ကြံခင်းပြည်ခိုင်ဖြိုး မြို့နယ်ကော်မတီဝင်များ ပြန်လည်ရွေးချယ်တင်မြှောက်ရေး အကြိုလုပ်ငန်းညှိနှိုင်း ဆွေးနွေး
ဧရာဝတီတိုင်းဒေသကြီး၊ ကြံခင်းမြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၏ မြို့နယ်ပါတီကော်မတီဝင်များ ပြန်လည်ရွေးချယ်တင်မြှောက်ရေး အကြိုလုပ်ငန်းညှိနှိုင်းဆွေးနွေးပွဲကို ယခုလ (၁၈) ရက် နံနက် (၉) နာရီက မြို့နယ်ပါတီရုံး စုဝေးခန်းမ၌ကျင်းပခဲ့ရာ ဟင်္သာတခရိုင်အတွင်း မြို့နယ်ပါတီကော်မတီဝင်များ ပြန်လည်စိစစ်ရေး အဖွဲ့ ခေါင်းဆောင် ဗဟိုပါတီကော်မတီဝင် ဦးခင်မောင်ရီနှင့် စိစစ်ရေးအဖွဲ့ဝင်များဖြစ်သည့် တိုင်းဒေသကြီးပါတီကော်မတီဝင် ဦးမြတ်စိုး၊ ဟင်္သာတခရိုင် ပါတီ ကော်မတီဝင် ဒေါက်တာသန်းထွဋ်၊ ဒေါ်ထားထားလှိုင်တို့ တက်ရောက်ကြသည်။
အဖွဲ့ခေါင်းဆောင် ဦးခင်မောင်ရီက ပါတီကော်မတီဝင်များ ပြန်လည်ရွေးချယ်ရာတွင် ထားရှိသည့် မူဝါဒ၊ ရည်မှန်းချက် များနှင့် စပ်လျဉ်း၍ ဗဟိုမှချမှတ်ထားသည့် အခြေအနေ၊ မိမိတို့ပါတီက အရှုံးအနိုင် ပဓာနမထားဘဲ နိုင်ငံနှင့် ပြည်သူ့ အကျိုးအတွက် ဆောင်ရွက်ရမည့်အခြေအနေတို့အပြင် အခြားသော နိုင်ငံများရှိ နိုင်ငံရေးပါတီများ၏ တရားစီရင်ရေး၊ အုပ်ချုပ်ရေးတို့၌ ပါဝင်ဆောင်ရွက်နေမှုတို့ကို ဥပမာထားကာ ဇွဲ၊ လုံ့လမလျှော့ဘဲ ဆောင်ရွက်ရန် ယခုပါတီဝင်များ ပြန်လည်ရွေးချယ်ရာတွင်လည်း မိမိတို့၏ စိတ်ဆန္ဒအတိုင်း ပြန်လည်အဆိုပြုရန်၊ ရယူပိုင်ဆိုင်ရေးထက် စွန့်လွှတ် အနစ်နာခံရေးကိုသာ ရှေးရှုဆောင်ရွက်မည်ဟု သန္နိဋ္ဌာန်ချမှတ်ထားကြရန်တို့ကို အကျယ်တဝင့် ဆွေးနွေးမှာကြား သည်။
ထို့နောက် တိုင်းဒေသကြီးပါတီကော်မတီဝင် ဦးမြတ်စိုး၊ ခရိုင်ပါတီကော်မတီဝင် ဒေါက်တာ သန်းထွဋ်နှင့် ဒေါ်ထားထားလှိုင်တို့က ရွေးကောက်တင်မြှောက်ခြင်းဆိုင်ရာ စည်းမျည်းစည်းကမ်း များကို ရှင်းလင်းပြောကြားကြကာ တက်ရောက် လာကြသော မြို့နယ်ပါတီကော်မတီဝင်များ၊ ရပ်/ကျေး နှင့် တိုက်နယ်ကိုယ်စားပြုခေါင်းဆောင်များက သိလိုသည်များ ကို မေးမြန်းကြသည်။
ဆက်လက်၍ ဗဟိုကော်မတီဝင် ဦးခင်မောင်ရီက မေးခွန်းများကို ပြန်လည်ရှင်းလင်း ဖြေကြားကာ အကြိုညှိနှိုင်းပွဲကို ရုပ်သိမ်းခဲ့သည်။ မွန်းလွဲပိုင်းတွင် ဦးခင်မောင်ရီနှင့်အဖွဲ့သည် မဲကုန်းကျေးရွာအုပ်စုရှိ အရန်ပါတီကော်မတီဝင် ဦးလှိုင်ဦး ၏နေအိမ်၌ မဲကုန်းနှင့် အနီးပတ်ဝန်ကျင်ကျေးရွာများမှ မိမိပါတီလိုလားသူ ပြည်သူများနှင့်တွေ့ဆုံကာ ပြည် ခိုင်ဖြိုးပါတီ၏ လက်ရှိဆောင်ရွက်နေသော ဆောင်ရွက်ချက်များကို ရှင်းလင်းပြောကြားခဲ့သည်။
အောင်ဆန်းဝင်း(ကြံခင်း)
