သိပ်လှစေတယ်ဆိုတဲ့ ချက်ဆေးကို ကိုယ်တိုင် ဖျော်သောက်ကြမယ်
လူအများက ချက်ဆေးလို့ခေါ်တဲ့ ရှားစောင်းလက်ပတ်ဖျော်ရည်က ကျန်းမာရေးအတွက် အလွန့်အလွန် ကောင်း မွန်တာကို အားလုံးသိပြီးသားလို့ ထင်ပါတယ်။ အသားအရေအတွက် ရှားစောင်း လက်ပတ်ကို အရေပြားပေါ်တင် လိမ်းပေးရုံနဲ့ ဒီလောက် လှသွားစေနိုင်တယ်ဆိုရင် ရှားစောင်းလက်ပတ်အနှစ်ကိုသာ အရည်ဖျော်သောက်မယ် ဆိုရင်တော့ ပြောစရာကို မလိုတော့ပါဘူး။ ရှားစောင်းလက်ပတ်အနှစ်နဲ့ပဲ ကျိုချက်ရင် ဂျယ်လီလေးလို အိအိလေး ဖြစ်သွားပါတယ်။ ရောင်းမယ့်သူတွေကတော့ ချက်ဆေးကို ရှားစောင်းအနှစ်နဲ့ပဲချက်ရင် မကိုက်တဲ့အတွက် အခွံ တွေပါ ထည့်ကျိုချက်ကြပါတယ်။
ရှားစောင်းလက်ပတ်ဖျော်ရည်အတွက် လိုအပ်တဲ့အရာတွေကတော့ ရှားစောင်းလက်ပတ် တစ်ပင်၊ ထန်းလျက်ရည် (၄၀) သား၊ နှမ်းဆီ (၂၅) ကျပ်သား၊ ပျားရည် (၁၀) ကျပ်သားရယ်ပဲ လိုပါမယ်။ ဖျော်ပုံဖျော်နည်းကတော့ ရှားစောင်းလက်ပတ် ဘေးနှစ်ဘက်က ဆူးလေးတွေကို ဓားလေးနဲ့ အရင်ဖြတ်ရမယ်။ ပြီးရင် တစ်ရက်လောက် ထောင်ထားပါ။ ထွက်လာတဲ့ အဝါရောင်အရည်တွေကို ဖယ်ပစ်လိုက်ပါ။ ဒီအဝါရည်တွေကို မဖယ်ဘဲ ကျိုမယ်ဆိုရင် ဝမ်းပျက်ဝမ်းလျှောဖြစ်စေနိုင်ပါတယ်။
ပြီးရင် အခွံတစ်ဖက်ကို ဓားနဲ့ အပေါ်ယံလေးတင် လှီးဖယ်လိုက်မယ်။ အနှစ်ကို ဇွန်း (သို့) ဓားနဲ့ ခြစ်ချလိုက်ရင် အရည်တွေ အများကြီးထွက်လာမှာဖြစ်ပြီး အဲဒီအရည်တစ်ဝက်လောက်ဘဲ ကျန်တဲ့အထိ အချိန်အတော်ကြာ ကျို ထားရပါမယ်။ ထန်းလျက်ခဲတွေကို သက်သက်အရည်ကျိုထားပြီး ထန်းလျက်ရည်မှာပါလာတဲ့ အနယ်တွေကို ပိတ်စနဲ့ ဖြစ်ဖြစ်စစ်ပေးရမယ်။
ပြီးရင် ထန်းလျက်ရည်ကျိုထားတာကို စောစောက ရှားစောင်းလက်ပတ်ကျိုထားတဲ့အရည်ထဲကို ထည့်လိုက်ပါ။ ခဏနေရင် နှမ်းဆီလေး နည်းနည်းပဲထည့်ပြီးမွှေပေးပါ။ ရေခမ်းစပြုလာပြီဆိုရင် ပျားရည်လေးထည့်ပြီး မွှေလိုက် မယ်။ ကျိုနေရင်း အိုးမကပ်အောင် မီးအေးအေးနဲ့ တည်ပေးရမှာပါ။ ကျိုထားတဲ့အရည်ထဲမှာ ရေကျန်နေရင် မှို တက်တတ်တဲ့အတွက် ရေခမ်းသည်ထိ မွှေထားပြီး ကျိုပေးပါ။ ကျန်တဲ့အရည်အနှစ်တွေက ဂျယ်လီလေးလိုပဲ တော်တော်ကြီး စားကောင်းတဲ့ ရှားစောင်းလက်ပတ်ဖျော်ရည်ရပါပြီ။
သက်တမ်း (၂)နှစ်နဲ့အထက်ရှိတဲ့အပင်တွေမှာပဲ ထူးခြားကောင်းမွန်တဲ့ ဆေးဖက်ဝင်အစွမ်းသတ္တိတွေ ပါဝင်တာ ကြောင့် ရှားစောင်းလက်ပတ်ပင်ကိုရွေးတဲ့အခါမှာ အပင်သက်တမ်း အနည်းဆုံး (၂)နှစ်နဲ့ အထက်ရှိတဲ့ အပင်တွေကို ရွေးဖို့လိုပါတယ်။ တစ်လမှာ (၂) ကြိမ်လောက်သောက်ရုံနဲ့ အူမကြီးကိုသန့်စင်ပေးတာမို့ ဆီး၊ ဝမ်း၊ လေကိုမှန်စေပါတယ်။ ကိုယ်အလေးချိန်ကျအောင်ဆိုပြီး အလုအယက် မှာဝယ်နေကြတဲ့ ချက်ဆေးဆိုတာ ဒီရှားစောင်းအနှစ်ကို ကျိုထားတာပါပဲ။ Credit : Duwun
