ရှမ်းပြည်နယ်ရှိ ပါတီများပူးပေါင်းပြီး ရှမ်းပြည်နယ် တိုင်းရင်းသား နိုင်ငံရေးပါတီများ အဖွဲ့ချုပ် ဖွဲ့စည်းမည်
ရှမ်းပြည်နယ်အတွင်းရှိ နိုင်ငံရေးပါတီများစုစည်းကာ ရှမ်း ပြည်နယ်တိုင်းရင်းသားနိုင်ငံရေး ပါတီများ အဖွဲ့ချုပ်ကို ဖွဲ့စည်း တည်ထောင်ရန် မေလ (၂၉) ရက်တွင် ရှမ်းတိုင်းရင်းသားနိုင်ငံရေး ပါတီများက သဘောတူညီခဲ့ကြောင်း သတင်းရရှိသည်။
မေလ ၂၉ ရက်တွင် ရန်ကုန် မြို့ရှိ Orchid Hotel ၌ပြုလုပ်သောရှမ်းပြည်နယ်နိုင်ငံရေးပါတီများ အဖွဲ့ချုပ် ဖွဲ့စည်းတည်ထောင်ရေးအစည်းအဝေးကို ယင်းပြည်နယ်အတွင်းရှိ နိုင်ငံရေးပါတီ ၁၃ ပါတီ တက်ရောက်ခဲ့ကာ အဆိုပါပါတီများက ရှမ်းပြည်နယ် တိုင်းရင်းသားနိုင်ငံရေးပါတီများအဖွဲ့ချုပ် တည်ထောင်ရန် သဘောတူခဲ့ခြင်းဖြစ်သည်ဟု အင်းတိုင်းရင်းသားများအဖွဲ့ချုပ် အတွင်းရေးမှူး ဦးတင်စိုးက ပြောသည်။
ရှမ်းပြည်နယ်အတွင်းရှိ ပါတီများကို စုစည်းထားပြီး စည်းလုံးထားခြင်းဖြင့် လာမည့်ရွေးကောက်ပွဲများ၌ ပြည်နယ်သို့ လာရောက်ယှဉ်ပြိုင်မည့် အင်အားကြီးပါတီများကို ပြန်လည်ယှဉ်ပြိုင်နိုင်ရေးအပါအဝင် ရှမ်းပြည်နယ်ရှိ ကိစ္စရပ်များကို ပြည်နယ်အခြေ စိုက်နိုင်ငံရေးပါတီများ တစုတရုံးတည်း လုပ်ဆောင်နိုင် ရေးတို့ကို ရည်ရွယ်ထားကြောင်း ရှမ်းတိုင်းရင်းသားများဒီမိုကရက်တစ်ပါတီ (ကျားဖြူ)ဥက္ကဋ္ဌ ဦးစိုင်းအိုက်ပေါင်းက ပြောသည်။
အဆိုပါအစည်းအဝေးသို့တက်ရောက်ရန် ရှမ်းပြည်နယ်အတွင်းရှိ နိုင်ငံရေးပါတီ (၁၈) ပါတီကို ဖိတ်ကြားထားကြောင်း ဦးစိုင်းအိုက်ပေါင်းက ပြောသည်။
သို့သော် ရှမ်းပြည်နယ်အတွင်းရှိ အင်အားကြီးပါတီဖြစ်သော ရှမ်းတိုင်းရင်းသားများ ဒီမိုကရေစီအဖွဲ့ ချုပ်ပါတီ (ကျားခေါင်း)သည် အစည်းအဝေးသို့ တက်ရောက်ရန် ဖိတ်ကြားခြင်းခံရ၍ သွားရောက်ခဲ့ သော်လည်း တက်ရောက်ခွင့်မရခဲ့ကြောင်း ယင်းပါတီထံမှ သတင်းရရှိသည်။
အစည်းအဝေးတက်ရောက်ရန် နောက်ဆုံးလူစာရင်းတောင်းခံလာသည့်အချိန်တွင် တက်ရောက် မည့် သူခရီးသွားနေ၍ အချိန်မီပြန်ရောက်နိုင်ခြေ ရှိ၊ မရှိ ခန့်မှန်းရခက်နေသောကြောင့် အမည်စာရင်း မပေးပို့မိကြောင်း အစည်းအဝေးတက်ရောက်ရန် ဖိတ်ကြားထားမှုရှိသည့်အတွက် အစည်းအဝေး စတင်သည့် နံနက် (၉) နာရီ ရောက်ရှိအောင် သွားရောက်ခဲ့သော်လည်း အစည်းအဝေးသို့ ဝင်ခွင့် မရခဲ့ကြောင်း ရှမ်းတိုင်းရင်း သားများဒီမိုကရေစီအဖွဲ့ချုပ် ဒု ဥက္ကဋ္ဌ ဦးစိုင်းစောအောင်က ပြော သည်။
သို့သော် ဦးစိုင်းအိုက်ပေါင်းကမူ အစည်းအဝေးကျင်းပရန် ရက်မရောက်မီ မေလ ၂၈ ရက်ညပိုင်းက အစည်းအဝေး တက်ရောက်မည့်သူများ၏ နောက်ဆုံးအမည်စာရင်းကို တောင်းခဲ့သော်လည်း ရှမ်း တိုင်းရင်းသားများဒီမိုကရေစီအဖွဲ့ချုပ်က မပေးပို့၍ အစည်းအဝေးအတွင်းသို့ ဝင်ခွင့်ရှိသူများ အမည် စာရင်းတွင် မပါဝင်သောကြောင့် ဝင်ခွင့်မရခဲ့ခြင်းဖြစ်သည်ဟု ပြောသည်။
သို့သော် နောင်လာမည့် အစည်းအဝေးများတွင် မေလ ၂၉ ရက်က အစည်းအဝေးသို့ မပါဝင်ခဲ့သော ပါတီများကို ထပ်မံဖိတ်ကြားပြီး ရှမ်းပြည်နယ်မှ တစုတစည်း၊ တစ်စိတ်တစ်ဝမ်းတည်း ပြည်နယ်ကို အခြေခံသည့် နိုင်ငံရေးပါတီများအုပ်စု ဖွဲ့စည်းနိုင်ရေးကို ဆွေးနွေးမှုများပြုလုပ်မည်ဟု ဦးစိုင်းအိုက်ပေါင်း ကဆိုသည်။
ရှမ်းတိုင်းရင်းသားများဒီမို ကရက်တစ်ပါတီနှင့် ရှမ်းတိုင်းရင်း သားများဒီမိုကရေစီအဖွဲ့ချုပ်တို့သည် ရှမ်းပြည်နယ်အတွင်း အင်အားကြီးပါတီနှစ်ခုဖြစ်ကာ ၂၀၁၅ အထွေထွေရွေးကောက်ပွဲတွင် ရှမ်း တိုင်းရင်းသားများဒီမိုကရေစီ အဖွဲ့ချုပ်ပါတီက လွှတ်တော်သုံးရပ်တွင် နေရာ ၄၀ အနိုင်ရရှိခဲ့သည်။ သို့သော် ကျားဖြူပါတီမှာ တစ်နေရာသာ ရရှိခဲ့သည်ဟု သိရသည်။
7 Day Daily
