည် အဝေးကွင်းဝတ်စုံသာဝတ်ဆင်ခဲ့သော်လည်း ပွဲအပြီး အောင်ပွဲခံရန် အိမ်ကွင်းဝတ်စုံကို ပြောင်းလဲ ဝတ်ဆင်ခဲ့သည်။
ဘာစီလိုနာအသင်း၏ အိမ်ကွင်းဝတ်စုံသစ်ကို ပရိသတ်များဝယ်ယူမည်ဆိုပါက ဝတ်စုံပြည့်အတွက် ၁၂၃ ပေါင် ကျသင့်မည်ဟု Nike တရားဝင်ဝက်ဘ်ဆိုက်တွင် ဖော်ပြထားသည်။
Ref; Daily Mail
