တောင်ကြီးမြို့နယ်ပြည်ခိုင်ဖြိုးပါတီ သံဃာတော်များအား ဆွမ်းဆက်ကပ်လှူဒါန်း
ယခုလ ၁၁ရက်က တောင်ကြီး မြို့နယ် လွယ်တော်ကျေးရွာအုပ်စု ဇလဲဘုန်းတော်ကြီးကျောင်းတွင် နှစ်စဉ်ကျင်းပသည့် သံဃာတော် များ ပဋိဝတ်တည်ဆောက်ပွဲတွင် တောင်ကြီးမြို့နယ် ပြည်ခိုင်ဖြိုး ပါတီက နေ့ဆွမ်းတစ်နပ်ဆက်ကပ် လှူဒါန်းရာသို့ ရှမ်းပြည်နယ်အစိုးရ အဖွဲ့ဝင် ပြည်နယ်လမ်းပန်းဆက် သွယ်ရေးဝန်ကြီး ဦးခွန်ရဲထွေး၊ ဗမာတိုင်းရင်းသားရေးရာဝန်ကြီး ဒေါက်တာ အောင်သန်းမောင်၊ မြို့နယ်ပါတီဥက္ကဋ္ဌ ဦးအောင်သူရ ရှင်းနှင့် မြို့နယ်ပါတီကော်မတီဝင် များ၊ ရပ်မိရပ်ဖများ တက်ရောက် ကြည်ညိုကြပြီး လှူဒါန်းမှုအစုစု တို့အတွက် ရေစက်သွန်းချ အမျှ ပေးဝေကြသည်။
အဆိုပါ သံဃာတော်များ ပဋိဝတ်တည်ဆောက်ခြင်းကို လွယ် တော်ကျေးရွာအုပ်စုဇလဲဘုန်းတော် ကြီးကျောင်းတွင် နှစ်စဉ်မပျက် ကျင်းပလာရာ ယခုနှစ်အပါအဝင် ဆိုလျှင် (၁၄၄)နှစ်မြောက်ရှိသွား ပြီဖြစ်ကြောင်း သိရသည်။
သန်းထူး(တောင်ကြီး)
