ပုံမှန်ကာကွယ်ဆေးထိုးလုပ်ငန်းတွင် ပြင်းထန်အဆုတ်ရောင်ရောဂါ ကာကွယ်ဆေး ၂၀၁၆ ဇူလိုင်၌ စတင်ထိုးနှံပေးမည်
ပြင်းထန်အဆုတ်ရောင် ရောဂါကာကွယ်ဆေး (PCV-Pneumococcal Conjugate Vaccine) ကို ပုံမှန်ကာကွယ် ဆေးထိုးလုပ်ငန်း စီမံချက်တွင်ထည့်သွင်း၍ ၂၀၁၆ ဇူလိုင် ၁ရက်၌ တစ်နိုင်ငံလုံးအတိုင်းအတာဖြင့် စတင်ထိုးနှံပေးမည် ဖြစ်ကြောင်း သတင်းရရှိသည်။ ပြင်းထန်အဆုတ်ရောင် ရောဂါများသည် အသက် (၂)နှစ် အောက် ကလေးများတွင် ဆေးဝါးကုသမှု အချိန်မီမရရှိပါက သေဆုံးမှုနှုန်းမြင့်မား နိုင်သောကြောင့် ကာကွယ်ဆေးထိုးခြင်းဖြင့် ယင်းရောဂါ ဖြစ်ပွားမှုနှင့် သေဆုံးမှုကို ထိရောက်စွာကာကွယ်နိုင်မည်ဖြစ်သည်။ ထို့ကြောင့် မြန်မာနိုင်ငံ တွင် ၂၀၁၆ ဇူလိုင်မှ စတင်၍ ငါးမျိုးစပ်ကာကွယ်ဆေး၊ ပိုလီယိုရောဂါကာကွယ်ဆေး၊ ထိုးဆေးနှင့် အတူ ယင်းပြင်းထန်အဆုတ်ရောင် ရောဂါကာကွယ်ဆေးကို ကလေးအသက် (၂)လမှစ၍ သုံးကြိမ်ထိုး နှံပေးမည်ဖြစ်ကြောင်း သိရသည်။
‘‘ဇူလိုင်လဆန်း ၁ ရက်မှာ တစ်ပြည်လုံးအတိုင်းအတာနဲ့ စထိုးမယ်။ အသက်(၂)လကလေးတွေ မှာပဲ ထိုးပေးမယ်။ အဲဒီအ သက်(၂)လကလေးက လေးလပြည့်ရင် တစ်ကြိမ်၊ ခြောက်လပြည့်ရင် တစ်ကြိမ်ထပ် ထိုးရမယ်။ စုစုပေါင်း သုံးကြိမ်ထိုးရမယ်။ ဒီကာကွယ်ဆေးက သုံးကြိမ်အပြည့်အ၀ထိုးမှသာ ရောဂါခုခံစွမ်းအားမြင့်မား မှာဖြစ်တဲ့အတွက် တခြားအသက် (၄)လ ကလေးတို့ (၈)လ ကလေး တို့ကို ထိုးပေးမှာမဟုတ်ဘူး’’ဟု ဒေါက်တာထွန်းမြင့်က ရှင်းပြ သည်။
ပြင်းထန်အဆုတ်ရောင်ရော ဂါဆိုသည်မှာ Streptococcus Pneumoniae ဗက်တီးရီးယားပိုး ကြောင့်ဖြစ်သော ရောဂါ များ အုပ်စုတစ်မျိုးဖြစ်သည်။ ပြင်းထန်အဆုတ် ရောင် ရောဂါပိုး ၀င်ရောက်ခြင်းကြောင့် ပြင်းထန်အဆုတ်ရောင်ခြင်း၊ ဦးနှောက်အမြှေးရောင် ခြင်း၊ သွေးဆိပ်တက်ခြင်း၊ နား ကိုက်ပြည်ယိုခြင်းများ ဖြစ်နိုင်ကြောင်း ကျန်းမာရေး ၀န်ကြီးဌာန မှသိရသည်။ ယင်းနုမိုကော့ကပ်စ် ဗက်တီးရီးယားပိုးသည် ရောဂါလက္ခဏာမပြဘဲ ကလေးများ၏ပါးစပ်နှင့် နှာခေါင်းထဲ တွင် ရှိနေတတ်ပြီး ချောင်းဆိုးခြင်း၊ထိမိ၊ ကိုင်မိခြင်း၊ အတူတူကစားခြင်းမှ တစ်ဆင့် ကလေးအချင်းချင်း ရောဂါ ကူးစက် တတ်ကြောင်း သိရသည်။
၂၀၀၈ တွင် အသက်(၅)နှစ် အောက် ကလေးသေဆုံးမှု နှစ်စဉ် ၈ ဒသမ ၈ သန်းရှိခဲ့ရာတွင် ပြင်းထန်အဆုတ်ရောင် ရောဂါကြောင့် သေဆုံးမှုသည် ပျမ်းမျှ ၅၄၁,၀၀၀ ရှိမည်ဟု ကမ္ဘာ့ကျန်းမာရေးအဖွဲ့က ခန့်မှန်းထားပြီး ဖွံ့ဖြိုးဆဲနိုင်ငံများ ၌ ပြင်းထန်အဆုတ်ရောင်ရော ဂါများသည် အသက် (၅)နှစ် အောက် ကလေးများသေဆုံးမှု၏ အဓိကအကြောင်း ရင်းဖြစ်ကြောင်းသိရသည်။
‘‘ကာကွယ်ဆေးတွေသာ ပုံမှန်မပျက်မကွက် ထိုးသွားမယ်ဆိုရင် ကလေးတွေရဲ့ သေပျောက်နှုန်းဟာ အများကြီး လျော့ကျမယ်လို့ မျှော်လင့်ပါတယ်။ ကလေးတွေ အတွက် အများကြီးအကျိုးရှိ ပါတယ်’’ဟု ကလေးကျန်းမာရေး ပညာဌာန အငြိမ်းစားပါမောက္ခ (ဌာနမှူး)ဒေါက်တာစောဝင်းက ပြောသည်။
