နိုင်ငံနှင့် ပြည်သူအကျိုးအတွက် အသက်ခန္ဓာပေးလှူသူများ
ဖွဲ့စည်းပုံအခြေခံဥပဒေ(၂ဝဝ၈)တွင် လွှတ်တော်ကိုယ်စားလှယ်များ၏ လေးပုံတစ်ပုံ (၂၅ရာခိုင်နှုန်း) ကို တပ်မတော်ကာကွယ်ရေးဦးစီးချုပ်က ဥပဒေနှင့်အညီ အမည်စာရင်းတင်သွင်း၍ ခန့်အပ်တာဝန် ပေးသော လွှတ်တော်ကိုယ်စားလှယ်များဟုဆိုကြသည်။ မြန်မာနိုင်ငံသည် လွတ်လပ်ရေးရရှိပြီး နောက်ပိုင်း ပြည်တွင်းသောင်းကျန်းမှုကြောင့် ၁၉၄၈-၄၉ တွင်တစ်ကြိမ်၊ အာဏာရဖဆပလ အဖွဲ့ချုပ် အတွင်း အစိတ်စိတ်အမြွှာမြွှာကွဲကြပြီး အာဏာလု၊ လက်နက်စုကြသဖြင့် သွေးချောင်းစီးလုနီး ၁၉၅၈-၅၉ တွင်တစ်ကြိမ်၊ ရှမ်းပြည်နယ်ဖက်ဒရယ်မူလှုပ်ရှားမှုဖြင့် ပြည်ထောင်စုပြိုကွဲလုဆဲဆဲ ၁၉၆၂ တွင် တစ်ကြိမ်၊ တိုင်းဆူပြည်ဖျက်ဆူပူမှုဖြင့် မင်းမဲ့စရိုက်လွှမ်းမိုးလာကာ ပြည်ပအင်အားကြီးနိုင်ငံတစ်ခုမှ ရေတပ်စစ်သင်္ဘောငါးစင်း မြန်မာ့ရေပိုင်နက်အတွင်း ကျူးကျော်ဝင်ရောက်လာသည့်အတွက် နိုင်ငံ ပြိုကွဲပြီး အချုပ်အခြာအာဏာ လက်လွတ်ဆုံးရှုံးလုဆဲဆဲ ၁၉၈၈ တွင်တစ်ကြိမ် စသော နိုင်ငံပြိုကွဲမည့် အခြေအနေများဖြစ်ခဲ့ဖူးသည်။
ထိုဖြစ်ရပ်တိုင်းတွင် တပ်မတော်က နိုင်ငံကို ဝင်ရောက်ထိန်းသိမ်းကာကွယ်ခဲ့ရသည်ကို တွေ့မြင်ရမည် ဖြစ်ပါသည်။ ထို့ကြောင့် နောက်နောင်တွင် ထိုကဲ့သို့အခြေအနေများ ထပ်မံမကြုံရလေအောင် တပ်မတော်သားကိုယ်စားလှယ်များက လွှတ်တော်များအတွင်း၌ ပါဝင်တင်ပြ၊ ဆွေးနွေး၊ အကြံပြု၊ တိုက်တွန်း၊ တားမြစ်ခွင့်ရှိစေရန် ဖွဲ့စည်းပုံအခြေခံ ဥပဒေတွင် ဥပဒေအရ တပ်မတော်သား ၂၅ ရာခိုင်နှုန်းပါဝင်နေခဲ့ရခြင်းဖြစ်ပေသည်။
အမှန်စင်စစ် တပ်မတော်သားကိုယ်စားလှယ် လေးပုံတစ်ပုံသည် ဒီမိုကရေစီပုံစံအရ လွှတ်တော် ကိုယ်စားလှယ် လေးပုံသုံးပုံကို အရေအတွက် (မဲဆန္ဒ) အရ မကျော်လွှားနိုင်ပါ။ တပ်မတော်သား ကိုယ်စားလှယ်များက နိုင်ငံတွင်ကျရောက်နိုင်သော ဘေးအန္တရာယ်များကို ထောက်ပြလာလျှင် ကျန် ကိုယ်စားလှယ်များအနက် နိုင်ငံတော်အကျိုးကို အမျိုးသားရေးအမြင်ရှိသူများအားလုံး သို့မဟုတ် လေးပုံသုံးပုံ၏ ထက်ဝက်နီးပါးက ထောက်ခံလာပါက နိုင်ငံ၌ မဖြစ်တန်သည်များမဖြစ်စေရန် ကာကွယ် နိုင်မည်ဖြစ်သည်။
၂၀၁၆ ခုနှစ်၊ မေလ (၁၀) ရက်နေ့ထုတ် ပြည်ထောင်စုနေ့စဉ် သတင်းစာ အယ်ဒီတာ့အာဘော်မှ ကောက်နှုတ်တင်ပြပါသည်။
အပြည့်အစုံဖတ်ရှုရန် http://uniondaily.net/News/DetailView_EditorView.aspx?id=48520&path=EditorView.asp
