မုန်တိုင်းနောက်ဆက်တွဲ မြေပြိုမှုများကြောင့် တရုတ်အရှေ့ပိုင်းတွင် အသေအပျောက်များမည်ကို စိုးရိမ်နေရ
မုန်တိုင်းနောက်ဆက်တွဲ ရေကြီးမြေပြိုမှုများကြောင့် တရုတ်နိုင်ငံ အရှေ့ပိုင်းတွင် လူအမြောက်အမြား သေဆုံးမည့် အခြေအနေကို စိုးရိမ်နေရကြောင်း သိရသည်။ စက်တင်ဘာ ၂၈ ရက်က နိုင်ငံအရှေ့ပိုင်း ဇီဂျီအန်း ပြည်နယ်တွင် မြေပြိုမှုများ ဖြစ်ပွားရာ ကျေးရွာတစ်ခုတွင် အိမ်ခြေ အများအပြား ရွှံ့ချပ်များ ဖုံးအုပ်သွားပြီး လူ ၃၀ ဝန်းကျင်မျှ ပျောက်ဆုံးလျက်ရှိကြောင်း တရုတ် အစိုးရ မီဒီယာများက ဖော်ပြခဲ့သည်။
မက်ဂီ တိုင်ဖွန်းမုန်တိုင်းသည် တရုတ်နိုင်ငံကို ဝင်ရောက်တိုက်ခတ်ပြီးနောက် မိုးသည်းထန်စွာ ရွာသွန်းကာ ရေကြီး မြေပြိုမှုများ ပေါ်ပေါက်လာခြင်းဖြစ်သည်။ လတ်တလောတွင် ဆူကွန်ကျေးရွာရှိ ပျောက်ဆုံးနေသူများကို ရှာဖွေ နိုင်ရန် အချိန်လု ဆောင်ရွက်နေရသည်။
ပြီးခဲ့သည့်လက ဆီချောင်ခရိုင်တွင် မြေပြိုမှုများ ပေါ်ပေါက်ခဲ့ပြီးနောက် ယခုနှစ် ပစိဖိတ်တိုင်ဖွန်းရာသီတွင် မြေပြိုမှု၊ ရေကြီးမှုများ တားဆီးကာကွယ်ရေးကို ဦးစားပေး လုပ်ဆောင်ရန် လိုအပ်နေပြီဟု တရုတ်အစိုးရပိုင် ပြည်သူ့နေ့စဉ် သတင်းစာက ရေးသားခဲ့ဖူးသည်။ လတ်တလောတွင် ဒေသဆိုင်ရာ အာဏာပိုင်များ၊ အထူးသဖြင့် မုန်တိုင်းဒဏ် အဓိကခံစားရလေ့ရှိသည့် ကမ်းရိုးတန်းဒေသများမှ အုပ်ချုပ်ရေးတာဝန်ရှိသူများအနေဖြင့် သဘာဝဘေးအန္တရာယ် ကာကွယ်ရေးဆိုင်ရာ လုံလောက်သည့် အားထုတ်မှုမျိုး မရှိခဲ့ဟု ဝေဖန်ပြစ်တင်မှုများ ရင်ဆိုင်နေရသည်။
ဆူကွန်ကျေးရွာတွင် အခြေအနေ အလွန်ဆိုးနေပြီး အိမ်ခြေ အများအပြားရေမြုပ်ကာ အပျက်အစီးများ မျောပါ လျက်ရှိသည်။ ကယ်ဆယ်ရေး လုပ်ငန်းများကို အရှိန်မြှင့်တင်ရန် အကောင်အထည် ဖော်နေသော်လည်း မြေပြိုမှု များကြောင့် လမ်းပန်းဆက်သွယ်ရေး ခက်ခဲပြီး အဟန့်အတားများ ကြုံနေကြောင်းလည်း သိရသည်။
မက်ဂီမုန်တိုင်းသည် ထိုင်ဝမ်ကို ဖြတ်ကျော်ကာ တရုတ်သို့ ကုန်းတွင်းဝင်ရောက် တိုက်ခတ်ခဲ့ခြင်းဖြစ်သည်။ ထိုင်ဝမ်ကို ဖြတ်သန်းချိန်၌ လူ ၄ ဦး သေဆုံးကာ ၅၂၃ ဦး ဒဏ်ရာများ ရခဲ့ကြောင်း ထိုင်ဝမ်အာဏာပိုင်များက ကြေညာသည်။ အဆိုပါ မုန်တိုင်းသည် ယခုနှစ် ပစိဖိတ် တိုင်ဖွန်းရာသီတွင် ထိုင်ဝမ်ကို ဝင်ရောက်တိုက်ခတ်သည့် တတိယမြောက် တိုင်ဖွန်းလည်း ဖြစ်သည်။
Xinhua သတင်းဌာနက မုန်တိုင်း ကုန်းတွင်းဝင်ရောက်ခဲ့ရာ ဒေသတွင် ပင်လယ်ကမ်းစပ်၌ အသက်မွေး အလုပ် လုပ်သူ တစ်သိန်းနှစ်သောင်းကျော်ရှိမည်ဟု ခန့်မှန်းထားပြီး ၎င်းတို့ ဘေးကင်းသည့် အခြေအနေကို အတိအကျ သတင်းမရသေးဟု ဆိုသည်။ ဖူဂျီအန်းတွင် ငါးဖမ်းလှေ သုံးသောင်းကျော်မျှကို မုန်တိုင်းမဝင်မီ ကတည်းက ကမ်းပြန်ကပ်ထားရန် အာဏာပိုင်များက ညွှန်ကြားထားခဲ့သည်။
နှစ်တစ်နှစ်၏ ယခုကဲ့သို့ လပိုင်းမျိုးတွင် ပစိဖိတ်သမုဒ္ဒရာအတွင်း တိုင်ဖွန်းမုန်တိုင်းများ ဖြစ်ပေါ်ခြင်းမှာ သမားရိုးကျ အခြေအနေတစ်ခုဟု ဆိုသည်။ တိုင်ဖွန်းများသည် ပစိဖိတ် သမုဒ္ဒရာရေပြင်ကို ကျော်ဖြတ်ရင်း ပိုမိုအားကောင်း လာလေ့ရှိရာ ကုန်းတွင်းဝင်ရောက်ချိန်တွင် လေပြင်းများ ၏တိုက်ခတ်ပြီး မိုးသည်းထန်စွာ ရွာသွန်းမှုများ ပေါ်ပေါက် လာတတ်ကြောင်းလည်း သိရသည်။ Ref: CNA
