ကမ္ဘာ့ကံအဆိုးဆုံး လောင်းကစားသမား တစ်ဦး
ချန်ပီယံဖြစ်တော့မယ့် လက်စတာဘက်က လောင်းကြေးထပ်ခဲ့တာတောင် အနိုင်မရပဲ အရှုံးပေါ်သွားပါတယ်။ ကမ္ဘာ့ကံအဆိုးဆုံး လောင်းကစားလုပ်တဲ့ သူတွေအထဲမှာ လက်စတာစီးတီး ပရိသတ်တစ်ဦးကို ထည့်သွင်းရတော့မှာ ဖြစ်ပါတယ်။ ရာသီအစတုန်းက လက်စတာချန်ပီယံဖြစ်မယ်လို့ သူလောင်းကြေး ထပ်ခဲ့ပေမယ့် အနိုင်ရရှိရမယ့်အစား တကယ်တမ်းမှာတော့ သူက စတာလင်ပေါင် ၅ ပေါင် အရှုံးတွေ့သွားပါသေးတယ်။
ပရီးမီးယားလိဂ် ရာသီမစခင်မှာ အဆိုပါ ပရိသတ်က လက်စတာအသင်း ချန်ပီယံဖြစ်မယ်ဆိုပြီး လက်စတာဘက်က ပေါင် ၅၀ လောင်းကြေးထပ်ခဲ့ပါတယ်။ လောင်းကြေးကုမ္ပဏီ Ladbrokes မှာ လောင်းကြေး ထပ်ခဲ့တာပါ။ ရာသီအကုန်မှာ လက်စတာ ချန်ပီယံဖြစ်မယ်ဆိုရင် လောင်းကြေးထပ်သူတွေက အဆပေါင်း ၅၀၀၀ ရရှိမယ်ဆိုပြီး ကုမ္ပဏီတွေဘက်က လောင်းကြေးဖွင့်ခဲ့တာ ဖြစ်ပါတယ်။
ဒါပေမယ့် ပရီးမီးယားလိဂ် ပွဲစဉ် ၁ အပြီးမှာပဲ အဆိုပါပရိသတ်က သူ့ရဲ့လောင်းကြေးပိုက်ဆံကို ပြန်ထုတ်သွားပါတယ်။ ကုမ္ပဏီဘက်က သတ်မှတ်ထားတဲ့ စည်းမျဉ်းအရ ပွဲစဉ်-၁ အပြီးမှာ ပိုက်ဆံပြန်ထုတ်တဲ့အတွက် သူ့အနေနဲ့ ၄၅ ပေါင် ပြန်ရရှိမှာ ဖြစ်ပါတယ်။
အဲဒီအချိန်တုန်းက လက်စတာချန်ပီယံဖြစ်မယ်လို့ ဘယ်သူကမှ မတွေးမိခဲ့တဲ့ အချိန်ပါ။ ပေါင် ၅၀ ကိုသာ ပြန်မထုတ်ခဲ့ဘူးဆိုရင် အဆိုပါပရိသတ်ဟာ အခုလက်စတာ ချန်ပီယံဖြစ်တာနဲ့ စတာလင်ပေါင် ၂၅၀၀၀၀ ရရှိမှာ ဖြစ်ပါတယ်။
လောင်းကြေးကုမ္ပဏီဘက်ကတော့ အဆိုပါပရိသတ်ဟာ တကယ့်ကို ကံဆိုးလွန်းတဲ့ ပရိသတ်ပါလို့ ပြောခဲ့ပါတယ်။
(BBC)
