ဗြိတိန်ပေါ့ပ်ဂီတ ဆုပေးပွဲတွင် အဓိကဆုများ သိမ်းကြုံးယူနိုင်ခဲ့သော ဒေးဗစ်ဘိုဝီ
(၃၇) ကြိမ်မြောက် ဗြိတိန်ပေါ့ပ်ဂီတဆုပေးပွဲကို ပြီးခဲ့သော ဗုဒ္ဓဟူးနေ့တွင် ကျင်းပခဲ့ပြီး ဆုများအတွက် လျာထား ခံရသော အနုပညာရှင်များစွာ ရှိခဲ့သော်လည်း အဓိကဆုကြီးများကို ကွယ်လွန်သူ ပေါ့ပ်အဆိုတော် ဒေးဗစ်ဘိုဝီ က သိမ်းကြုံးရယူနိုင်ခဲ့သည်။
ပြီးခဲ့သော နှစ်ဇန်န၀ါရီလတွင် ကွယ်လွန်ခဲ့သော ဒေးဗစ်ဘိုဝီသည် အကောင်းဆုံး ဗြိတိန်အမျိုးသားအဆိုရှင်ဆု နှင့် အကောင်းဆုံး ဗြိတိန်တေးအယ်လ်ဘမ်ဆုတို့ကို သူ၏ Blackstar အယ်လ်ဘမ်ဖြင့် ဆွတ်ခူးနိုင်ခဲ့သည်။
အကောင်းဆုံးအမျိုးသမီး တစ်ကိုယ်တော်အဆိုရှင်ဆုကိုတော့ အမ်မလီဆန်ဒီက အယ်လီဂေါ့လ်ဒင်းကို ကျော် ဖြတ်ကာ ဆွတ်ခူးနိုင်ခဲ့သည်။
ဗြိတိန်ပေါ့ပ်ဂီတဆုပေးပွဲ၌ ဆုများဆွတ်ခူးခဲ့သော အခြားနာမည်ကျော် အဆိုရှင်များမှာ ကမ္ဘာတစ်ဝန်း အောင်မြင် မှုအရဆုံးအဆိုတော်အဖြစ် ရွေးချယ်ခံခဲ့ရသော အဒဲလ်နှင့် အကောင်းဆုံး နိုင်ငံတကာ အမျိုးသမီးတစ်ကိုယ်တော် ဆုကို ဆွတ်ခူးနိုင်ခဲ့သော ဘီယွန်းဆေးတို့ဖြစ်ကြသည်။
ဒါ့အပြင် အကောင်းဆုံး နိုင်ငံတကာအမျိုးသား တစ်ကိုယ်တော်ဆုကို ဒရိတ်ခ်က ဆွတ်ခူးနိုင်ခဲ့ပြီး အကောင်းဆုံး ဗြိတိန်သီချင်းဆုကို Little Mix အဖွဲ့မှ Shout out To My Ex သီချင်းဖြင့်ဆွတ်ခူးနိုင်ခဲ့သည်။
# Mizzima
