ချင်းပါတီသုံးခု တစ်ပါတီတည်းပေါင်းစည်းရန် သဘောတူ
လာမည့် ၂၀၂၀ အထွေထွေရွေးကောက်ပွဲမတိုင်မီ ချင်းတိုင်းရင်းသားပါတီများ ပေါင်းစည်းရေးအတွက် ချင်းပြည်နယ် အခြေစိုက် ချင်းတိုင်းရင်းသား နိုင်ငံရေးပါတီသုံးခုတို့ သဘောတူညီချက်ရရှိခဲ့ကြောင်း ယင်းပါတီများထံမှ သတင်းရရှိသည်။
ချင်းအမျိုးသားဒီမိုကရက် တစ်ပါတီ၊ ချင်းတိုးတက်ရေးပါတီနှင့် ချင်းဒီမိုကရေစီအဖွဲ့ချုပ်ပါတီတို့သည် တစ်ပါတီတည်းအဖြစ်ပေါင်းစည်းရန် ပါတီဥက္ကဋ္ဌများက ပြီးခဲ့သည့် ရက်ပိုင်းအတွင်းတွေ့ဆုံကာ သဘောတူညီခဲ့ခြင်း ဖြစ်သည်။
‘‘ကျွန်တော်တို့ပါတီသုံးခုပေါင်းဖို့တော့ မူအားဖြင့် သဘောတူလိုက်ပါပြီ။ ဘယ်လိုပုံစံမျိုးနဲ့ ဆက်ပြီး တော့ ပေါင်းစည်းရေး လုပ်မလဲဆိုတာတော့ ဆက်ပြီးဆွေးနွေးကြဖို့ရှိပါတယ်’’ ဟု ချင်းအမျိုးသား ဒီမိုကရက်တစ်ပါတီ ဥက္ကဋ္ဌ ဦးဇိုဇမ်က ပြောသည်။
ချင်းတိုင်းရင်းသားနိုင်ငံရေး ပါတီများပေါင်းစည်းရေးကို ၂၀၁၅ အထွေထွေရွေးကောက်ပွဲ မတိုင်မီက ကြိုးစားသော်လည်း အောင်မြင်မှုမရရှိကြောင်း၊ ချင်းပြည်နယ်တွင် အခြားသော အင်အားကြီးပါတီများ လာရောက်ယှဉ်ပြိုင်သည့်အခါ၌ ချင်းတိုင်းရင်းသားပါတီများကွဲပြားနေခြင်းကြောင့် ယင်းအင်အားကြီးပါတီများကို မယှဉ်ပြိုင်နိုင်ခဲ့ကြောင်း၊ ထို့အတွက် ချင်းတိုင်းရင်းသားပါတီများ ပေါင်းစည်းပြီး လာမည့် ရွေးကောက်ပွဲ၌ အင်အားကြီး ပါတီများကို ယှဉ်ပြိုင်နိုင်ရန် တစ် ပါတီတည်းအဖြစ် ပေါင်းစည်းရန် ကြိုးပမ်းခြင်း ဖြစ်သည်ဟု ချင်းဒီမို ကရေစီအဖွဲ့ချုပ်ပါတီထံမှ သိရ သည်။
အဆိုပါချင်းတိုင်းရင်းသား သုံးပါတီသည် တစ်ပါတီတည်းအဖြစ် ပေါင်းစည်းရေးကို သဘောတူညီပြီးနောက်တွင် ဖြစ်ပေါ်လာ မည့် ပါတီသစ်အတွက် အမည်၊ ပါတီအမှတ်တံဆိပ်နှင့် မူဝါဒများ ချမှတ်နိုင်ရေးတို့ ဆက်လက်ဆွေးနွေးရန်ရှိနေသည်။
ပြီးခဲ့သည့် ၂၀၁၅ အထွေ ထွေရွေးကောက်ပွဲတွင် ချင်းပြည် နယ်ရှိ မဲဆန္ဒနယ်အများစုကို လက်ရှိအာဏာရအမျိုးသားဒီမိုကရေစီ အဖွဲ့ချုပ်ပါတီက အနိုင်ရရှိခဲ့သည်။
မြန်မာနိုင်ငံတွင် နိုင်ငံရေးပါ တီ ၉၀ ကျော်ရှိကာ တိုင်းရင်းသားများနေထိုင်သော ပြည်နယ်များ ၌ ယင်းပြည်နယ်အခြေစိုက် တိုင်းရင်းသားနိုင်ငံရေးပါတီသည် နှစ်ပါတီ (သို့မဟုတ်) သုံးပါတီခန့် ရှိနေပြီး တိုင်းရင်းသားပါတီများ အနက် ရခိုင်တိုင်းရင်းသားများ တိုးတက်ရေးပါတီနှင့် ရခိုင်ဒီမိုက ရေစီအဖွဲ့ချုပ်တို့သာ ရခိုင်အမျိုး သားပါတီအဖြစ် အောင်မြင်စွာ ပေါင်းစည်းနိုင်ခဲ့သည်။
7 Day Daily
